SUN குழுமத்திலிருந்து வெளிவரும் காலை நாளிதழ்

இலங்கை அரசு விடுவித்த 109 தமிழக மீனவர் இன்று வருகை

2018-02-20@ 02:00:13

ராமேஸ்வரம்: இலங்கை அரசால் விடுதலை செய்யப்பட்ட 109 தமிழக மீனவர்கள் இன்று மாலை தமிழகம் திரும்புகின்றனர். இலங்கை கடற்படையால் கைது செய்யப்பட்டு சிறையில் அடைக்கப்பட்ட தமிழக மீனவர்களில் 109 பேர் மட்டும் கடந்த வாரம் இலங்கை அரசால் விடுதலை செய்யப்பட்டனர். விடுவிக்கப்பட்ட காரைக்கால் மற்றும் ராமநாதபுரம், புதுக்கோட்டை பகுதியை சேர்ந்த மீனவர்கள், யாழ்ப்பாணத்திலுள்ள இந்திய துணை தூதரக அதிகாரிகள் வசம் ஒப்படைக்கப்பட்டனர். இவர்கள் தவிர்த்து 27 மீனவர்கள் இன்னும் விடுவிக்கப்படாமல் இலங்கை சிறையில் விசாரணைக் கைதிகளாக இருந்து வருகின்றனர். இவர்களையும் விடுவிக்க வேண்டும் என அவர்களின் உறவினர்கள் வலியுறுத்தி வருகின்றனர்.

விடுதலையான 109 மீனவர்களும் இன்று அதிகாலை காங்கேசன் துறைமுகத்திலிருந்து இலங்கை கடற்படை கப்பலில் அழைத்து வரப்பட்டு,  பகல் 12 மணியளவில் இந்திய கடல் எல்லையில் இந்திய கடலோர காவல்படையிடம் ஒப்படைக்கப்படுகின்றனர். அங்கிருந்து கடலோர காவல்படை கப்பல் மூலம் இவர்கள் இன்று மாலைக்குள் காரைக்கால் துறைமுகம் வந்தடைகின்றனர். அங்கு மீன்துறை மற்றும் புலனாய்வு துறையினரின் விசாரணைக்கு பிறகு மீனவர்கள் அனைவரும் உறவினர்களிடம் ஒப்படைக்கப்பட்டு சொந்த ஊர் செல்வார்கள்.

மேலும் செய்திகள்

Like Us on Facebook Dinkaran Daily News
  • 20-10-2018

    20-10-2018 இன்றைய சிறப்பு படங்கள்

  • tirupathivavacha

    திருப்பதி நவராத்திரி பிரம்மோற்சவம் : சக்கரத்தாழ்வார் தீர்த்தவாரியுடன் நிறைவு

  • kulasaidasaraeight

    வெகு விமர்சையாக கொண்டாப்பட்டு வரும் குலசேகரபட்டிணம் தசரா திருவிழா

  • 18-10-2018

    18-10-2018 இன்றைய சிறப்பு படங்கள்

  • thaneerrr_kaari

    தொடரும் தண்ணீர் லாரி உரிமையாளர்களின் வேலை நிறுத்தம் : சென்னையில் குடிநீர் தட்டுப்பாடு அபாயம்

படங்கள் வீடியோ கல்வி சினிமா ஜோ‌திட‌ம்