SUN குழுமத்திலிருந்து வெளிவரும் காலை நாளிதழ்

Urban Tree

அசரென்காவை வீழ்த்தினார் ஒசாகா

2018-05-16@ 01:37:39

ரோம் : இத்தாலி ஓபன் டென்னிஸ் போட்டித் தொடரின் மகளிர் ஒற்றையர் பிரிவு முதல் சுற்றில் ஜப்பானின் நவோமி ஒசாகா, முன்னாள் நம்பர் 1 வீராங்கனை விக்டோரியா அசரென்காவை (பெலாரஸ்) வீழ்த்தினார். இத்தாலியின் ரோம் நகரில் நடைபெறும் இந்த தொடரில், தொடக்கம் முதலே அதிரடியாக விளையாடி அசரென்காவின் சர்வீஸ் ஆட்டங்களை முறியடித்த ஒசாகா 6-0 என்ற கணக்கில் முதல் செட்டை கைப்பற்றி முன்னிலை பெற்றார். இரண்டாவது செட்டில் அசரென்கா சற்று நெருக்கடி கொடுத்தாலும், சிறப்பாக விளையாடிய ஒசாகா 6-0, 6-3 என்ற நேர் செட்களில் மிக எளிதாக வென்று 2வது சுற்றுக்கு முன்னேறினார்.

அமெரிக்காவின் ஸ்லோன் ஸ்டீபன்ஸ் தனது முதல் சுற்றில் 6-7 (4-7), 6-3, 6-1 என்ற செட் கணக்கில் செக் குடியரசின் பார்போரா ஸ்டிரைகோவாவை வீழ்த்தினார். விறுவிறுப்பான இப்போட்டி 2 மணி, 23 நிமிடத்துக்கு நீடித்தது. முன்னணி வீராங்கனைகள் கர்லா சுவாரெஸ் நவரோ (ஸ்பெயின்), மேடிசன் கீஸ் (அமெரிக்கா), டாரியா காவ்ரிலோவா (ஆஸி.), டொமினிகா சிபுல்கோவா (ஸ்லோவகியா), ஜோகன்னா கோன்டா (இங்கிலாந்து) ஆகியோரும் 2வது சுற்றுக்கு தகுதி பெற்றுள்ளனர். ஆண்கள் ஒற்றையர் பிரிவு முதல் சுற்றில் முன்னாள் நம்பர் 1 வீரர் நோவாக் ஜோகோவிச் 6-1, 6-3 என்ற நேர் செட்களில் அலெக்சாண்டர் டோல்கோபோலோவை (உக்ரைன்) வென்றார். ஸ்பெயின் வீரர்கள் ராமோஸ் வினோலஸ், பாப்லோ புஸ்டாவும் 2வது சுற்றுக்கு முன்னேறி உள்ளனர்.

மேலும் செய்திகள்

மருத்துவம்

Medical Trends கைகளின் வலி
Like Us on Facebook Dinkaran Daily News
  • israel_newfasttrain

    இஸ்ரேலில் அதிவேக இரயில் திறப்பு - மக்கள் உற்சாகம் !

  • virataward_1234

    விராட் கோலி, மீராபாய் சானுவுக்கு ராஜீவ் காந்தி கேல் ரத்னா விருது - ஜனாதிபதி வழங்கி கௌரவித்தார் !

  • 26-09-2018

    26-09-2018 இன்றைய சிறப்பு படங்கள்

  • autumnfestivalchina

    சீனாவில் இலையுதிர் காலம் நிறைவு விழாவையடுத்து வண்ண விளக்குகளால் ஜொலித்த நகரங்கள்

  • drumpsusma

    நியூயார்க் ஐ.நா. தலைமையகத்தில் 73வது பொதுக்குழு கூட்டம் : உலக நாடுகளின் தலைவர்கள் பங்கேற்பு

படங்கள் வீடியோ கல்வி சினிமா ஜோ‌திட‌ம்