SUN குழுமத்திலிருந்து வெளிவரும் காலை நாளிதழ்

பத்மாவத் படத்துக்கு வழங்கப்பட்ட தணிக்கை சான்றிதழை ரத்து செய்ய கோரிய மனு தள்ளுபடி

2018-01-20@ 01:00:39

புதுடெல்லி : ‘பத்மாவத்’ திரைப்படத்துக்கு வழங்கப்பட்ட தணிக்கை சான்றிதழை  ரத்து செய்யக் கோரிய மனுவை உச்ச நீதிமன்றம் தள்ளுபடி செய்தது.
ராஜஸ்தானின் சித்தூர் ராணி பத்மினியின் கதை, ‘பத்மாவத்’ என்ற பெயரில் தயாரிக்கப்பட்டுள்ளது. வரும் 25ம் தேதி இப்படம் நாடு முழுவதும் வெளியிடப்படுகிறது. இந்நிலையில், படத்துக்கு பல்வேறு மாநில அரசுகள் விதித்துள்ள தடையை நீக்கக் கோரி, படத்தின் தயாரிப்பாளர் சார்பில் உச்ச நீதிமன்றத்தில் வழக்கு தொடரப்பட்டது.

இதை விசாரித்த தலைமை நீதிபதி தீபக் மிஸ்ரா, நீதிபதிகள் கன்வில்கர், சந்திராசூட் ஆகியோர் அடங்கிய அமர்வு, தடையை நீக்கி நேற்று முன்தினம் உத்தரவிட்டது. மேலும், வழக்கை  மார்ச் மாதத்துக்கு ஒத்திவைத்தது. இந்நிலையில், இந்த படத்துக்கு எதிராக உச்ச நீதிமன்றத்தில் மூத்த வழக்கறிஞர் எம்.எல்.சர்மா நேற்று புதிய மனுவை தாக்கல் செய்தார். இந்த மனு தலைமை நீதிபதி தீபக் மிஸ்ரா அமர்வில் நேற்று விசாரணைக்கு வந்தது. அப்போது பிறப்பித்த உத்தரவில், “இந்த படத்தை வெளியிடுவது தொடர்பாக நேற்று நாங்கள் நியாயமான தீர்ப்பை வழங்கியுள்ளோம்’’ என்று கூறி மனுவை தள்ளுபடி செய்தார். இதையடுத்து, இந்த படம் திரைக்கு வருவது மேலும் உறுதியாகி உள்ளது.

எந்த முடிவும் எடுக்கவில்லை

மத்தியப் பிரதேச முதல்வர் சிவராஜ் சிங் சவுகான் போபாலில் நேற்று அளித்த பேட்டியில், ‘‘உச்சநீதிமன்ற உத்தரவை ஆய்வு செய்யும்படி அட்வகேட் ஜெனரலிடம் கூறியுள்ளோம். அதன்பின் உச்சநீதிமன்றத்தில் ஏதாவது கூற முடியுமா என்பதை ஆய்வு செய்வோம். மத்தியப் பிரதேசத்தில் பத்மாவத் படம் ரீலிஸ் தொடர்பாக எந்த முடிவும் எடுக்கவில்லை’’ என்றார்.

மேலும் செய்திகள்

Like Us on Facebook Dinkaran Daily News
  • birdfestivalcanada

    கனடாவில் வான்கூவர் நகரில் நடைபெற்ற பறவை திருவிழாவில் பறவைகள் போல உடையணிந்து தன்னார்வலர்கள் பங்கேற்பு

  • militaryparangimalai

    ராணுவ வாகனங்கள், ஆயுதங்கள், யானை தந்தங்களுடன் கம்பீரமாக காட்சியளிக்கும் பரங்கிமலை ராணுவ பயிற்சி மையம்

  • guwahatidiadhani

    குவஹாத்தியில் தியோதானி திருவிழா கொண்டாட்டம் : விலங்குகளை பலி கொடுத்து பக்தர்கள் வழிபாடு

  • koreanwarmeet

    கொரிய போரின் போது குடும்பங்களை பிரிந்து சென்ற மக்கள் 65 ஆண்டுகளுக்கு பிறகு கண்ணீர்மல்க சந்திப்பு

  • srilankakitefestival

    இலங்கையில் பட்டம் திருவிழா கோலாகலம் : பல்லாயிரக்கணக்கானோர் வண்ணமயமான பட்டங்களுடன் பங்கேற்பு

படங்கள் வீடியோ கல்வி சினிமா ஜோ‌திட‌ம்