SUN குழுமத்திலிருந்து வெளிவரும் காலை நாளிதழ்

ஜம்மு காஷ்மீரில் உள்ள அமர்நாத் கோயில் செல்ல 1.70 லட்சம் பேர் முன்பதிவு

2018-05-17@ 19:12:32

ஸ்ரீநகர்,: காஷ்மீரில் உள்ள, அமர்நாத் குகை கோவிலுக்கு செல்ல, இதுவரை, 1.70 லட்சம் பேர் பதிவு செய்துள்ளனர்.ஜம்மு - காஷ்மீர் மாநிலத்தில் மக்கள் ஜனநாயக கட்சி - பா.ஜ., கூட்டணி ஆட்சி நடக்கிறது. மக்கள் ஜனநாயக கட்சியை சேர்ந்த மெகபூபா முதல்வராக இருக்கிறார். இந்த மாநிலத்தில் அமைந்துள்ள, அமர்நாத் குகை கோவிலில், பனி லிங்க தரிசனம் செய்ய, ஆண்டுதோறும், லட்சக் கணக்கான பக்தர்கள், புனிதப் பயணம் மேற்கொள்வது வழக்கம். இந்த பயணத்தில் பங்கேற்க விரும்புவோர், முன்பதிவு செய்வது அவசியம். இந்த ஆண்டுக்கான, அமர்நாத் புனித யாத்திரை, அடுத்த மாதம், 28ல் துவங்கி, 60 நாட்கள் நடக்க உள்ளது.

இதற்கான முன்பதிவு கடந்த மார்ச், 1ல் துவங்கியது. நாட்டின் பல பகுதிகளில் செயல்படும், பஞ்சாப் நேஷனல் வங்கி, ஜம்மு - காஷ்மீர் வங்கி மற்றும் எஸ் வங்கிகளின், 440 கிளைகளில், இதற்கான முன்பதிவு செய்யப்படுகிறது. இதுவரை, 1.39 லட்சம் பேர், தரை வழியாகவும், 28 ஆயிரத்து, 516 பேர், ஹெலிகாப்டர் மூலமும் யாத்திரை செல்ல முன்பதிவு செய்துள்ளனர். 2,122 வெளிநாட்டினரும், அமர்நாத் யாத்திரையில் பங்கேற்ற முன் பதிவு செய்துள்ளனர். 13 வயதுக்கு உட்பட்ட மற்றும் 75 வயதுக்கு மேற்பட்டோர், இந்த யாத்திரையில் பங்கேற்க அனுமதி கிடையாது.முழு உடல் நல பரிசோதனைக்குப் பின்பே, யாத்திரையில் பங்கேற்க அனுமதிக்கப்படுகின்றனர். யாத்திரையில் பங்கேற்க விரும்புவோர், உடனடியாக பதிவு செய்யும் வகையில், ‘ஆன் ஸ்பாட் ரெஜிஸ்ட்ரேசன்’ மையங்களும் செயல்படுத்தப்ட்டு வருகிறது.


மேலும் செய்திகள்

Like Us on Facebook Dinkaran Daily News
  • 22-03-2019

    22-03-2019 இன்றைய சிறப்பு படங்கள்

  • NerthikkadanTriplecane

    பங்குனி உத்திரப்பெருவிழா: திருவல்லிக்கேணி முருகன் கோயிலில் நூற்றுக்கணக்கான பக்தர்கள் நேர்த்திக்கடன்

  • TokyoOlympicTorch

    2020 ஒலிம்பிக் போட்டிக்கு தீவிரமாக தயாராகி வரும் டோக்கியோ..: புதிய ஒலிம்பிக் ஜோதி கோப்பை அறிமுகம்

  • newzealandattack

    நியூசிலாந்து மசூதி துப்பாக்கிச் சூடு : உயிரிழந்தவர்களின் உடல்கள் ஒரே இடத்தில் புதைக்கப்பட்டது

  • PhilipinesWhalePlastic

    இறந்த நிலையில் கரை ஒதுங்கிய திமிங்கலத்தின் வயிற்றில் 40 கிலோ பிளாஸ்டிக் கழிவுகள்: ஆராய்ச்சியாளர்கள் அதிர்ச்சி

படங்கள் வீடியோ கல்வி சினிமா ஜோ‌திட‌ம்