SUN குழுமத்திலிருந்து வெளிவரும் காலை நாளிதழ்

ஜெயலலிதா சிகிச்சை வீடியோ வெளியிட்டு ஆர்.கே.நகர் தேர்தல் வெற்றிக்கு 20 ரூபாய் டோக்கன் கொடுத்தோம்

2018-01-20@ 01:02:20

* டிடிவி.தினகரன் ஆதரவு முன்னாள் எம்எல்ஏ பரபரப்பு பேச்சு

தா.பேட்டை : முசிறியில் திருச்சி தெற்கு மாவட்ட அதிமுக அம்மா அணி நிர்வாகிகள் ஆலோசனை கூட்டம், நேற்று முன்தினம் நடைபெற்றது. இதில் முன்னாள் எம்எல்ஏவும், திருச்சி தெற்கு மாவட்ட செயலாளருமான ராஜசேகரன் பேசியதாவது: ஓபிஎஸ், இபிஎஸ் ஆகியோர் பச்சை துரோகிகள். அதிமுக கட்சியும், சின்னமும் தினகரனிடம் வந்துசேரும். அதிமுக ஆட்சியின் நாட்கள் எண்ணப்படுகிறது. அம்மா அணியின் எம்.எல்.ஏக்கள் தகுதி நீக்க வழக்கு விரையில் வெளிவர இருக்கிறது. அதன்பின் தமிழகத்தில் ஆட்சி மாற்றம் இருக்கும். ஆர்.கே.நகர் இடைத்தேர்தலின்போது எதிர்கட்சிகள் வெற்றி பெறுவதற்காக செய்த சூழ்ச்சிகளை முறியடிக்க முறையிட்டதை அடுத்து டிடிவி.தினகரன் ஜெயலலிதா மருத்துவமனையில் சிகிச்சை பெற்ற வீடியோவை வெளியிடுங்கள் எனக்கூறி வெற்றிவேலிடம் சி.டியை கொடுத்தார். வீடியோ காட்சியை வெளியிட வெற்றிவேல் தயங்கியபோது ஒரு வழக்குதானே வரும் பார்த்துக் கொள்ளலாம் என தைரியம் கூறி அனுப்பி வைத்தோம். முக்கிய நிர்வாகிகள் அமர்ந்து மாஸ்டர் பிளான் செய்து ஆர்கே நகரில் 20 ரூபாய் டோக்கன் கொடுத்து வெற்றிபெற்றோம். இவ்வாறு அவர் பேசினார்.
 
டிடிவி.தினகரன் மறுப்பு: இது குறித்து திருப்பூரில் நேற்று, டிடிவி தினகரன் செய்தியாளர்களிடம் கூறியதாவது: எனது ஆதரவாளரான முன்னாள் எம்.எல்.ஏ. ராஜசேகரன், ஆர்.கே. நகர் இடைத்தேர்தலில் நான் வெற்றிபெற 20 ரூபாய் டோக்கன் வழங்கியதாகவும், வெற்றி பெற வேண்டியே ஜெயலலிதா வீடியோவை வெளியிட்டதாகவும் பேசியுள்ளார். இது தொண்டர்களை உற்சாகப்படுத்தவே கூறியுள்ளாரே தவிர, அதில் உண்மையில்லை. அதுகுறித்து நான் அவரிடம் செல்போனில் பேசினேன்.  இந்த கருத்துக்கு அவர் மன்னிப்பு கோரியுள்ளார். ஜனநாயக நாட்டில் யார் வேண்டுமானாலும் கட்சி தொடங்க உரிமையுள்ளது. ஆனால் மக்களால் அங்கீகரிக்கப்பட வேண்டும் என்றார்.

வரன் தேட தமிழ் மேட்ரிமோனி, இன்றே பதிவு செய்யுங்கள் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • ramalan_sirapu111

    இஸ்லாமியர்கள் கடைபிடிக்கும் ரமலான் நோன்பு ! : சிறப்பு படங்கள்

  • cake_decor11

    ஆஸ்திரேலிய சர்வதேச கேக் திருவிழா : மனதை கொள்ளை கொள்ளும் கேக் அலங்காரங்கள்

  • RajivGandhi27thanniversary

    ராஜீவ் காந்தியின் 27-வது நினைவு தினம் இன்று: சோனியா காந்தி, ராகுல் காந்தி அஞ்சலி

  • lasvegas_theme111

    அமெரிக்காவின் லாஸ்வேகாஸ் மேடிசன் சதுக்கத்தில் வெவ்வேறு தீம்களில் ஜொலிக்கும் பிரம்மாண்ட கோள அரங்கம்

  • rajiv_27anni

    27வது நினைவு தினத்தை அனுசரிக்கும் மறைந்த முன்னாள் பிரதமர் ராஜீவ் காந்தியின் அரிய புகைப்படங்கள்

படங்கள் வீடியோ கல்வி சினிமா ஜோ‌திட‌ம்