SUN குழுமத்திலிருந்து வெளிவரும் காலை நாளிதழ்

மோட்டார் பந்தய கிளப் கூட்டமைப்பு சார்பில் முன்னாள் சாம்பியன் கே.டி.மதனுக்கு வாழ்நாள் சாதனையாளர் விருது

2018-03-13@ 00:32:45

சென்னை : இந்திய கார், பைக் விளையாட்டு கிளப்களின் கூட்டமைப்பு (எப்எம்எஸ்சிஐ) சார்பில் 2017ம் ஆண்டுக்கான வாழ்நாள் சாதனையாளர் விருது, முன்னாள் தேசிய சாம்பியன் கே.டி.மதனுக்கு வழங்கப்பட்டது. எப்எம்எஸ்சிஐ சார்பில் கடந்த ஆண்டு  இந்திய, சர்வதேச அளவிலான கார், பைக் ரேஸ்களில் பங்கேற்றவர்கள், வெற்றி பெற்றவர்களுக்கு விருதுகள் வழங்கும் நிகழ்ச்சி சென்னையில் நடைபெற்றது. இந்த விழாவில்  நீதிபதி எம்.எஸ்.ரமேஷ் சிறப்பு விருந்தினராக பங்கேற்று  விருதுகளை வழங்கினார். ஐதராபாத்தை சேர்ந்த அனின்தித் ரெட்டி(26), தான் அறிமுகமான 2014ம் ஆண்டு முதல் தேசிய அளவிலான ரேஸ் போட்டிகளில் சாதித்து வருகிறார். இவருக்கு  யூரோ ஜேகே 17, எம்ஆர்எப் எப்எப் 1600 ஆகியவற்றில் பட்டம் வென்றதற்காக  2017ம் ஆண்டுக்கான தேசிய சாதனை மோட்டார் விளையாட்டு வீரர் என்ற விருது  வழங்கப்பட்டது.

அதேபோல் 2017ல்  தேசிய அளவிலான ரேஸ்களில் வெற்றி பெற்ற ஐஸ்வர்யா,  ரியானா,  கல்யாணி போடேகர் ,  மீரா எர்டா ஆகியோருக்கும் நீதிபதி விருதுகளை வழங்கினார். அப்போது எப்எம்எஸ்சிஐ பெண்கள் விளையாட்டு பிரிவு பொறுப்பாளர் சீதா ரெய்னா உடனிருந்தார். 5 முறை தேசிய சாம்பியன் பட்டம் பெற்றவரும், எப்எம்எஸ்சிஐ முன்னாள் தலைவருமான  கே.டி.மதனுக்கு வாழ்நாள் சாதனையாளர் விருது வழங்கப்பட்டது. கடந்த ஆண்டு  சர்வதேச அளவிலான கார், பைக் பந்தயங்களில் வென்ற, பங்கேற்று சிறப்பிடம் பெற்ற அபிலாஷ், அர்ஜுன் மய்னி, ஜெகர் தருவாலா,  ஆதித்யா பட்டேல், அர்மான் இப்ராகிம், கிருஷ்ணராஜ் மகாதிக்,  அகில் ரபீந்திரா, ரிக்கி  டோனிசன் உட்பட 16 பேருக்கும், தேசிய அளவிலான போட்டிகளில் வென்ற, பங்கேற்று சிறப்பிடம் பெற்ற  மகேஷ், அர்ஜுன் ராஜீவ்,  ஜெகன், அரவிந்த், நடராஜ்,  ராகுல் காந்தராஜ்,  ராதா செல்வராஜன்,  கார்த்திக் தரணி,  சிவராமகிருஷ்ணன்  உட்பட 50க்கும் மேற்பட்ட வீரர், வீராங்கனைகள் விருது வழங்கி கவுரவிக்கப்பட்டனர். நிகழ்ச்சியில் எப்எம்எஸ்சிஐ தலைவர் அக்பர் இப்ராகிம், துணைத்தலைவர் பிரிதிவிராஜ், கவுரவ பொதுச் செயலாளர் ராஜன் சைல், நிர்வாகிகள் பாலமுருகன் உட்பட  இந்நாள், முன்னாள் நிர்வாகிகள் பங்கேற்றனர்.

மேலும் செய்திகள்

Like Us on Facebook Dinkaran Daily News
  • delhi_skywalkopns

    டெல்லியில் பிரமாண்டமான ஐடிஓ நடை மேம்பாலம் திறப்பு !

  • 6thday_tirupathifestiv

    நவராத்திரி பிரம்மோற்சவம் 6 ஆம் நாள் : அனுமந்த வாகனத்தில் திருப்பதி மலையப்ப சுவாமி

  • odisa_andhratitli

    ஆந்திரா, ஒடிசாவில் 'தித்லி' புயல் தாண்டவமாடிய பேரழிவு புகைப்பட காட்சிகள் !

  • trumph_floodareaameric

    அமெரிக்காவின் புயல் பாதித்த பகுதிகளை பார்வையிட்ட டொனால்ட் டிரம்ப்!

  • 2018_kalambirth

    அப்துல்கலாம் பிறந்த நாள் கொண்டாட்டம் : நினைவிடத்தில் பல்வேறு அமைப்பினர், மாணவ மாணவிகள் மரியாதை!

படங்கள் வீடியோ கல்வி சினிமா ஜோ‌திட‌ம்