SUN குழுமத்திலிருந்து வெளிவரும் காலை நாளிதழ்

குமரியில் அரசு பஸ்களில் மீண்டும் கட்டண உயர்வு : பயணிகள் கடும் அதிர்ச்சி

2018-04-27@ 11:55:25

நாகர்கோவில்:  பார்வதிபுரம் மேம்பால பணிக்காக போக்குவரத்து மாற்றம் செய்யப்பட்டு இருப்பதை தொடர்ந்து, அரசு பஸ்களில் மீண்டும் கட்டணம் உயர்ந்துள்ளது.நாகர்கோவில் பார்வதிபுரத்தில் மேம்பால பணிகள் நடந்து வருகின்றன. இந்த பால பணியால் நாகர்கோவில்  திருவனந்தபுரம் மற்றும் திருவனந்தபுரம்  நாகர்கோவில் செல்லும் வாகன போக்குவரத்து மாற்றி அமைக்கப்பட்டுள்ளது. அதன்படி நாகர்கோவிலில் இருந்து தக்கலை, மார்த்தாண்டம், களியக்காவிளை, திருவனந்தபுரம் செல்ல வேண்டிய பஸ்கள் அனைத்தும் டெரிக் சந்திப்பு, ஆசாரிபள்ளம் வழியாக இயக்கப்பட்டு வருகின்றன. இதே போல் திருவனந்தபுரம், களியக்காவிளை, மார்த்தாண்டம், தக்கலை மார்க்கங்களில் இருந்து நாகர்கோவில் வர வேண்டிய பஸ்கள், கனரக வாகனங்கள் சுஷ்ருஷா மருத்துவமனை சந்திப்பில் இருந்து களியங்காடு சாலை, இறச்சக்குளம், புத்தேரி வழியாக நாகர்கோவிலுக்கு திருப்பி விடப்பட்டுள்ளன.

திருநெல்வேலிக்கு செல்ல வேண்டிய வாகனங்கள் இறச்சக்குளம் சந்திப்பில் இருந்து நேராக செண்பகராமன்புதூர் வழியாக ஆரல்வாய்மொழிக்கு செல்கின்றன. திருவனந்தபுரம் மற்றும் குமரி மேற்கு மாவட்டத்தில் நாகர்கோவிலுக்குள் வர வேண்டிய கார், இரு சக்கர வாகனங்கள் இறச்சக்குளத்தில் இருந்து ஆலம்பாறை வழியாக கட்டையன்விளை  இ.பி. ஆபீஸ் ரோடு வந்து நாகர்கோவிலுக்குள் வருகின்றன. இந்த போக்குவரத்து மாற்றத்தால் ஆலம்பாறை சானல் கரை ரோட்டில் கடும் போக்குவரத்து நெருக்கடி ஏற்பட்டுள்ளது. திருவனந்தபுரம் செல்ல வேண்டிய தனியார் பஸ்கள், லாரிகள் கூட ஆலம்பாறை சந்திப்பு வந்து விடுவதால் நெருக்கடி அதிகரிக்கிறது.

எனவே போக்குவரத்து போலீசார் முக்கிய சந்திப்புகளில் நின்று, திருவனந்தபுரம் செல்ல வேண்டிய  தனியார் பஸ்கள் மற்றும் லாரிகளை டெரிக் சந்திப்பு, ஆசாரிபள்ளம் வழியாக திருப்பி விட வேண்டும். அவ்வாறு திருப்பி விடும் பட்சத்தில், ஆலம்பாறை சானல் கரை ரோட்டில் போக்குவரத்து நெருக்கடி ஏற்படாது.
இதற்கிடையே திருவனந்தபுரம்  நாகர்கோவில் நெடுஞ்சாலையில் போக்குவரத்து மாற்றம் செய்யப்பட்டுள்ளதை தொடர்ந்து, புறநகர் பஸ்களில் 3 முதல் 5 ரூபாய் வரையிலும், டவுன் பஸ்களில் 2 ம் கட்டணம் உயர்த்தப்பட்டுள்ளது. ஏற்கனவே கட்டண உயர்வால் மக்கள் பாதிக்கப்பட்டுள்ள நிலையில், அரசு போக்குவரத்து கழகம் மீண்டும் கட்டணத்தை உயர்த்தி இருப்பது மக்களை அதிர்ச்சி அடைய செய்துள்ளது. அதிகாரிகள் தரப்பில் கேட்ட போது, 6 கி.மீ. தூரம் அதிகம் சுற்ற வேண்டி உள்ளதால், கட்டணம் உயர்த்தப்பட்டு உள்ளதாக கூறினர்.

மேலும் செய்திகள்

Like Us on Facebook Dinkaran Daily News
  • thaneerrr_kaari

    தொடரும் தண்ணீர் லாரி உரிமையாளர்களின் வேலை நிறுத்தம் : சென்னையில் குடிநீர் தட்டுப்பாடு அபாயம்

  • gold_navaratchri11

    நவராத்திரி பிரம்மோற்சவ விழாவை முன்னட்டு திருப்பதியில் தங்க தேரோட்டம்

  • balore_arrrres1

    சட்டவிரோதமாக இந்தியாவிற்குள் நுழைந்த வங்காளதேசத்தை சேர்ந்த 31 பேர் அதிரடியாக கைது

  • gasa_vanvali111

    காசாவில் இஸ்ரேல் கடற்படையினர் துப்பாக்கிச்சூடு : 32 பாலஸ்தீனர்கள் பரிதாபமாக பலி

  • hondu_aaas1

    அதிக வறுமை, ஊழல் நிலவும் ஹோண்டுராஸ் நாட்டில் இருந்து சுமார் 1,500 குடியேறிகள் அமெரிக்கா நோக்கி பயணம்

படங்கள் வீடியோ கல்வி சினிமா ஜோ‌திட‌ம்