SUN குழுமத்திலிருந்து வெளிவரும் காலை நாளிதழ்

மார்ச் மாதத்தில் மொத்த விலை பண வீக்கம் 2.47%

2018-04-17@ 00:41:38

புதுடெல்லி: மொத்த விலை பண வீக்கம் கடந்த மார்ச் மாதத்தில் 2.47 சதவீதமாக குறைந்துள்ளது. கடந்த ஆண்டு மார்ச் மாதத்தில் மொத்த விலை பண வீக்கம் 5.11 சதவீதமாகவும், கடந்த பிப்ரவரி மாதத்தில் 2.48 சதவீதமாகவும் இருந்தது. இந்நிலையில் கடந்த மார்ச் மாத மொத்த விலை பண வீக்கம் பெரிய அளவில் மாற்றமின்றி சற்று குறைந்து 2.47 சதவீதமாக உள்ளது. பருப்பு வகைகள் மற்றும் காய்கறிகள் உள்ளிட்ட உணவு பொருட்களின் விலை குறைந்ததே இதற்கு காரணமாக கூறப்படுகிறது. கடந்த எட்டு மாதங்களில் முதல் முறையாக உணவு பொருட்கள் விலை சரிவை சந்தித்துள்ளன. உணவு பொருட்கள் மீதான பண வீக்கம் கடந்த மார்ச்சில் 0.29 சதவீதமாக உள்ளது. இதற்கு முந்தைய மாதத்தில் இது 0.88 சதவீதமாக இருந்தது. பருப்பு விலை 20.58 சதவீதம், காய்கறிகள் 2.7 சதவீதம், கோதுமை 1.19 சதவீதம், முட்டை, இறைச்சி மற்றும் மீன்கள் 0.82 சதவீதம் விைல குறைந்துள்ளன என மத்திய அரசின் புள்ளியியல் துறை வெளியிட்ட அறிக்கையில் கூறப்பட்டுள்ளது.

அதேநேரத்தில், வெங்காயம் விலை 42.22 சதவீதம், உருளைக்கிழங்கு 43.25 சதவீதம் என தொடர்ந்து உச்சத்தில் உள்ளன. உற்பத்தி பொருட்களின் விலை 3.03 சதவீதம் அதிகரித்துள்ளது. இதுபோல் எரிபொருட்கள் விலை 3.81 சதவீதத்தில் இருந்து 4.7 சதவீதமாக உயர்ந்துள்ளது. சர்வதேச சந்தையில் கச்சா எண்ணெய் விலை உயர்ந்து வருவதே இதற்கு காரணமாக கூறப்படுகிறது.  இதுகுறித்து இக்ரா நிறுவனம் கூறுகையில், சர்வதேச சந்தையில் பெட்ரோலியம் மற்றும் இயற்கை எரிவாயு விலை உயர்ந்து வருகிறது. இதுதவிர அமெரிக்க டாலருக்கு நிகரான இந்திய ரூபாய் மதிப்பு வீழ்ச்சியடைந்து வருகிறது. இதனால் ஏப்ரல் மாதத்தில் பண வீக்கம் மேலும் உயர வாய்ப்பு உள்ளது என தெரிவித்துள்ளது.

வரன் தேட தமிழ் மேட்ரிமோனி, இன்றே பதிவு - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 24-04-2018

    24-04-2018 இன்றைய சிறப்பு படங்கள்

  • swati_hunger_strike

    போக்சோ சட்டத்தில் திருத்தம் எதிரொலி... உண்ணாவிரதத்தை கைவிட்டார் சுவாதி மாலிவால்!

  • volvo_boat_comp

    பிரேசில் நகரான இட்டாசாயிலிருந்து வோல்வோ கடல் பாய்மரப் படகுப் போட்டி தொடங்கியது!

  • wildanimals_docto11

    காட்டு மிருகங்களுக்கு முகத்தில் வலியுடன் சிகிச்சையளிக்கும் மருத்துவர்கள்

  • teachers_protest11

    டி.பி.ஐ வளாகத்தில் குடும்பத்துடன் உண்ணாவிரத போராட்டம் நடத்திய இடைநிலை ஆசிரியர்கள் கைது

படங்கள் வீடியோ கல்வி சினிமா ஜோ‌திட‌ம்