SUN குழுமத்திலிருந்து வெளிவரும் காலை நாளிதழ்

தூத்துக்குடியில் இளம்பெண் கடத்தி கொலை தொழில் நஷ்டத்தை ஈடுகட்டுவதற்கு நகைக்காக கொன்ற உறவினர் கைது

2018-02-19@ 01:16:15

தூத்துக்குடி: தூத்துக்குடி மகிழ்ச்சிபுரத்தைச் சேர்ந்தவர் மாரிச்செல்வத்தின் மனைவி உமா மகேஷ்வரி(28). நேற்று முன்தினம் மதியம் தூத்துக்குடி ஜோதிநகர் காட்டுப்பகுதியில், சடலமாக கிடந்தார். அருகில் அவரது 2வது மகன் லிகிலேஷ் முத்துராம் பால் பாட்டிலுடன் அழுது கொண்டிருந்தான். இதுகுறித்து சிப்காட் போலீசார் நடத்திய விசாரணையில்  திடுக்கிடும் தகவல்கள் வெளியாகியுள்ளது. இவர்களது மகன் லிகிலேஸ் கூறிய தகவலின்படி உமாவை பாளை கேடிசி நகரைச் சேர்ந்த அவரது மாமா முத்துராமலிங்கம் மகனான கார் டிரைவர் சுரேஷ் என்ற சிவசுப்பிரமணியன் (29) காரில் ஏற்றிச்சென்றது தெரியவந்தது.

இதையடுத்து போலீசார் அவரை பிடித்து விசாரணை நடத்தியதில், சுரேஷ் பழைய கார்களை வாங்கி விற்கும் தொழிலில் நஷ்டம் ஏற்பட்டதால் உறவினர் என்ற முறையில் உமாவிடம் பணம் கேட்டுள்ளார். தனது 2 பவுன் வளையல்களை கழற்றிக் கொடுத்துள்ளார். கூடுதலாக  பணம் தேவை என்பதால் உமாவின் தாலி செயினை கேட்டுள்ளார்.

அதை தர அவர் மறுத்ததால் தகராறு ஏற்பட்டது. ஜோதிநகர் பகுதிக்கு சென்றதும் உமாவிடம் இருந்து வலுக்கட்டாயமாக தாலி செயினை பறிக்க முயன்று, குழந்தை கண் முன்னேயே துப்பட்டாவால் அவரது கழுத்தை இறுக்கி கொலை செய்துள்ளார். இதையடுத்து சுரேஷை போலீசார் கைது செய்தனர்.


மேலும் செய்திகள்

Like Us on Facebook Dinkaran Daily News
  • 25-03-2019

    25-03-2019 இன்றைய சிறப்பு படங்கள்

  • 24-03-2019

    24-03-2019 இன்றைய சிறப்பு படங்கள்

  • 23-03-2019

    23-03-2019 இன்றைய சிறப்பு படங்கள்

  • SuperWormMoon

    2019ம் ஆண்டின் கடைசி சூப்பர் மூன்..: கண்களுக்கு விருந்தாக அமைந்த பூரண நிலவின் புகைப்படங்கள்

  • sharkpalne

    உலக நாடுகளின் கவனத்தை ஈர்த்த 'ஷார்க் ப்ராபிட் ஹண்டர்' விமானம் தற்போது டெல்லியில் விஜயம்

படங்கள் வீடியோ கல்வி சினிமா ஜோ‌திட‌ம்