SUN குழுமத்திலிருந்து வெளிவரும் காலை நாளிதழ்

இனவெறி குறித்த விமர்சனம் டிரம்ப் மன்னிப்பு கேட்க வேண்டும்: 55 ஆப்ரிக்க நாடுகள் தீர்மானம்

2018-01-14@ 01:10:53

நைரோபி: இனவெறி குறித்து விமர்சனம் செய்த அமெரிக்க அதிபர் டிரம்ப் மன்னிப்பு கேட்க வேண்டும் என 55 ஆப்ரிக்க நாடுகள் தீர்மானம் நிறைவேற்றி உள்ளன.வெளிநாடுகளில் இருந்து வெளியேறி அமெரிக்காவில் அகதிகளாக பலர் குடியேறி வருகின்றனர். அது குறித்த ஆய்வு கூட்டம் வெள்ளை மாளிகையில் நடந்தது. செனட் உறுப்பினர்கள் மற்றும் எம்.பி.க்கள் கலந்து கொண்ட  இக்கூட்டத்திற்கு அமெரிக்க அதிபர் டிரம்ப் தலைமை வகித்தார். இந்த கூட்டத்தில் ஹைதி மற்றும் ஆசிய, ஆப்பிரிக்க நாடுகளில் இருந்து வந்து அகதிகளாக குடியேறியவர்கள் குறித்து டிரம்ப் பேசினார். அப்போது ‘மிகமோசமான  அருவருக்கத்தக்க நாடுகளில் இருந்து வருபவர்களை நாம் ஏன் வரவேற்க வேண்டும்? அவர்களால் அமெரிக்க பொருளாதாரம் எந்த விதத்தில் வளர்ச்சி அடைந்துள்ளது? எனவே, அவர்களை உடனடியாக வெளியேற்ற வேண்டும்’’  என்றார்.

அவருடைய இந்த பேச்சுக்கு அவருடைய ஆளும் குடியரசு கட்சி மற்றும் எதிர்க்கட்சியான ஜனநாயக கட்சியை சேர்ந்த எம்.பி.க்கள் எதிர்ப்பும், கண்டனமும் தெரிவித்தனர். இந்நிலையில், ஆப்பிரிக்க யூனியனில் உள்ள 55 நாடுகளும்  டிரம்பின் இந்த பேச்சுக்கு எதிராக போர்க்கொடி உயர்த்தி உள்ளன. இதுதொடர்பாக ஆப்ரிக்க நாடுகள் யூனியன் கூட்டமைப்பு சார்பில் அவசர ஆலோசனை நடத்தப்பட்டது. பின்னர், அமெரிக்க அதிபர் டிரம்பை கண்டித்து தீர்மானம்  நிறைவேற்றப்பட்டது. இதில் 55 நாடுகளின் தூதர்களும் கையெழுத்து போட்டுள்ளனர். அந்த தீர்மானத்தில், ‘டிரம்பின் பேச்சில் இனவெறி தெரிகிறது.

அதற்காக அவர் மன்னிப்பு கேட்க வேண்டும். அவரது விமர்சனம் மிகவும்  கவலையை ஏற்படுத்தி உள்ளது. அவரது மூர்க்கத்தனமான இனவெறி மிகுந்த கருத்துக்கு நாங்கள் கடுமையான கண்டனத்தை பதிவு செய்கிறோம்’ என்று கூறப்பட்டுள்ளது. இது குறித்து ஆப்ரிக்க நாடுகள் கூட்டமைப்பு தலைவர் எப்பா கலோண்டா கூறுகையில், ‘‘டிரம்பின் விமர்சனம் நிச்சயம் இனவெறி மிகுந்தது. இதனால் நாங்கள் இன்னும் வலுவடைந்து உள்ளோம்’ என்று தெரிவித்துள்ளார்.,

டிரம்ப் மறுப்பு
இனவெறி பேச்சு குறித்து அமெரிக்க அதிபர் டிரம்ப் உடனே விளக்கம் அளித்துள்ளார். அவர் கூறுகையில்,’ நான் அப்படிப்பட்ட வார்த்தையை உபயோகப்படுத்தவில்லை. மேலும், எனது பேச்சில் உள்நோக்கம் எதுவும் இல்லை’  என கூறியுள்ளார்.

ஜநா கண்டனம்
அமெரிக்க அதிபர் டிரம்ப் பேச்சுக்கு ஐநா கடும் கண்டனம் தெரிவித்துள்ளது. இதுதொடர்பாக ஐநாவின் மனித உரிமை அலுவலக செய்தி தொடர்பாளர் ரூபர்ட் கால்விலி கூறுகையில், ‘‘டிரம்ப்பின் பேச்சு அதிர்ச்சியாகவும்,  அவமானமாகவும், இனவெறி மிக்கதாகவும் இருந்தது’ என்று குறிப்பிட்டுள்ளது.

மேலும் செய்திகள்

Like Us on Facebook Dinkaran Daily News
  • FoamFightScotland

    முதலாம் ஆண்டு மாணவர்களை வித்தியாசமான முறையில் வரவேற்ற ஸ்காட்லாந்து பல்கலைக்கழம்: புகைப்படங்கள்

  • SALTMarchRashtrapti

    ராஷ்டிரபதி பவன் அருங்காட்சியகத்தில் புதிதாக வைக்கப்பட்டுள்ள காந்தியடிகளின் உருவ சிலைகள்: மாணவர்கள் கண்டுகளிப்பு

  • NagoroJapanVillage

    ஜப்பானில் உள்ள தீவில் வெறிச்சோடிய கிராமத்தை பொம்மைகளால் உயிரூட்டிய பெண்: குவியும் சுற்றுலா பயணிகள்

  • FallFoilageWorld

    உலகின் பல்வேறு நாடுகளில் எடுக்கப்பட்ட இலையுதிர் காலத்தின் அழகிய புகைப்படங்கள்

  • WillaHurricaneMexico

    மெக்சிகோவை மிரட்டவிருக்கும் வில்லா புயல்: முன்னேற்பாடு பணிகள் தீவிரம்

படங்கள் வீடியோ கல்வி சினிமா ஜோ‌திட‌ம்