SUN குழுமத்திலிருந்து வெளிவரும் காலை நாளிதழ்

கேன்சர் கட்டிகளை அழிக்கும் புதிய சிகிச்சை முறையை கண்டுபிடித்து அமெரிக்க மருத்துவர்கள் சாதனை

2018-02-14@ 14:00:25

நியூயார்க்: கேன்சர் கட்டிகளுக்கு செல்லும் ரத்தத்தை தடுத்த நிறுத்துவதன் மூலம் கேன்சர் செல்களை அழிக்கும் புதிய சிகிச்சை முறையை கண்டுபிடித்து அமெரிக்க மருத்துவர்கள் சாதனைப் படைத்துள்ளனர். இருதய நோய்க்கு அடுத்தபடியாக அதிக உயிழப்புகளை ஏற்படுத்தும், புற்று நோய்க்கு கீமோதெரபி, அலோபதி போன்ற பல மருத்துவ சிகிச்சைகள் மேற்கொள்ளப்பட்டாலும் முழுமையாக குணப்படுத்த இன்றளவும் இயலவில்லை.

இந்நிலையில், அமெரிக்காவைச் சேர்ந்த அரிசோனா பல்கலைக்கழக ஆராய்ச்சியாளர்கள் புதிய சிகிச்சை முறையை கண்டுபிடித்துள்ளனர். அதனை எலியின் உடலில் பரிசோதித்து வெற்றி பெற்றதாக அவர்கள் கூறியுள்ளனர். இந்த புதிய சிகிச்சையின்படி, முதலில் புற்றுநோய் கட்டிகளுக்கு செல்லும் ரத்த ஓட்டத்தை தடுத்து நிறுத்த வேண்டும். உடலில் அடிப்பட்டபோது ரத்தம் வெளியேறுவதை தடுக்க கொடுக்கப்படும் மருந்துகள் இந்த சிகிச்சை முறையில் பயன்படுத்துகின்றன. அவை டி.என்.ஏ. நிறைந்த நானோ ரோபோட்டுகள் மூலம் செலுத்தப்பட்ட உடன் ரத்த ஓட்டம் நிறுத்தப்படும்.

இதனால் கேன்சர் செல்கள் செயலிழந்து, கட்டிகள் சுருங்கிக்கொண்டே இருக்கும். இதனால் கேன்சர் செல்கள் பரவுவதும் குறையும். புற்றுநோயால் பாதிக்கப்பட்ட எலிகளிடம் செய்த சோதனையில், சிகிச்சைக்கு பிறகு எலிகளின் வாழ்நாள் மற்ற எலிகளை விட இரண்டு மடங்கு அதிகரித்ததாக மருத்துவர்கள் தெரிவித்துள்ளனர். மேலும் இதனை மனிதர்களை போன்ற உடல் உறுப்புகளை கொண்ட பாமா மினியேச்சர் பன்றியின் உடலிலும் சோதனை செய்தனர். விரைவில் மனிதர்களுக்கு இச்சோதனை செய்யப்படும் என மருத்துவர்கள் தெரிவித்துள்ளனர்.

வரன் தேட தமிழ் மேட்ரிமோனி, இன்றே பதிவு செய்யுங்கள் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • bunfestival

    ஹாங்காங்கில் பார்வையாளர்கள் வியக்க வைக்கும் ரொட்டி திருவிழா : ஆயிரக்கணக்கானோர் பங்கேற்பு

  • metrochennai

    சென்னையில் நேரு பூங்கா முதல் சென்ரல் வரையிலான மெட்ரோ ரயில் பணிகள் தீவிரம்

  • protest_chennai123

    தூத்துக்குடி துப்பாக்கி சூடு சம்பவத்தை கண்டித்து தென் சென்னை மாவட்ட மார்க்சிஸ்ட் கம்யூனிஸ்ட் ஆர்ப்பாட்டம்

  • satteravai_stalin11

    சட்டப்பேரவை முன் தர்ணா போராட்டத்த்தில் ஈடுபட்ட ஸ்டாலின் குண்டுக்கட்டாக கைது

  • PakistanistudentUSgunshot

    அமெரிக்க துப்பாக்கிச்சூட்டில் பலியான பாகிஸ்தான் மாணவி உடல் சொந்த ஊரில் நல்லடக்கம்

படங்கள் வீடியோ கல்வி சினிமா ஜோ‌திட‌ம்