SUN குழுமத்திலிருந்து வெளிவரும் காலை நாளிதழ்

இத்தாலி ஓபன் டென்னிஸ் கால் இறுதியில் கெர்பர்

2018-05-18@ 00:39:24

ரோம்: இத்தாலி ஓபன் டென்னிஸ் மகளிர் ஒற்றையர் பிரிவு கால் இறுதிப் போட்டியில் விளையாட ஏஞ்சலிக் கெர்பர் தகுதி பெற்றுள்ளார். இத்தாலியின் ரோம் நகரில் நடக்கும் இத்தொடரில் 3ம் சுற்றுப் போட்டிகள் நேற்று நடந்தன. இதில், முன்னாள் நம்பர்-1 வீராங்கனையான ஜெர்மனியின் ஏஞ்சலிக் கெர்பர், கிரீசின் மரியா சக்காரியை எதிர்த்து விளையாடினார். அபாரமாக ஆடிய கெர்பர் 6-1, 6-1 என்ற நேர் செட்களில் சக்காரியை வீழ்த்தி, கால் இறுதிக்கு முன்னேறினார். மற்றொரு போட்டியில், அனுபவ வீராங்கனையான அமெரிக்காவின் வீனஸ் வில்லியம்ஸ் 2-6, 6-7 என்ற நேர் செட்களில் எஸ்தோனியாவின் அனட்கோன்டாவெயிட்டிடம் அதிர்ச்சித் தோல்வி அடைந்தார்.

லாட்வியாவின் ஒஸ்டபென்கோ 2-6, 6-3, 6-4 என்ற செட்களில் இங்கிலாந்தின் கோன்டாவையும், உக்ரைனின் ஸ்விடோலினா 0-6, 6-3, 6-2 என்ற செட்களில் ரஷ்யாவின் கஸட்கினாவையும் போராடி வென்று கால் இறுதியில் நுழைந்தனர். முன்னதாக நடந்த 2ம் சுற்றுப் போட்டியில் ரஷ்யாவின் மரிய ஷரபோவா 3-6, 6-4, 6-2 என்ற செட்களில் ஸ்லோவாகியாவின் டொமினிகா சிபுல்கோவாவை வென்றார். உலகின் 3ம் நிலை வீராங்கனையான ஸ்பெயினின் முகுருசா 7-5, 2-6, 6-7 என்ற செட்களில் ஆஸ்திரேலியாவின் கவ்ரிலோவாவிடம் அதிர்ச்சித் தோல்வி அடைந்தார்.


மேலும் செய்திகள்

Like Us on Facebook Dinkaran Daily News
  • GurugramBuildingCollapse

    ஹரியானாவில் புதிதாக கட்டப்பட்டு வந்த 4 மாடி கட்டிடம் இடிந்து விபத்து: மீட்பு பணிகள் தீவிரம்!

  • Netajimodi

    நேதாஜி சுபாஷ் சந்திரபோஸ் அருங்காட்சியகம் : பிரதமர் மோடி திறந்து வைத்தார்

  • VenezuelaProtestMaduro

    அதிபர் மதுரோ பதவி விலகக்கோரி வெனிசுலாவில் வலுப்பெற்றுள்ள போராட்டம்: வன்முறையில் இதுவரை 13 பேர் பலி

  • ChinaAIRestaurant

    முழுக்க முழுக்க ரோபோக்களால் செயல்படும் உணவகம்..: சீன தலைநகர் பெய்ஜிங்கில் திறப்பு

  • GreenLandIceLoss

    கிரீன்லாந்தில் நான்கு மடங்கு அதிகமாக உருகி வரும் பனிப்பாளங்கள்..: விஞ்ஞானிகள் கவலை!

படங்கள் வீடியோ கல்வி சினிமா ஜோ‌திட‌ம்