SUN குழுமத்திலிருந்து வெளிவரும் காலை நாளிதழ்

சட்டவிரோத பணபரிமாற்றம் மூலம் ரூ.11,360 கோடி மோசடி : நகை வியாபாரியிடம் சிபிஐ விசாரணை

2018-02-15@ 00:10:33

மும்பை: பஞ்சாப் நேஷனல் வங்கி மும்பை கிளையில் ரூ.11,360 கோடி மோசடி நடந்துள்ளது.  தென் மும்பை பிரீச்கேண்டியில் உள்ள பஞ்சாப் நேஷனல் வங்கி கிளையில் நடந்த இந்த மோசடி நேற்றுதான் கண்டுபிடிக்கப்பட்டது. உடனே சி.பி.ஐ.யிடம் புகார் செய்த வங்கி அதிகாரிகள் அது தொடர்பாக அறிக்கை ஒன்றை வெளியிட்டனர். ஒரு சில வர்த்தகர்கள் பயன் பெறத்தக்க வகையில் சட்டவிரோதமாக பணம் பரிவர்த்தனை செய்யப்பட்டுள்ளதாக அறிக்கையில் கூறப்பட்டுள்ளது.

 இந்த வர்த்தகர்கள் ஏற்றுமதி இறக்குமதி வர்த்தகம் செய்பவர்கள். வர்த்தகம் மூலம் பிறருக்கு கிடைக்கும் பணத்தை நம்பி பஞ்சாப் நேஷனல் வங்கி இவர்களுக்கு கோடிக்கணக்கான ரூபாயை கடனாக கொடுத்துள்ளது. இதை பார்த்து வேறு வங்கிகளும் இவர்களுக்கு பெரும் தொகையை கடனாக வழங்கியுள்ளன என்று அறிக்கையில் தெரிவிக்கப்பட்டுள்ளது. மோசடி செய்த நபர்களின் பெயர்களை பஞ்சாப் நேஷனல் வங்கி வெளியிடவில்லை.  இதுதொடர்பாக மும்பையில் உள்ள பிரபல தங்கம் மற்றும் வைர நகை வியாபாரி நீரவ் மோடியிடம் சி.பி.ஐ. அதிகாரிகள் விசாரணை நடத்தி வருகிறார்கள். நீரவ்மோடி பஞ்சாப் நேஷனல் வங்கியில் கடந்த வாரம் ரூ.280 கோடி மோசடி செய்ததாக குற்றம்சாட்டப்பட்டவர். அவரிடம் தீவிரமாக பல கோணங்களில் விசாரணை நடத்தப்பட்டது. இதற்கிடையே, ரூ.280 கோடி மோசடி தொடர்பாக நீரவ் மோடி உள்ளிட்டோர் மீது அமலாக்கத்துறை வழக்கு பதிவுசெய்துள்ளது.

யார் இந்த நீரவ் மோடி?

48 வயதான நீரவ் மோடி, மிகப்பெரிய வைர வியாபாரி. இவரது சொத்து மதிப்பு சுமார் 173 கோடி டாலர் (சுமார் ரூ.11,072 கோடி). 2017ம் ஆண்டு போர்ப்ஸ் பணக்காரர் பட்டியலில் 84வது இடம் பிடித்தவர். டெல்லி, மும்பை உட்பட 16 இடங்களில் இவரது கடைகள் உள்ளன.


மேலும் செய்திகள்

Like Us on Facebook Dinkaran Daily News
  • 22-03-2019

    22-03-2019 இன்றைய சிறப்பு படங்கள்

  • NerthikkadanTriplecane

    பங்குனி உத்திரப்பெருவிழா: திருவல்லிக்கேணி முருகன் கோயிலில் நூற்றுக்கணக்கான பக்தர்கள் நேர்த்திக்கடன்

  • TokyoOlympicTorch

    2020 ஒலிம்பிக் போட்டிக்கு தீவிரமாக தயாராகி வரும் டோக்கியோ..: புதிய ஒலிம்பிக் ஜோதி கோப்பை அறிமுகம்

  • newzealandattack

    நியூசிலாந்து மசூதி துப்பாக்கிச் சூடு : உயிரிழந்தவர்களின் உடல்கள் ஒரே இடத்தில் புதைக்கப்பட்டது

  • PhilipinesWhalePlastic

    இறந்த நிலையில் கரை ஒதுங்கிய திமிங்கலத்தின் வயிற்றில் 40 கிலோ பிளாஸ்டிக் கழிவுகள்: ஆராய்ச்சியாளர்கள் அதிர்ச்சி

படங்கள் வீடியோ கல்வி சினிமா ஜோ‌திட‌ம்