SUN குழுமத்திலிருந்து வெளிவரும் காலை நாளிதழ்

ஈரோடு மாட்டுச்சந்தையில் கறவை மாடுகள் வரத்து பாதியாக குறைவு

2018-05-17@ 19:58:02

ஈரோடு: ஈரோடு மாட்டு சந்தையில் கறவை மாடுகளின் வரத்து பாதியாக குறைந்ததால் கர்நாடக மாநில வியாபாரிகள் ஏமாற்றத்துடன் திரும்பிச் சென்றனர்.ஈரோடு கருங்கல்பாளையம் கறவை மாட்டு சந்தை வாரந்தோறும் வியாழக்கிழமை நடைபெறுவது வழக்கமாகும். வறட்சி காரணமாக கடந்த மாதம் வரை விற்பனைக்கு வரும் மாடுகளின் வரத்து அதிக அளவில் இருந்து வந்தது. இந்நிலையில் கடந்த 2 வாரங்களாக பரவலாக கோடை மழை பெய்து வருவதால் வறட்சி நீங்கி பசுமை படர தொடங்கி உள்ளதால் தீவன தட்டுப்பாடு நீங்கி உள்ளது. இதனால் விற்பனைக்கு வரும் மாடுகளின் எண்ணிக்கை கடந்த 2 வாரங்களாக குறைந்து கொண்டே வருகின்றது.

இந்நிலையில் கர்நாடக மாநில சட்டமன்ற தேர்தல் நடைபெற்றதால் குறிப்பிட்ட அளவுக்கு மேல் பணம் கொண்டு வர முடியாத நிலை ஏற்பட்டதால் கடந்த ஒரு மாதகாலமாக அம்மாநில வியாபாரிகளின் வருகை இல்லாமல் இருந்து வந்தது. தற்போது தேர்தல் முடிவடைந்ததையடுத்து இன்று ஈரோடு மாட்டு சந்தைக்கு அதிக அளவில் கர்நாடக மாநில மாட்டு வியாபாரிகள் ஆர்வத்துடன் வந்திருந்தனர். ஆனால் மாடுகளின் வரத்து பாதியாக குறைந்திருந்ததால் ஏமாற்றமடைந்த கர்நாடக வியாபாரிகள் குறைந்த எண்ணிக்கையிலேயே மாடுகளை வாங்கிச்சென்றனர்.


மேலும் செய்திகள்

Like Us on Facebook Dinkaran Daily News
  • 27-06-2019

    27-06-2019 இன்றைய சிறப்பு படங்கள்

  • mo

    அமெரிக்க வெளியுறவுத்துறை அமைச்சர் மைக் பாம்பியோ பிரதமர் நரேந்திர மோடியுடன் சந்திப்பு

  • 4l

    ஓரின சேர்க்கை உரிமைகள் இயக்கத்திற்கான 50 வது ஆண்டு விழா கொண்டாட்டம்

  • c1

    ஈராக் போரில் துணிச்சலுடன் செயல்பட்ட வீரருக்கு அதிபர் டொனால்ட் டிரம்ப் பதக்கம் வழங்கினார்

  • b

    இடம்பெயருதலை தடுக்க அமெரிக்கா,மெக்ஸிகோ இடையிலான எல்லையில் 15,000 தேசிய பாதுகாப்பு படையினர் குவிப்பு

படங்கள் வீடியோ கல்வி சினிமா ஜோ‌திட‌ம்