SUN குழுமத்திலிருந்து வெளிவரும் காலை நாளிதழ்

வறட்சியால் சொட்டுநீர் பாசனத்துக்கு மாறிவரும் விவசாயிகள்

2018-05-17@ 11:09:57

துறையூர்: துறையூர் தாலுகாவில் வறட்சியாலும், ஆழ்துளை கிணறுகள் வறண்டுபோனதாலும் விவசாயிகள் சொட்டுநீர் பாசனத்திற்கு மாறியுள்ளனர். துறையூர் தாலுகாவில் உப்பிலியபுரம், துறையூர் ஆகிய ஊராட்சி ஒன்றிய பகுதிகள் உள்ளன. உப்பிலியபுரம் ஒன்றியத்தில் பி.மேட்டூர், வைரிசெட்டிப்பாளையம், கோட்டபாளையம், வலையப்பட்டி, எரகுடி, பாலகிருஷ்ணம்பட்டி உள்ளிட்ட பல ஊர்களில் கொல்லிமலையில் உருவாகும் ஐயாற்றின் நீரால்  ஏரிகள் நிரம்பும்போது ஆற்றுப்பாசனம், கிணற்றுபாசனம், ஏரிபாசனம் மூலம் விவசாயம் நடைபெறுகிறது. ஆனால் துறையூர் பகுதியில் ஏரிப்பாசனத்துடன் பெரும்பாலும் கிணற்றுப்பாசனத்தை நம்பியே விவசாயிகள் உள்ளனர். தற்போது மழைபொழியாததால் ஏரிகளில் நீர்இல்லை.

ஆழ்துளை கிணறுகளை அமைத்து விவசாயம் செய்து வந்தாலும் நிலத்தடி நீர்மட்டம் 800 அடிக்கும் கீழேசென்று விட்டதால் ஆழ்துளை கிணறுகளும் வறண்டு விடுகிறது.இதனால் புதியஆழ்துளை கிணறு அமைக்க அதிகசெலவு ஆவதுடன் நீர்வரும் என்ற நம்பிக்கையும் இல்லாமல் உள்ளது.எனவே நவீனதொழில்நுட்பத்துடன் கூடிய சொட்டுநீர் பாசன கருவிகளைக் கொண்டு சிக்கனமாக நீரை பயன்படுத்தி விவசாயம் செய்யும் பணியில் ஈடுபட்டுள்ளனர். குழாய்களை வயல்களில ஆங்காங்கே பொருத்தி அதன்மூலம் நீரை செலுத்தி குழாய்களை சுற்றும்படி செய்துள்ளனர். இதனால் வயல்களில் மழைபோல் நீர்தெளிக்கப்பட்டு குறைந்த நீரைக் கொண்டு விவசாயம் செய்து வருகின்றனர்.

மேலும் செய்திகள்

Like Us on Facebook Dinkaran Daily News
  • 18-10-2018

    18-10-2018 இன்றைய சிறப்பு படங்கள்

  • thaneerrr_kaari

    தொடரும் தண்ணீர் லாரி உரிமையாளர்களின் வேலை நிறுத்தம் : சென்னையில் குடிநீர் தட்டுப்பாடு அபாயம்

  • gold_navaratchri11

    நவராத்திரி பிரம்மோற்சவ விழாவை முன்னட்டு திருப்பதியில் தங்க தேரோட்டம்

  • balore_arrrres1

    சட்டவிரோதமாக இந்தியாவிற்குள் நுழைந்த வங்காளதேசத்தை சேர்ந்த 31 பேர் அதிரடியாக கைது

  • gasa_vanvali111

    காசாவில் இஸ்ரேல் கடற்படையினர் துப்பாக்கிச்சூடு : 32 பாலஸ்தீனர்கள் பரிதாபமாக பலி

படங்கள் வீடியோ கல்வி சினிமா ஜோ‌திட‌ம்