SUN குழுமத்திலிருந்து வெளிவரும் காலை நாளிதழ்

ஹாட்ரிக் வெற்றியுடன் தொடரை கைப்பற்றியது நியூசிலாந்து

2018-01-14@ 01:08:59

டுனெடின்: பாகிஸ்தான் அணியுடனான 3வது ஒருநாள் போட்டியில், 183 ரன் வித்தியாசத்தில் அபாரமாக வென்ற நியூசிலாந்து 3-0 என முன்னிலை பெற்றதுடன் தொடரையும் கைப்பற்றியது. டுனெடின் பல்கலை. ஓவல் மைதானத்தில் நேற்று நடந்த இப்போட்டியில், டாசில் வென்று பேட் செய்த நியூசிலாந்து 50 ஓவரில் 257 ரன் குவித்து ஆல் அவுட்டானது. கப்தில் 45, கேப்டன் வில்லியம்சன் 73, ராஸ் டெய்லர் 52, லாதம் 35 ரன் எடுத்தனர். பாகிஸ்தான் பந்துவீச்சில் ஹசன் அலி, ரும்மான் ரயீஸ் தலா 3, ஷதாப் கான் 2, பாஹீம் அஷ்ரப் 1 விக்கெட் வீழ்த்தினர். அடுத்து களமிறங்கிய பாகிஸ்தான் 27.2 ஓவரிலேயே வெறும் 74 ரன்னுக்கு சுருண்டது.

ரும்மான் ரயீஸ் 16, முகமது ஆமிர் 14, பாஹீம் 10, கேப்டன் சர்பராஸ் அகமது ஆட்டமிழக்காமல் 14 ரன் எடுக்க, மற்ற வீரர்கள் ஒற்றை இலக்க ரன்னில் அணிவகுத்தனர் (3 பேர் டக் அவுட்). நியூசிலாந்து பந்துவீச்சில் டிரென்ட் போல்ட் 7.2 ஓவரில் 1 மெய்டன் உட்பட 17 ரன் மட்டுமே விட்டுக் கொடுத்து 5 விக்கெட் கைப்பற்றினார். கோலின் மன்றோ, பெர்குசன் தலா 2 விக்கெட் வீழ்த்தினர். போல்ட் ஆட்ட நாயகன் விருது பெற்றார். நியூசி. ஹாட்ரிக் வெற்றியுடன் தொடரை கைப்பற்றிய நிலையில், 4வது போட்டி ஹாமில்டன் செடான் பார்க் மைதானத்தில் 16ம் தேதி நடக்கிறது.

மேலும் செய்திகள்

Like Us on Facebook Dinkaran Daily News
  • tokyo_olympic_2020

    டோக்கியோ 2020 ஒலிம்பிக் மற்றும் பாராலிம்பிக்ஸ் போட்டிக்கான அதிகாரப்பூர்வ சின்னங்கள் வெளியீடு!!

  • kandhan_savadi11

    கந்தன்சாவடியில் கட்டுமான பணியின் போது சாரம் சரிந்து விபத்து : 2 பேர் பலி ; பலர் படுகாயம்

  • LosAngelesSuperMarketshot

    லாஸ் ஏஞ்சலஸ் நகரின் சூப்பர் மார்க்கெட் கடைக்குள் துப்பாக்கிச் சூடு: ஒருவர் பலி

  • boataccident_19dead

    பிரான்சன் படகு விபத்தில் உயிரிழந்தவர்களுக்கு மலர் வளையம் வைத்து கண்ணீர் மல்க அஞ்சலி

  • intel_beer_fes

    சர்வதேச பீர் திருவிழா : கலை நிகழ்ச்சிகள், வான வேடிக்கைகள் உடன் 1300 வகையான பீர்கள் விழாவில் அறிமுகம்

படங்கள் வீடியோ கல்வி சினிமா ஜோ‌திட‌ம்