SUN குழுமத்திலிருந்து வெளிவரும் காலை நாளிதழ்

தொடர் மழை காரணமாக குன்னூர் அருகே திடீர் மண் சரிவு

2018-04-17@ 00:21:39

குன்னூர்: தொடர் மழை காரணமாக குன்னூர் அருகே மண் சரிவு ஏற்பட்டதில் 23 வீடுகள் சேதமடைந்தன. நீலகிரி மாவட்டம் குன்னூர் சுற்றுவட்டாரபகுதியில் அவ்வப்போது கன மழை பெய்து வருகிறது. குன்னூர் சுற்றுவட்டார பகுதியில் நேற்று முன்தினம் இரவு மிதமான மழை பெய்தது. தொடர் மழையால் நிலத்தின் ஈரத்தன்மை அதிகரித்து பல இடங்களில் மரங்கள் வேரோடு சாய்ந்து லேசான மண் சரிவு ஏற்பட்டது. குன்னூர் அருகே கொலக்கம்பை செல்லும் சாலையில் சட்டன் விதைக்காடு அருகே சாலையோரம் மண் சரிவு ஏற்பட்டுள்ளது.

மேலும், பல பகுதிகளில் மரங்கள் விழுந்து போக்குவரத்து பாதிக்கப்பட்டது. சில வீடுகளின் தடுப்பு சுவர்கள் சரிந்து விழுந்தன. தொடர் மழையால் குன்னூரில் 23 வீடுகள் சேதமடைந்ததுடன், ஏற்கனவே பழுது பார்க்கப்பட்ட சாலைகளும் பெயர்ந்துள்ளது. மழை காரணமாக, குன்னூர்-மேட்டுப்பாளையம் மலை பாதையில் புதிய நீரூற்றுகளும் உருவாகியுள்ளன.  கனமழை பெய்தால், மண் சரிவு ஏற்படும் அபாயம் ஏற்பட்டுள்ளது. இதனையடுத்து, வருவாய் துறை, மின்வாரிய துறை அதிகாரிகள் மற்றும் ஊழியர்கள் கண்காணிப்பு பணியில் ஈடுபட்டு வருகின்றனர். மேலும், கனமழை நீடித்தால் பாதுகாப்பான இடங்களுக்கு செல்லுமாறு பொதுமக்களுக்கு அறிவுறுத்தப்பட்டுள்ளது.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • CrocodilesIndonesia

    300 முதலைகளை ஒரே நேரத்தில் கொன்று குவித்த கிராம மக்கள்: இந்தோனேஷியாவில் பயங்கரம்

  • trumpputinmeet

    பின்லாந்தில் அமெரிக்க அதிபர் டிரம்ப் - ரஷ்ய அதிபர் புதின் இடையே முக்கிய பேச்சுவார்த்தை

  • obamakenya

    கென்யா சென்ற முன்னாள் அமெரிக்க அதிபர் பாரக் ஒபாமாவிற்கு மக்கள் உற்சாக வரவேற்பு

  • 17-07-2018

    17-07-2018 இன்றைய சிறப்பு படங்கள்

  • SnakesDayatGuindy

    சென்னை கிண்டி பாம்புப்பண்ணையில் உலக பாம்புகள் தினம் கொண்டாடப்பட்டது

படங்கள் வீடியோ கல்வி சினிமா ஜோ‌திட‌ம்