SUN குழுமத்திலிருந்து வெளிவரும் காலை நாளிதழ்

Urban Tree

பேஸ்புக்கில் விளம்பரம் செய்து 23 கிளிகளை விற்க முயன்றவர் கைது

2018-03-14@ 22:14:02

நெல்லை: பாளையங்கோட்டை அருகே கீழநத்தம் சண்முகவிலாஸ் தெருவைச் சேர்ந்தவர் ராஜகோபால்(23). இவர் ஆரல்வாய்மொழி காற்றாலை நிறுவனத்தில் கள ஊழியராக பணியாற்றி வந்துள்ளார். தற்போது காற்றாலையில் வேலையில்லாததால் ஊரில் கிடைக்கும் கூலி வேலைகளை செய்து வருகிறார். சமீபத்தில் தனது பேஸ்புக்கில் ‘அழகான பச்சைக்கிளிகள் விற்பனைக்கு உள்ளன. எனது செல்ேபான் எண்ணில் அணுகவும்’ எனக் குறிப்பிட்டுள்ளார்.இதை சென்னையை சேர்ந்த வனவிலங்கு குற்ற கட்டுப்பாட்டு பணியகம் (டபிள்யூசிசிபி) அதிகாரிகள் பார்வையிட்டு நெல்லையை சேர்ந்த வனப்பாதுகாப்பு குழுவிற்கு தகவல் தெரிவித்தனர். அதன்பேரில் நெல்லை வனப்பாதுகாப்பு மற்றும் கண்காணிப்பு குழு வனச்சரகர் செந்திவேல் முருகன், வனவர் செந்தில், வனக்காப்பாளர் சந்தோஷ்குமார், நெல்லை சரக வனவர் சரவணக்குமார், வனக்காப்பாளர்கள் மதியழகன், காந்திமதிநாதன் ஆகியோர் அடங்கிய குழுவினர் கிளி விற்பனையாளரை பிடிக்க சென்றனர்.

செல்போனில் பேசிய தகவல் அடிப்படையில் அவர் வண்ணார்பேட்டை சாலைத்தெருவில் உள்ள ஒரு ஓட்டல் முன்பு கிளிகளை விற்பது தெரிய வந்தது. வனத்துறையினர் அங்கு சென்று ராஜகோபாலை கைது செய்தனர். அவரிடம் இருந்து 23 பச்சைக்கிளி குஞ்சுகள் பறிமுதல் செய்யப்பட்டன. கிளி விற்பனைக்கு பயன்படுத்திய ஒரு பைக்கும் பறிமுதல் செய்யப்பட்டது.ராஜகோபால் வனத்துறையிடம் அளித்த வாக்குமூலத்தில் வேலையின்மை காரணமாக பாலாமடை, ராஜவல்லிபுரம் பகுதியில் தென்னை மரங்களில் ஏறி கிளிக்குஞ்சுகளை பிடித்து விற்பனை செய்து வந்ததாக ஒப்புக்கொண்டார். அவருக்கு ரூ.25 ஆயிரம் அபராதம் விதிக்கப்பட்டது.இதுகுறித்து வனப்பாதுகாப்புத்துறை மற்றும் கண்காணிப்புக்குழு உதவி வனப்பாதுகாவலர் முருகானந்தம் கூறுகையில், ‘‘வன உயிரின பாதுகாப்பு சட்டம் 1972ன் பிரிவு 4ன்படி கிளிகளும் பாதுகாக்கப்பட்ட ஒரு உயிரினமாகும்.

அவற்றை வேட்டையாடுவதோ, பிடித்து விற்பனை செய்வதோ சட்டப்படி குற்றமாகும். நெல்லை மாவட்டத்தில் சில இடங்களில் கிளிகளை வைத்து விற்பதாக தகவல்கள் வருகின்றன. வியாபார நோக்கில் அவற்றை விற்பனை செய்தால் கடும் நடவடிக்கை எடுக்கப்படும். இதுதொடர்பான புகார்களை எங்கள் அலுவலக எண் 0462-2551800 என்ற எண்ணிலோ அல்லது மண்டல துணை இயக்குநர், டபிள்யூசிசிபி, C2A, ராஜாஜி பவன், பெசன்ட்நகர், சென்னை-90 என்ற முகவரிக்கோ அளிக்கலாம்’’ என்றார்.

மேலும் செய்திகள்

Like Us on Facebook Dinkaran Daily News
  • muharamfest

    நாடு முழுவதும் இஸ்லாமியர்களின் மொஹரம் பண்டிகை இன்று கொண்டாடப்பட்டது

  • nasaevanaktrump

    அமெரிக்காவில் உள்ள நாசாவின் ஜான்சன் விண்வெளி ஆய்வு மையத்தை பார்வையிட்ட இவாங்கா டிரம்ப்

  • florence&trumph

    பிளோரென்ஸ் புயலால் பாதிக்கப்பட்டவர்களை நேரில் சந்தித்து ஆறுதல் கூறிய அமெரிக்க அதிபர் டிரம்ப்

  • greenlandicemelt

    கிரீன்லாந்தில் வெப்பமயமாதலால் உருகும் பனிப்பாறைகள் : கடல் நீர்மட்டம் உயரும் அபாயம்

  • thirupathilast

    திருப்பதி ஏழுமலையான் கோவில் பிரம்மோற்சவ திருவிழா : சக்கரத்தாழ்வார் தீர்த்தவாரியுடன் நிறைவு

படங்கள் வீடியோ கல்வி சினிமா ஜோ‌திட‌ம்