SUN குழுமத்திலிருந்து வெளிவரும் காலை நாளிதழ்

கேரளாவில் மந்திரிசபை கூட்டத்தை புறக்கணித்த அமைச்சர்களுக்கு முதல்வர் எச்சரிக்கை

2018-02-13@ 21:38:55

திருவனந்தபுரம்: கேரளாவில் அமைச்சர்கள் பங்கேற்காததால் அமைச்சரவைக் கூட்டம் தள்ளி வைக்கப்பட்டது. இந்நிலையில் அவர்கள் வாரத்திற்கு ஐந்து நாட்கள் தலைமைச் செயலகம் வர வேண்டும் என முதல்வர் பினராயி விஜயன் உத்தரவிட்டுள்ளார். கேரளாவில் இடதுசாரிக் கூட்டணி அரசு பதவியில் உள்ளது. முதல்வர் பினராயி விஜயன் தலைமையில் அமைச்சரவைக் கூட்டம் கடந்த வெள்ளியன்று நடைபெற்றது. ஆளுநர் சதாசிவத்தின் ஒப்புதலுக்காக 10 மிக முக்கிய அவசரச்சட்டங்கள் அனுப்பபட வேண்டிய நிலையில், அந்தக் கூட்டம் கூட்டப்பட்டது.

கேரளாவில் முதல்வர் உட்பட மொத்தம் 19 பேர் அமைச்சர் பொறுப்பு வகித்து வருகின்றனர். பெரும்பான்மையான அமைச்சர்கள் பங்கேற்று முடிவுக்கு ஒப்புதல் அளிக்கும் நடைமுறை அம்மாநிலத்தில் இருந்து வருகிறது. ஆனால், வெள்ளியன்று நடந்த அமைச்சரவைக் கூட்டத்திற்கு பினராயி விஜயன் உட்பட மொத்தம் 6 பேர் மட்டுமே கலந்து கொண்டனர். பெரும்பாலான அமைச்சர்கள் சொந்த ஊருக்கு சென்று விட்டனர். இதனால் அமைச்சரவைக் கூட்டம் மற்றொரு நாளுக்கு தள்ளி வைக்கப்பட்டது.

இந்த விவகாரம் தொடர்பாக எதிர்கட்சியான காங்கிரஸூம், பாஜகவும், கேரள அரசையும், இடதுசாரிக் கூட்டணி அமைச்சர்களையும் கடுமையாக விமர்சித்து வருகின்றனர். இதையடுத்து, அமைச்சர்கள் மீது கடும் கோபம் கொண்டுள்ள பினராயி விஜயன் கடுமையான உத்தரவு பிறப்பித்துள்ளார். வாரத்தில் ஐந்து நாட்களுக்கு தலைமைச் செயலகத்திற்கு கட்டாயம் வரவேண்டும் எனக்கூறியுள்ளார். அமைச்சரவைக் கூட்டத்தில் கலந்து கொள்ளாத அமைச்சர்கள் மீது கடும் நடவடிக்கை எடுக்கப்படும் எனவும் அவர் கூறிள்ளார்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • saaambal_cat11

    சாம்பல் பாதி, கறுப்பு பாதி... இருவேறு முகங்களை கொண்ட உலகின் வினோத பூனை

  • cars_seena_hunan

    கடும் போக்குவரத்து நெரிசலில் சிக்கிய 11,000 கார்கள்! : இரவை முழுவதும் சாலையில் கழித்து மக்கள் அவதி

  • matruthiranadigal1

    மாற்றுத்திறனாளிகள் பங்கேற்கும் பூமியை காப்பது குறித்த விழிப்புணர்வின் ஒத்திகை நிகழ்ச்சி

  • MasiFestival

    திருச்செந்தூர் மாசி திருவிழா : சுவாமி தங்க முத்துகிடா வாகனத்தில் திருவீதி உலா

  • 23-02-2018

    23-02-2018 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்
X