SUN குழுமத்திலிருந்து வெளிவரும் காலை நாளிதழ்

ஜெயலலிதா மரணம் பற்றி ஆளாளுக்கு கருத்து கூறுவது சரியல்ல: ஓ.பி.எஸ். பேட்டி

2018-01-20@ 01:15:54

சென்னை : ஜெயலலிதா மரணம் பற்றி, சிலர் தனித்தனியாக கருத்துக்களை கூறுவது சரியானதல்ல என துணை முதல்வர் ஓ.பன்னீர்செல்வம் கூறினார்.
தமிழக துணை முதல்வர் ஓ.பன்னீர்செல்வம், நேற்று முன்தினம் இரவு 11.45 மணிக்கு டெல்லியில் இருந்து விமானம் மூலம் சென்னை வந்தார். அப்போது அவர், விமான நிலையத்தில் செய்தியாளர்களுக்கு அளித்த பேட்டி: மத்திய பட்ஜெட்டுக்கு முன்னதாக டெல்லியில் அனைத்து மாநில நிதி அமைச்சர்கள் கூட்டம் நடப்பது வழக்கம். அதுபோல் நடந்த கூட்டத்தில் நான் கலந்து கொண்டு, வந்துள்ளேன். கூட்டத்தில் தமிழக அரசின் திட்டங்களுக்கு மத்திய அரசின் நிதியுதவி, மத்திய அரசு வழங்க வேண்டிய நிதியில் நிலுவை ஆகியவை உடனடியாக வழங்க நடவடிக்கை எடுக்க வலியுறுத்தினேன். தமிழகத்தை சேர்ந்த திருப்பூர் மாணவர், டெல்லி மருத்துவ கல்லூரியில் இறந்த சம்பவம் குறித்து, என்ன நடந்தது என தமிழக அரசு கேட்டறிந்து கொண்டிருக்கிறது. மாணவனின் பிரேத பரிசோதனை அறிக்கை வந்த பிறகு, அதற்கான நடவடிக்கை எடுக்க முடியும்.

பெட்ரோல், டீசல் விலை உயர்வுக்கும், மாநில அரசுக்கும் சம்பந்தம் இல்லை. எண்ணெய் நிறுவனங்கள், சர்வதேச சந்தையில் கச்சா எண்ணெய் விலை ஏற்றத்தின் நிலவரத்துக்கு ஏற்றாற்போல் நிர்ணயம் செய்கின்றன. ஜிஎஸ்டி வரிவிதிப்பில் பெட்ரோலிய பொருட்களை சேர்த்தால் விலை குறையும் என கூறுவது தவறான கருத்து. பெட்ரோல், டீசலுக்கு மாநில அரசு, அதிக சர் சார்ஜ் விதிப்பதால் விலை கூடுகிறது என கூறுவதும் சரியல்ல. இந்தியாவில் உள்ள அனைத்து மாநிலங்களையும் ஒப்பிடுகையில், தமிழகம் குறைந்த சர் சார்ஜ் விதிக்கிறது. இதனை  மேலும் குறைக்க வாய்ப்பில்லை.

கவிஞர் வைரமுத்துக்கு கொலை மிரட்டல் விடுப்பது சரியானதல்ல. வன்முறையை தூண்டும் வகையில் யாரும் பேசுவதும், கருத்து கூறுவதும் தவறு. தமிழக முன்னாள் அமைச்சர் நயினார் நாகேந்திரன், வைரமுத்து விவகாரத்தில் அதுபோல் பேசியுள்ளார் என்ற தகவல் கிடைத்தது. அதன்பேரில் போலீசார், நயினார் நாகேந்திரன் மீது வழக்குப்பதிவு செய்து விசாரிக்கின்றனர். முன்னாள் முதல்வர் ஜெயலலிதா மரணம் குறித்து, நீதிபதி ஆறுமுகசாமி தலைமையில் ஆணையம் அமைத்து, விசாரணை நடந்து வருகிறது. அந்த விசாரணை முழுவதுமாக முடிந்து, அதன் அறிக்கை வந்த பின்பு, அடுத்தகட்ட நடவடிக்கை எடுக்கப்படும். அதற்கு முன்னதாக, ஜெயலலிதா மரணம் பற்றி, சிலர் தனித்தனியாக கருத்துக்களை கூறுவது சரியானதல்ல. இது விசாரணை நடைமுறையை திருப்பி விடும் செயலாகும். இவ்வாறு அவர் கூறினார்.

மேலும் செய்திகள்

Like Us on Facebook Dinkaran Daily News
  • 18-08-2018

    18-08-2018 இன்றைய சிறப்பு படங்கள்

  • lastfinaldest111

    21 குண்டுகள் முழங்க தங்க நாற்கர சாலையின் நாயகனும், முன்னாள் பிரதமருமான வாஜ்பாயின் உடல் தகனம்

  • finaldesti000

    மறைந்த முன்னாள் பிரதமர் வாஜ்பாயின் இறுதி ஊர்வலம்

  • kannirpeoplvaj

    மறைந்த முன்னாள் பிரதமர் வாஜ்பாயின் உருவப்படத்திற்கு நாட்டு மக்கள் கண்ணீர் அஞ்சலி

  • bjpvajpai123

    டெல்லி பாஜக தலைமை அலுவலகத்தில் வாஜ்பாய் உடல் - பொதுமக்கள் அஞ்சலி

படங்கள் வீடியோ கல்வி சினிமா ஜோ‌திட‌ம்