SUN குழுமத்திலிருந்து வெளிவரும் காலை நாளிதழ்

IPL T20 லீக் போட்டி : சென்னை சூப்பர் கிங்ஸை 4 ரன்கள் வித்தியாசத்தில் வீழ்த்தியது பஞ்சாப்

2018-04-15@ 23:44:08

சண்டிகர்: ஐபிஎல் டி20 தொடரில் கிறிஸ் கேல் அதிரடியாக ஆடி அரைசதம் அடிக்க கிங்ஸ் லெவன் பஞ்சாப் அணி 4 ரன் வித்தியாசத்தில் சென்னை சூப்பர் கிங்சை வீழ்த்தியது.சண்டிகரில் நேற்று இரவு நடந்த இப்போட்டியில் டாஸ் வென்ற சிஎஸ்கே கேப்டன் டோனி பீல்டிங் தேர்வு செய்தார். பஞ்சாப் அணியில் கடந்த 2 போட்டியில் விளையாடாத கிறிஸ்கேல் இம்முறை லோகேஷ் ராகுலுடன் இணைந்து ஆட்டத்தை தொடங்கினார். இந்த ஜோடி தாறுமாறாக ரன் சேர்த்தது.  டோனி தொடக்கத்திலேயே சுழல் பந்துவீச்சை களமிறக்க, கேல் சிக்சர்களை பறக்கவிட்டார். 22 பந்தில் அவர் அரைசதம் விளாச, பஞ்சாப்பின் ஸ்கோர் எகிறியது. 8 ஓவரில் 96 ரன் சேர்க்கப்பட்ட நிலையில் லோகேஷ் (37 ரன், 22 பந்து) விக்கெட்டை ஹர்பஜன் வீழ்த்தினார்.
 
ஆனாலும் அடுத்து வந்த அகர்வாலும் சிஎஸ்கே பந்துவீச்சை விளாச ரன் வேகம் குறையவில்லை. 10 ஓவரில் பஞ்சாப் அணி 115 ரன் குவித்தது. கேல் 63 ரன் (33 பந்து, 4 சிக்சர், 7 பவுண்டரி) எடுத்த நிலையில் வாட்சன் பந்தில் ஆட்டமிழக்க பஞ்சாப்பின் ரன் வேகம் குறைந்தது. இம்ரான் தஹிர் 15வது ஓவரில் அகர்வால் (30), பிஞ்ச் (0) விக்கெட்டை அடுத்தடுத்த பந்துகளில் வெளியேற்றினார். யுவராஜ் தன் பங்குக்கு 20 ரன் சேர்த்தார். கடைசி கட்டத்தில் கே.கே.நாயர் (29), கேப்டன் அஷ்வின் (14) ஓரளவுக்கு கைகொடுக்க பஞ்சாப் அணி 20 ஓவரில் 7 விக்கெட் இழப்புக்கு 197 ரன் சேர்த்தது. அடுத்து களமிறங்கிய சென்னை அணியில் வாட்சன் 11 ரன், முரளிவிஜய் 12 ரன், ராயுடு 49 ரன்னில் ஆட்டமிழந்தனர்.  டோனி 44 பந்தில் 79 ரன் எடுத்து கடைசி வரை ஆட்டமிழக்காமல் இருந்தார். இறுதியில் சிஎஸ்கே 20 ஓவரில் 5 விக்கெட் இழப்புக்கு 193 ரன் எடுத்து 4 ரன் வித்தியாசத்தில் தோல்வி அடைந்தது.


மேலும் செய்திகள்

Like Us on Facebook Dinkaran Daily News
  • 21-03-2019

    21-03-2019 இன்றைய சிறப்பு படங்கள்

  • flood

    அமெரிக்காவின் அப்பர் மிட்வெஸ்ட் பகுதியில் வரலாறு காணாத வெள்ளம்: பல பகுதிகள் நீரில் மூழ்கிய புகைப்படங்கள்!

  • karnatakabuildingcollapse

    கர்நாடகாவில் கட்டுமான பணிகள் நடைபெற்று வந்த 5 மாடி கட்டிடம் சரிந்தது: இதுவரை 3 பேர் பலியான சோகம்

  • texas

    டெக்சாஸ் அருகே ரசாயன கிடங்கில் பயங்கர தீ விபத்து: பல மைல் தூரத்திற்கு கரும்புகை சூழ்ந்தது!

  • camelrace

    எகிப்து நாட்டில் சிறுவர்களுக்கான ஒட்டக ஓட்டப்பந்தய திருவிழா: உற்சாகத்துடன் எண்ணற்ற சிறுவர்கள் பங்கேற்பு

படங்கள் வீடியோ கல்வி சினிமா ஜோ‌திட‌ம்