SUN குழுமத்திலிருந்து வெளிவரும் காலை நாளிதழ்

அமோனியா வாயு கசிந்ததால் கிராம மக்கள் வெளியேற்றம்

2018-01-20@ 00:56:09

பனாஜி : கோவாவில் டேங்கர் லாரியில் ஏற்றி சென்ற அமோனியா வாயு கசிந்து மூச்சுத்திணறல் ஏற்பட்டதால் கிராம மக்கள் வெளியேற்றப்பட்டனர். கோவா மாநிலம் வாஸ்கோ நகரம்- பனாஜி நெடுஞ்சாலையில் உள்ளது சிக்காலிம் கிராமம். இங்கு 300க்கும் அதிகமான வீடுகள் உள்ளன. நேற்று அதிகாலை டேங்கர் லாரி ஒன்று மர்மகோவா துறைமுகத்தில் இருந்து தொழிற்சாலை ஒன்றுக்கு அமோனியா வாயுவை ஏற்றி சென்றது. சிக்காலிம் கிராமம் அருகே வேகமாக சென்ற அந்த டேங்கர் லாரி அதிகாலை 2.45 மணியளவில் திடீரென டிரைவரின் கட்டுப்பாட்டை இழந்து கவிழ்ந்தது.

இதில் இருந்து அமோனியா வாயு கசிந்தால் பொதுமக்களுக்கு மூச்சுத்திணறல் ஏற்பட்டது. இதையடுத்து, போலீசார், தீயணைப்பு படையினர் பொதுமக்களை ஊரை காலி செய்து வெளியேறுமாறு எச்சரிக்கை விடுத்தனர். அந்த சாலையில் வாகனங்கள் செல்லவும் தடை விதிக்கப்பட்டது. பொதுமக்கள் அந்த கிராமத்தில் இருந்து அவசர அவசரமாக வெளியேற்றப்பட்டனர். அப்போது வீட்டில் தூங்கி கொண்டிருந்த 2 பெண்கள், அமோனியா வாயுவை சுவாசித்ததால் மூச்சுத்திணறல் ஏற்பட்டது. அவர்கள் மருத்துவமனையில் சேர்க்கப்பட்டனர்.

மேலும் செய்திகள்

Like Us on Facebook Dinkaran Daily News
  • birdfestivalcanada

    கனடாவில் வான்கூவர் நகரில் நடைபெற்ற பறவை திருவிழாவில் பறவைகள் போல உடையணிந்து தன்னார்வலர்கள் பங்கேற்பு

  • militaryparangimalai

    ராணுவ வாகனங்கள், ஆயுதங்கள், யானை தந்தங்களுடன் கம்பீரமாக காட்சியளிக்கும் பரங்கிமலை ராணுவ பயிற்சி மையம்

  • guwahatidiadhani

    குவஹாத்தியில் தியோதானி திருவிழா கொண்டாட்டம் : விலங்குகளை பலி கொடுத்து பக்தர்கள் வழிபாடு

  • koreanwarmeet

    கொரிய போரின் போது குடும்பங்களை பிரிந்து சென்ற மக்கள் 65 ஆண்டுகளுக்கு பிறகு கண்ணீர்மல்க சந்திப்பு

  • srilankakitefestival

    இலங்கையில் பட்டம் திருவிழா கோலாகலம் : பல்லாயிரக்கணக்கானோர் வண்ணமயமான பட்டங்களுடன் பங்கேற்பு

படங்கள் வீடியோ கல்வி சினிமா ஜோ‌திட‌ம்