SUN குழுமத்திலிருந்து வெளிவரும் காலை நாளிதழ்

அரசு வேலை யாருக்கு என்பதை நிர்ணயிப்பதற்கு 'டாஸ்' போட்டு பார்த்த பஞ்சாப் அமைச்சரால் சர்ச்சை

2018-02-14@ 14:39:21

சண்டிகர்: பஞ்சாப் மாநிலத்தைச் சேர்ந்த அமைச்சர் ஒருவர், கல்லூரி ஆசிரியரின் பணியிடத்தைத் தீர்மானிப்பதற்காக நாணயத்தைச் சுண்டிவிட்டு முடிவெடுத்த சம்பவம் சர்ச்சையை ஏற்படுத்தியுள்ளது. பஞ்சாப் மாநிலத்தில் பி.பி.எஸ்.சி. என்னும் பஞ்சாப் மாநில பணியாளர் தேர்வாணையத்தின் மூலம் தேர்வு நடத்தி, பாலிடெக்னிக் கல்லூரியில் விரிவுரையாளர்களுக்கு பணி நியமனம் நடந்தது. இதில் தேர்வான 37 மெக்கானிக்கல் விரிவுரையாளர்களுக்கு, பணி நியமன உத்தரவுகளை வழங்க தொழில்நுட்பக் கல்வித்துறை அமைச்சர் சரண்ஜித் சிங் சன்னி அழைப்பு விடுத்திருந்தார்.

இந்த நிலையில், பாட்டியாலா நகரில் உள்ள பாலிடெக்னிக் கல்லூரியில் ஒரு இடத்துக்கு 2 பேர் போட்டி போட்டுள்ளனர். இருவரும் சம தகுதி படைத்தவர்கள் என்பதால், இதில் முடிவு காண்பதற்கு ‘டாஸ்’ முறையை பின்பற்றி அமைச்சர் சரண்ஜித் சிங் நாணயத்தை சுண்டினார். இந்த நிகழ்வு தொலைக்காட்சிகளில் ஒளிபரப்பாகி சர்ச்சையை ஏற்படுத்தியது. இந்த சம்பவம் காரணமாக அம்மந்திரியை பதவிநீக்கம் செய்ய வேண்டும் என்று எதிர்க்கட்சிகள் போர்க்கொடி தூக்கியுள்ளன. ஆனால் தனது செயலை அமைச்சர் சரண்ஜித் சிங் நியாயப்படுத்தியுள்ளார்.

முந்தைய பாரதிய ஜனதா, சிரோமணி அகாலி தள கூட்டணி ஆட்சியில் பணி நியமனத்தில் லஞ்சம் தாண்டவம் ஆடியது. நான் அதை ஒழித்துள்ளேன் என்று சரண்ஜித் சிங் கூறியுள்ளார். இதுகுறித்து அக்கட்சியின் செய்தித் தொடர்பாளர் கூறுகையில், விரிவுரையாளர் பணியிட நியமனம் வெளிப்படையானதாக இருக்க வேண்டும் என்பதே அமைச்சரின் எண்ணம். இதை ஊடகங்கள்தான் தேவையில்லாமல் சர்ச்சையாக்கி விட்டன என்று கூறியுள்ளார்.


மேலும் செய்திகள்

Like Us on Facebook Dinkaran Daily News
  • mallakamb_mumbai

    மும்பையில் நடைபெற்ற சர்வதேச மல்லகம்ப் போட்டி :மரக் கம்பத்திலும் கயிற்றிலும் ஜிம்னாஸ்டிக் செய்து வீரர்கள் அசத்தல்

  • varanasi_modi123

    டீசல் டூ மின்சார இன்ஜினுக்கு மாற்றப்பட்ட உலகின் முதல் ரயிலை பிரதமர் மோடி கொடியசைத்து தொடங்கி வைத்தார்

  • china_lamfesti1

    சீனாவில் விளக்குத் திருவிழா : டிராகன், பீனிக்ஸ், பன்றிகளை போல் உருவாக்கப்பட்ட விளக்குகள் காண்போரை கவர்ந்தது

  • 2mili_nall

    காஷ்மீரில் வீரமரணம் அடைந்த மேஜர் விஎஸ் தவுன்டியால், காவலர் அப்துல் ரஷித் உடல்கள் ராணுவ மரியாதையுடன் நல்லடக்கம்

  • pakisthan_saudi1

    பாகிஸ்தானில் சவுதி இளவரசர் சுற்றுப்பயணம் : நாட்டின் மிக உயரிய ‘நிஷான்-இ-பாகிஸ்தான்’ விருது இளவரசருக்கு அளிக்கப்பட்டது

படங்கள் வீடியோ கல்வி சினிமா ஜோ‌திட‌ம்