SUN குழுமத்திலிருந்து வெளிவரும் காலை நாளிதழ்

புது வகை அணு ஆயுதம் தயாரிக்கிறது பாகிஸ்தான்

2018-02-15@ 00:09:17

வாஷிங்டன்: புதிய வகை அணு ஆயுதங்களை பாகிஸ்தான் தயாரித்து வருகிறது என அமெரிக்க செனட் குழுவில் உளவுத்துறை இயக்குனர் டான் கோட்ஸ் தெரிவித்துள்ளார். உலக அளவிலான அச்சுறுத்தல் குறித்து அமெரிக்க செனட் தேர்வு குழுவின் ஆய்வு கூட்டத்தில் அமெரிக்க உளவுப் பிரிவுத் தலைவர் டான் கோட்ஸ் பேசியதாவது: பாகிஸ்தான் புதிய வகை அணு ஆயுதங்களை தயாரித்து வருகிறது. குறுகிய தூர ஏவுகணைகள், கடலில் ஏவப்படும் ஏவுகணைகள், வானில் ஏவப்படும் ஏவுகணைகள், தொலைதூர ஏவுகணைகள் உட்பட பலவகை ஆயுதங்களை தொடர்ந்து தயாரித்து வருகிறது.

இந்த புதிய வகை அணு ஆயுதங்கள் அந்த பகுதியில் பாதுகாப்பு அச்சுறுத்தலை ஏற்படுத்தியுள்ளது. இதேபோல், வடகொரியாவும் தொலைதூர அணு ஆயுதங்களை உருவாக்கி வருகிறது. ஈராக்,  சிரியாவில் ரசாயன ஆயுதங்களை ராணுவத்தினரும், தீவிரவாதிகளும் ஏற்கனவே பயன்படுத்துகின்றனர்
உயிரி ஆயுதங்களை தயாரிக்கும் திறனும் வடகொரியாவிடம் நீண்ட காலமாக உள்ளது. அங்குள்ள உயிரி தொழில் அமெரிக்கா, அதன் படைகள் மற்றும் கூட்டணி நாடுகளுக்கு ஏற்பட்டுள்ள அச்சுறுத்தல்களை முறியடிக்க பேரழிவு ஆயுதங்களை மேம்படுத்த அரசு முயற்சி மேற்கொண்டுள்ளது. இவ்வாறு அவர் பேசினார்.

* இந்தியா-பாகிஸ்தான் இடையே ஏற்படுத்தப்பட்டுள்ள எல்லை போர் நிறுத்த ஒப்பந்தத்தை மீறி சமீப காலமாக பாகிஸ்தான் ராணுவம் தொடர்ந்து தாக்குதல் நடத்தி வருகிறது.
* ஜம்முவில் உள்ள சஞ்சுவான் ராணுவ தளத்தில் நடந்த தாக்குதலில் 6 ராணுவ வீரர்கள் உட்பட 7 பேர் பலியாகி உள்ளனர்.
* கடந்த 12ம் தேதி சிஆர்பிஎப் முகாமில் நடந்த தாக்குதல் முயற்சி முறியடிக்கப்பட்டது. இதில், ஒரு ராணுவ வீரர் பலியானார்.


மேலும் செய்திகள்

Like Us on Facebook Dinkaran Daily News
  • 22-03-2019

    22-03-2019 இன்றைய சிறப்பு படங்கள்

  • NerthikkadanTriplecane

    பங்குனி உத்திரப்பெருவிழா: திருவல்லிக்கேணி முருகன் கோயிலில் நூற்றுக்கணக்கான பக்தர்கள் நேர்த்திக்கடன்

  • TokyoOlympicTorch

    2020 ஒலிம்பிக் போட்டிக்கு தீவிரமாக தயாராகி வரும் டோக்கியோ..: புதிய ஒலிம்பிக் ஜோதி கோப்பை அறிமுகம்

  • newzealandattack

    நியூசிலாந்து மசூதி துப்பாக்கிச் சூடு : உயிரிழந்தவர்களின் உடல்கள் ஒரே இடத்தில் புதைக்கப்பட்டது

  • PhilipinesWhalePlastic

    இறந்த நிலையில் கரை ஒதுங்கிய திமிங்கலத்தின் வயிற்றில் 40 கிலோ பிளாஸ்டிக் கழிவுகள்: ஆராய்ச்சியாளர்கள் அதிர்ச்சி

படங்கள் வீடியோ கல்வி சினிமா ஜோ‌திட‌ம்