SUN குழுமத்திலிருந்து வெளிவரும் காலை நாளிதழ்

செல்போன் நிறுவன தடைக்கு மறுபரிசீலனை சீனாவுக்கு சாதகமாக டிரம்ப் முடிவு

2018-05-16@ 01:30:55

வாஷிங்டன் : சீன செல்போன் நிறுவனத்திற்கு அமெரிக்காவில் விதிக்கப்பட்ட தடையை மறுபரிசீலனை செய்ய அதிபர் டிரம்ப் உத்தரவிட்டுள்ளார். சீனாவில் உள்ள பிரபல செல்போன் தயாரிப்பு நிறுவனமான இசட்டிஇ அமெரிக்காவில் உள்ள முன்னணி நிறுவனங்களின் பங்குகளை வாங்கியது. இதன் மூலம் அமெரிக்காவில் பல வர்த்தக தொடர்புகளை தன் கட்டுப்பாட்டுக்குள் கொண்டு வந்தது. இதையடுத்து அமெரிக்க நிறுவனங்களை வாங்குவதற்கும், அமெரிக்காவில் முதலீடு செய்வதற்கும் சீன செல்போன் நிறுவனத்திற்கு தடை விதிக்கப்பட்டது. இதை மறுபரிசீலனை செய்யும்படி பலமுறை சீனாதரப்பில் இருந்து அதிபர் டிரம்ப்பிடம் பேச்சுவார்த்தை நடத்தப்பட்டது. ஆனால் டிரம்ப் அசைந்து கொடுக்கவில்லை. தற்போது வடகொரியா அதிபர் கிம் ஜாங் உன்னுடன் பேச்சுவார்த்தை நடத்த உள்ள நிலையில் சீனாவுக்கு சாதகமான முடிவை எடுக்க அதிபர் டிரம்ப் உத்தரவிட்டுள்ளார்.

சீன மொபைல் நிறுவனமான இசட்டிஇ நிறுவனத்தின் மீதான தடையை மறுபரிசீலனை செய்யும்படி அமெரிக்க வர்த்தக அமைச்சர் வில்பர் ரோசுக்கு அவர் உத்தரவிட்டுள்ளார். இதுதொடர்பாக டிரம்ப் வெளியிட்டுள்ள டிவிட்டர் பதிவில், ‘‘சீன செல்போன் நிறுவன விவகாரம் தொடர்பாக சீனாவுடனும், எனது நண்பர் சீன அதிபர் ஜி ஜின்பிங்குடனும் பேச்சுவார்த்தை நடத்தப்படுகிறது’’ என்று குறிப்பிட்டுள்ளார். இதை வெள்ளை மாளிகை செய்தித் தொடர்பு செயலாளர் ராஜ்ஷாவும் உறுதிப்படுத்தினார். அவர் கூறுகையில், ‘சீன செல்போன் நிறுவன விவகாரத்தை கையாளுமாறு அதிபர் டிரம்ப் உத்தரவிட்டுள்ளார். சட்டத்திற்கு உட்பட்டு என்ன நடவடிக்கை மேற்கொள்ள வேண்டுமோ அதை செய்ய வேண்டும் என்று தெரிவித்துள்ளார். ’’ என்றார்.


மேலும் செய்திகள்

Like Us on Facebook Dinkaran Daily News
  • 22-01-2019

    22-01-2019 இன்றைய சிறப்பு படங்கள்

  • annauniv

    அண்ணா பல்கலைக்கழகத்தில் சர்வதேச ஆவணப்படங்கள் விழா: கவர்னர் பன்வாரிலால் புரோகித் பங்கேற்பு

  • jammukashmir

    ஜம்மு-காஷ்மீர் பனிச்சரிவில் சிக்கியவர்களை கண்டுபிடிக்க தொடரும் மீட்புப்பணிகள்: 7 சடலங்கள் மீட்பு!

  • TulipflowerDay

    நெதர்லாந்தில் தேசிய துலிப் மலர் தினம் கோலாகலமாக கொண்டாடப்பட்டது

  • womesrally

    வுமென்ஸ் மார்ச் 2019: உலகின் பல்வேறு பகுதிகளில் பெண்கள் ஒன்று திரண்டு பேரணி

படங்கள் வீடியோ கல்வி சினிமா ஜோ‌திட‌ம்