SUN குழுமத்திலிருந்து வெளிவரும் காலை நாளிதழ்

கடந்த மூன்று மாதங்களில் பேஸ்புக்கில் 58 கோடி கணக்குகள் முடக்கம்

2018-05-17@ 03:10:30

பாரிஸ் : உலகம் முழுவதிலும் கடந்த மூன்று மாதங்களில் 58 கோடி போலி கணக்குகளை முடக்கியுள்ளதாக பேஸ்புக் நிறுவனம் தெரிவித்துள்ளது. பல கோடி பேரின் தனிப்பட்ட பேஸ்புக் தகவல்களை லண்டனை சேர்ந்த கேம்பிரிட்ஜ் அனலிட்டிகா என்ற நிறுவனத்துக்கு 2016ல் முறைகேடாக பகிரப்பட்டதாக சமீபத்தில் குற்றச்சாட்டு எழுந்தது. இந்த தகவல்கள் அமெரிக்க அதிபர் தேர்தலில் பயன்படுத்தப்பட்டதாகவும் கூறப்பட்டது. இந்த தவறுக்காக பேஸ்புக் நிறுவனர் மார்க் ஜுகர்பெர்க் பகிரங்க மன்னிப்பு கேட்டார். மேலும், பேஸ்புக் தவறான பயன்படுத்தப்படுவதை தடுக்க பாதுகாப்பு நடவடிக்கைகள் எடுக்கப்படும் என்றும், போலி கணக்குகள் முடக்கப்படும் என்றும் அறிவித்தார்.

இந்நிலையில், கடந்த ஜனவரி முதல் மார்ச் வரையிலான மூன்று மாதங்களில்  உலகம் முழுவதிலும் 58 கோடி போலி கணக்குகளை முடக்கியுள்ளதாக பேஸ்புக் நிறுவனம் நேற்று முன்தினம் தெரிவித்தது. மேலும், வன்முறைகளை தூண்டும் தீவிரவாத கருத்துகள், ஆபாச படங்களை பரப்பும் வலைதளங்களையும் அது முடக்கி இருக்கிறது. மேலும் உள்ள போலி கணக்குகளும் அடுத்த 3 மாதங்களில் முடக்கப்படும் என்றும் பேஸ்புக் தெரிவித்துள்ளது. மேலும், கிராபிக் வன்முறை காட்சிகளும் நீக்கப்பட்டுள்ளன.

மேலும் செய்திகள்

Like Us on Facebook Dinkaran Daily News
  • 15-08-2018

    15-08-2018 இன்றைய சிறப்பு படங்கள்

  • chinaearthquake

    சீனாவின் யுன்னான் மாகாணத்தில் நிலநடுக்கம்: 18 பேர் காயம்

  • meteorshower

    ஆண்டுக்கு ஒருமுறை நடைபெறும் விண்கல் மழை: வானில் நிகழ்ந்த அதிசயம்

  • indonesiaafterquake

    இந்தோனேஷியாவில் ஏற்பட்ட நிலநடுக்கத்தின் பாதிப்பு: மக்களின் வாழ்வாதாரம் முடக்கம்

  • sijaapanda

    சீனாவில் சிஜ்ஜா பாண்டா கரடியின் 12-வது பிறந்தநாள் கொண்டாட்டம்

படங்கள் வீடியோ கல்வி சினிமா ஜோ‌திட‌ம்