SUN குழுமத்திலிருந்து வெளிவரும் காலை நாளிதழ்

விந்து தானம் மூலம் பிறந்த குழந்தைக்கு தந்தை பெயர் இன்றி பிறப்பு சான்றிதழ் வழங்க இளம்பெண் வழக்கு

2018-02-15@ 01:24:57

மும்பை: ‘விந்து தானம் மூலம் செயற்கை கரூவூட்டல் முறையில் பிறந்த குழந்தைக்கு தந்தை பெயர் குறிப்பிடாமல் பிறப்பு சான்றிதழ் வழங்க உத்தரவிட வேண்டும்’ என மும்பை உயர் நீதிமன்றத்தில் திருமணம் ஆகாத பெண் ஒருவர் மனுத்தாக்கல் செய்துள்ளார்.  மும்பை உயர் நீதிமன்றத்தில் பெண் ஒருவர் தாக்கல் செய்துள்ள மனுவில் கூறியிருப்பதாவது: நான் திருமணம் ஆகாத பெண். தெரியாத நபரிடம் இருந்து பெறப்பட்ட விந்தணு மூலம் செயற்கை கருவூட்டல் முறையில் கடந்த 2016ம் ஆண்டு ஆகஸ்ட் மாதம் குழந்தை பெற்றேன். குழந்தையை வளர்க்க எனக்கு வசதி உள்ளது. ஆனால், பிறப்பு சான்றிதழில் தந்தையின் பெயர் இடம் பெறக்கூடாது. எனக்கு குழந்தையின் தந்தை பெயரை தெரிவிக்க விருப்பம் இல்லை. அதை பதிவு செய்யும்படி என்னை வலியுறுத்தக் கூடாது. இது தொடர்பாக பிரிகன் மும்பை மாநகராட்சிக்கு (பிஎம்சி) நோட்டீஸ் அனுப்பினேன். அதற்கு எந்த பதிலும் இல்லை.

உச்ச நீதிமன்றம் 2015ம் ஆண்டு அளித்த தீர்ப்பு ஒன்றில், ‘திருமணம் ஆகாத தாய்/ஒற்றை பெற்றோர் தனது குழந்தைக்கு பிறப்பு சான்றிதழ் கேட்டு விண்ணப்பித்தால், அது தொடர்பான பிரமாண பத்திரத்தை தாக்கல் செய்யும் படி மட்டுமே கேட்க வேண்டும்’ என கூறியுள்ளது. இந்த உத்தரவு பிரிகன்மும்பை மாநகராட்சிக்கும் பொருந்தும். ஆனால், உச்சநீதிமன்ற உத்தரவுப்படி அவர்கள் செயல்படவில்லை. எனது குழந்தைக்கு தந்தையின் பெயர் இல்லாமல் பிறப்பு சான்றிதழ் வழங்க பிஎம்சிக்கு உத்தரவிட வேண்டும். இவ்வாறு மனுவில் கூறப்பட்டுள்ளது.

இதை விசாரித்து நீதிபதிகள் பிறப்பித்த உத்தரவில், ‘வரும் மார்ச் மாதம் நடைபெறும் அடுத்த விசாரணையில் பிறப்பு ஆவண பதிவேட்டை பிஎம்சி நிர்வாகம் நீதிமன்றத்தில் தாக்கல் செய்ய வேண்டும். இது தொடர்பாக இதற்கு முன்பு அனுப்பப்பட்ட நோட்டீசுக்கும் பிஎம்சி பதில் அளிக்கவில்லை. இதற்கு மேலும் அவகாசம் வழங்கப்படாது’ என கூறியுள்ளனர்.

மேலும் செய்திகள்

Like Us on Facebook Dinkaran Daily News
  • vaanvali_makal111

    நிலைகுலைந்துள்ள கேரளம்... வாழ்வாதாரத்தை இழந்து மக்கள் கடும் அவதி : மாநிலத்தின் வான்வழி படங்கள்

  • delta_kadai111

    காய்கிறது டெல்டா கடைமடைகள் ! : சிறப்பு படத் தொகுப்பு

  • prathmar_rajiv1

    முன்னாள் பிரதமர் ராஜீவ் காந்தி பிறந்த நாளையொட்டி நினைவிடத்தில் குடும்பத்தினர், அரசியல் தலைவர்கள் மரியாதை

  • kerala_makkal111

    மழை குறைந்தும் தணியாத துயரம் : உணவு, தண்ணீருக்காக கேரள மக்கள் கையேந்தும் கொடுமை

  • 20-08-2018

    20-08-2018 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்