SUN குழுமத்திலிருந்து வெளிவரும் காலை நாளிதழ்

இந்தியாவுடன் நேர்வழியில் நல்லுறவு : சீனா புதிய முடிவு

2018-04-17@ 00:31:45

பீஜிங்: ‘இந்தியாவுடன் நேர்வழியில் இருதரப்பு உறவை மேம்படுத்த சீனா விரும்கிறது’ என்று அந்நாட்டு வெளியுறவு அமைச்சகம் தெரிவித்துள்ளது சிக்கிம் மாநில எல்லையான டோக்லாமில் சீன ராணுவம் சாலை அமைக்க கடந்தாண்டு முயற்சி செய்ததை இந்திய ராணுவம் தடுத்தது. இதனால், இருதரப்புக்கும் இடையே போர் பதற்றம் ஏற்பட்டது.

இருநாடுகளும் தூதரக அளவில் எடுத்த முயற்சியால், இரண்டு மாதங்களுக்குப் பிறகு இந்த பதற்றம் தணிந்தது. அதன் பிறகும், எல்லை பிரச்னைகளில் அடிக்கடி சிறுசிறு உரசல்கள் ஏற்பட்ட போதிலும், இருதரப்பு உறவை பலப்படுத்த இருநாடுகளும் முயற்சிகள் மேற்கொண்டு வருகின்றன.

கடந்த 13ம் தேதி தேசிய பாதுகாப்பு ஆலோசகர் அஜித் தோவல் சீனா சென்று, அந்நாட்டு வெளியுறவு விவகாரத்துறை ஆணையர் யாங் ஜீச்சியுடன் பேச்சுவார்த்தை நடத்தினார். இதைத் தொடர்ந்து, இருநாடுகளுக்கும் இடையே 11வது கூட்டு பொருளாதார குழு கூட்டமும் நடைபெற்றது. இதில், இருநாட்டு பொருளாதார விவகாரங்கள் பற்றி ஆலோசிக்கப்பட்டது.

சீனா உடனான உறவை மேலும் பலப்படுத்தும் வகையில், இம்மாதம் 24ம் தேதி சீனாவில் நடைபெறும் ‘ஷாங்காய் ஒத்துழைப்பு அமைப்பு’ மாநாட்டில் இந்திய வெளியுறவுத் துறை அமைச்சர் சுஷ்மா சுவராஜும், பாதுகாப்புத் துறை அமைச்சர் நிர்மலா சீதாராமனும் கலந்து கொள்கின்றனர். சீனாவின் குயிங்டோ நகரில் ஜூனில் நடக்கும் இந்த அமைப்பின் உச்சி மாநாட்டில் பிரதமர் மோடி கலந்து கொள்கிறார்.

இந்நிலையில், சீன வெளியுறவு அமைச்சக தகவல் தொடர்பாளர் ஹுவா சன்யிங் நேற்று அளித்த பேட்டியில், ‘‘இந்தியாவுடன் நேர்வழியில் இருதரப்பு உறவை வைத்துக் கொள்ள சீனா விரும்புகிறது. இருநாடுகளுக்கும் இடையே பலமான உறவை வளர்ப்பதற்காக, புதிய ஒத்துழைப்பை ஏற்படுத்துவதற்கான துறைகள் பற்றி ஆராயப்படும். இதன் மூலம், சீன அதிபர் ஜி ஜிங்பிங், பிரதமர் மோடி ஆகியோரின் வழிக்காட்டுதல்படி இந்தாண்டு இருநாட்டு உறவில் புதிய முன்னேற்றம் ஏற்படும்’’ என்றார்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • CrocodilesIndonesia

    300 முதலைகளை ஒரே நேரத்தில் கொன்று குவித்த கிராம மக்கள்: இந்தோனேஷியாவில் பயங்கரம்

  • trumpputinmeet

    பின்லாந்தில் அமெரிக்க அதிபர் டிரம்ப் - ரஷ்ய அதிபர் புதின் இடையே முக்கிய பேச்சுவார்த்தை

  • obamakenya

    கென்யா சென்ற முன்னாள் அமெரிக்க அதிபர் பாரக் ஒபாமாவிற்கு மக்கள் உற்சாக வரவேற்பு

  • 17-07-2018

    17-07-2018 இன்றைய சிறப்பு படங்கள்

  • SnakesDayatGuindy

    சென்னை கிண்டி பாம்புப்பண்ணையில் உலக பாம்புகள் தினம் கொண்டாடப்பட்டது

படங்கள் வீடியோ கல்வி சினிமா ஜோ‌திட‌ம்