லாகூர்:  பாகிஸ்தானில் முதல் முறையாக  மூன்றாம் பாலினத்தவருக்காக (திருநங்கைகள்) பிரத்யேக பள்ளி தொடங்கப்பட்டுள்ளது. பாகிஸ்தானில் உள்ள லாகூரில் 30 ஆயிரம் மூன்றாம் பாலினத்தவர்கள் வசித்து வருகின்றனர். இவர்களுக்காக  பிரத்யேக பள்ளி ெதாடங்கப்பட்டுள்ளது.  ராணுவ குடியிருப்பு பகுதியில் உள்ள இந்த பள்ளி நேற்று முதல் இயங்கத்தொடங்கியது. இந்த பள்ளியில் தொடக்க கல்வியில் இருந்து 12ம் வகுப்பு வரை மற்றும் கல்லூரி வரை கல்வி பயிலலாம். மேலும் இந்த பள்ளிய ல் சமையல், பேஷன் டிசைனிங், காஸ்மெடிக்ஸ் உள்ளிட்ட 8 துறைகளில் பயிற்சி அடிப்படையிலான படிப்பும் அளிக்கப்படுகின்றது.

இது தொடர்பாக பள்ளியின் உரிமையாளர் ஆசீப் ஷாகாத் கூறுகையில், “ சமூகத்தில் ஒதுக்கப்பட்ட மூன்றாம் பாலினத்தவருக்காக இந்த பிரத்யேக பள்ளி தொடங்கப்பட்டுளள்து. பள்ளியில் மாணவர்களாக சேர்வதற்கு எந்த வயது வரம்பும் கிடையாது. மூன்றாம் பாலினத்தவர் உட்பட 15 ஆசிரியர்கள் உள்ளனர். இதுவரை 40 பேர் பள்ளியில் சேருவதற்காக தங்களது பெயர்களை பதிவு செய்துள்ளனர். உலகிலேயே இஸ்லாமிய நாட்டில் தொடங்கப்பட்டுள்ள முதல் பள்ளி இதுவாகும்” என்றார்.