SUN குழுமத்திலிருந்து வெளிவரும் காலை நாளிதழ்

வேடசந்தூரில் பரபரப்பு : முன்னாள் எம்எல்ஏ வெட்டிக்கொலை

2018-02-15@ 05:51:58

வேடசந்தூர்:  வேடசந்தூர் தொகுதி அதிமுக முன்னாள் எம்எல்ஏ சரமாரியாக வெட்டிக் கொலை செய்யப் பட்டார்.  திண்டுக்கல் மாவட்டம், வேடசந்தூர் அருகே புதுரோட்டை சேர்ந்தவர் ஆண்டிவேல் (70). இவர் கடந்த 2001 - 2006ம் ஆண்டில் வேடசந்தூர் தொகுதியில் அதிமுக எம்எல்ஏவாக இருந்தார். இவருக்கு மனைவி ஆண்டாள் மற்றும் மூன்று மகள்கள், ஒரு மகன் உள்ளனர். ஆண்டிவேலுக்கு சொந்தமான தோட்டம் தண்ணீர்பந்தம்பட்டியில் உள்ளது. அவரது வயலில் நடைபெற்று வரும் நெல் அறுவடை பணிகளை பார்வையிட நேற்று முன்தினம் சென்ற அவர் இரவு வீடு திரும்பவில்லை. நேற்று காலையும் வீடு திரும்பாததால், மனைவி மற்றும் உறவினர்கள் அவரை தேடி தோட்டத்திற்கு வந்தனர்.

அப்போது மோட்டார் அறையில் ஆண்டிவேல் டவுசர், பனியனுடன் கழுத்தில் வெட்டுக்காயத்துடனும், தொடைப்பகுதி மற்றும் வலது காலில் காயத்துடன் மர்மமான முறையில் இறந்து கிடந்தார். தகவலறிந்த டிஎஸ்பி சிவக்குமார் சம்பவ இடத்திற்கு வந்து விசாரணை நடத்தினார். எரியோடு போலீசார் வழக்குப்பதிவு செய்து விசாரித்து வருகின்றனர். ஆண்டிவேல் ஈமு கோழிப்பண்ணை வைத்து தொழில் செய்து வந்தார். இத்தொழில் தொடர்பாக அவருக்கு பலருடன் முன்விரோதம் இருந்து வந்ததாக கூறப்படுகிறது. இதனால் அவர் வெட்டி கொலை செய்யப்பட்டாரா? அல்லது வேறு ஏதாவது காரணமா என எரியோடு போலீசார் விசாரணை நடத்தி வருகின்றனர்.

மேலும் செய்திகள்

Like Us on Facebook Dinkaran Daily News
  • vaanvali_makal111

    நிலைகுலைந்துள்ள கேரளம்... வாழ்வாதாரத்தை இழந்து மக்கள் கடும் அவதி : மாநிலத்தின் வான்வழி படங்கள்

  • delta_kadai111

    காய்கிறது டெல்டா கடைமடைகள் ! : சிறப்பு படத் தொகுப்பு

  • prathmar_rajiv1

    முன்னாள் பிரதமர் ராஜீவ் காந்தி பிறந்த நாளையொட்டி நினைவிடத்தில் குடும்பத்தினர், அரசியல் தலைவர்கள் மரியாதை

  • kerala_makkal111

    மழை குறைந்தும் தணியாத துயரம் : உணவு, தண்ணீருக்காக கேரள மக்கள் கையேந்தும் கொடுமை

  • 20-08-2018

    20-08-2018 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்