SUN குழுமத்திலிருந்து வெளிவரும் காலை நாளிதழ்

சர்ச்சைகளில் சிக்கிய முன்னாள் நீதிபதி கர்ணன் புதிய கட்சி தொடங்கினார்

2018-05-17@ 19:34:06

கொல்கத்தா: பல்வேறு சர்ச்சைகளில் சிக்கிய முன்னாள் நீதிபதி கர்ணன் புதிய கட்சியை தொடங்கினார். வருகிற நாடாளுமன்ற தேர்தலில் தனது கட்சி போட்டியிடும் என அறிவித்துள்ளார்.கொல்கத்தா உயர்நீதிமன்ற நீதிபதியாக பணியாற்றியவர் கர்ணன். சென்னை உயர்நீதிமன்ற நீதிபதியாக இருந்தபோது அவர் பணியிட மாற்றம் செய்யப்பட்டார். இந்த உத்தரவுக்கு தானே தடை விதித்து கொண்டதால் அவருக்கு வழக்குகளை ஒதுக்க கூடாது என உச்ச நீதிமன்றம் உத்தரவிட்டது. உச்ச நீதிமன்றத்தின் மீது பல்வேறு குற்றச்சாட்டுகளை கூறிய நீதிபதி கர்ணன், தான் தலித் சமூகத்தை சேர்ந்தவன் என்பதால் ஒதுக்கப்படுகிறேன் என கூறினார். இதனால் அவர் மீது நீதிமன்ற அவமதிப்பு வழக்கு தொடரப்பட்டது. இதுதொடர்பாக, கடந்தாண்டு 6 மாதம் சிறை தண்டனை விதிக்கப்பட்டது.

தண்டனை காலம் முடிந்து வெளியே வந்துள்ள நீதிபதி கர்ணன், ‘ஊழல் எதிர்ப்பு கட்சி’ என்ற புதிய கட்சியை தொடங்கியுள்ளார். இதன் தொடக்க விழா கொல்கத்தாவில் நேற்று நடந்தது. இதுகுறித்து, முன்னாள் நீதிபதி கர்ணன் கூறியதாவது:ஊழலை வேரோடு அழிக்க வேண்டும் என்பதே கட்சியின் நோக்கம். தலித்துகள், சிறுபான்மையினர் நலனை பாதுகாக்கும் வகையில் இக்கட்சி செயல்படும். வருகிற நாடாளுமன்ற தேர்தலில் போட்டியிடுவோம். தேர்தலில் பெண்களுக்கு அதிகளவில் வாய்ப்பு வழங்கப்படும். பிரதமர் மோடியின் சொந்த தொகுதியான வாரணாசியில் எனது கட்சியின் சார்பில் பெண் வேட்பாளர் நிறுத்தப்படுவார். ஊழல் எதிர்ப்பு கட்சியை தேர்தல் ஆணையத்தில் பதிவு செய்வதற்கான நடவடிக்கைகள் எடுக்கப்பட்டு வருகின்றன. இவ்வாறு அவர் கூறினார்.


மேலும் செய்திகள்

Like Us on Facebook Dinkaran Daily News
  • 16-06-2019

    16-06-2019 இன்றைய சிறப்பு படங்கள்

  • 15-06-2019

    15-06-2019 இன்றைய சிறப்பு படங்கள்

  • china

    சீனாவில் பாலம் சரிந்ததால் 2 வாகனங்கள் தண்ணீரில் மூழ்கியது: மூழ்கியவர்களை தேடும் பணி தீவிரம்

  • oaman_thee11

    மர்ம தாக்குதல்களால் ஓமன் வளைகுடா பகுதியில் தீப்பற்றி எரியும் எண்ணெய் கப்பல்கள்

  • AftermathProtestHK

    ஹாங்காங்கில் அரங்கேறும் தொடர் போராட்டங்களால் அலங்கோலமாகும் நகரும்..: புகைப்படங்கள்

படங்கள் வீடியோ கல்வி சினிமா ஜோ‌திட‌ம்