SUN குழுமத்திலிருந்து வெளிவரும் காலை நாளிதழ்

ஐசிசி யு-19 உலக கோப்பை பாகிஸ்தானை வீழ்த்தியது ஆப்கானிஸ்தான்

2018-01-14@ 01:07:13

வாங்கரெய்: இளைஞர் உலக கோப்பை ஒருநாள் போட்டித் தொடரின் டி பிரிவு லீக் ஆட்டத்தில், பாகிஸ்தான் அணி 5 விக்கெட் வித்தியாசத்தில் ஆப்கானிஸ்தானிடம் அதிர்ச்சி தோல்வி அடைந்தது. வாங்கரெய் கோபாம் ஓவல் மைதானத்தில் நடந்த இப்போட்டியில், டாசில் வென்று பேட் செய்த பாகிஸ்தான் 47.4 ஓவரில் 188 ரன்னுக்கு ஆல் அவுட்டானது. தொடக்க வீரர் ரோகைல் நசீர் 81 ரன், அலி ஆசிப் 30, முகமது டாஹா 17, கேப்டன் ஹசன் கான் 13, அர்ஷத் இக்பால் 10 ரன் எடுத்தனர். ஆப்கானிஸ்தான் பந்துவீச்சில் அஸ்மதுல்லா ஓமர்சாய், குவாயிஸ் அகமது தலா 3, நவீன் உல் ஹக் 2, ஜாகிர் கான், நிசார் வாக்தாத் தலா 1 விக்கெட் வீழ்த்தினர்.

அடுத்து 50 ஓவரில் 189 ரன் எடுத்தால் வெற்றி என்ற இலக்குடன் ஆப்கானிஸ்தான் களமிறங்கியது. அந்த அணி 47.3 ஓவரில் 5 விக்கெட் இழப்புக்கு 194 ரன் எடுத்து வென்றது. ரகமதுல்லா குர்பாஸ் 31, இக்ராம் அலி 46, டார்விஷ் ரசூலி 76*, நிசார் 19, அஸ்மதுல்லா 12* ரன் எடுத்தனர். ரசூலி ஆட்ட நாயகன் விருது பெற்றார். ஆப்கானிஸ்தான் அணி 2 புள்ளிகள் பெற்றது.

* பாப்புவா நியூ கினியா அணியுடன் நடந்த பி பிரிவு லீக் ஆட்டத்தில் ஜிம்பாப்வே 10 விக்கெட் வித்தியாசத்தில் எளிதாக வென்றது. நியூ கினியா 20 ஓவரில் 95 ரன்னுக்கு ஆல் அவுட்; ஜிம்பாப்வே 14 ஓவரில் விக்கெட் இழப்பின்றி 98 (டாலர் 41*, வெஸ்லி மாதவெரே 53*).

* நமீபியா அணிக்கு எதிரான சி பிரிவு லீக் ஆட்டத்தில் வங்கதேசம் 87 ரன் வித்தியாசத்தில் வென்றது. மழையால் பாதிக்கப்பட்ட இப்போட்டியில் வங்கதேசம் 20 ஓவரில் 4 விக்கெட் இழப்புக்கு 190 ரன் எடுக்க, நமீபியா 20 ஓவரில் 6 விக்கெட் இழப்புக்கு 103 ரன் எடுத்து தோல்வியை தழுவியது.

* வெஸ்ட் இண்டீசுடன் நடந்த போட்டியில் (ஏ பிரிவு), நியூசிலாந்து 8 விக்கெட் வித்தியாசத்தில் வென்றது. வெஸ்ட் இண்டீஸ் 50 ஓவரில் 233/8 (கீகன் சிம்மன்ஸ் 92*, கிமானி மெலியஸ் 78, அலிக் அதானேஸ் 26); நியூசிலாந்து  39.3 ஓவரில் 234/2 (ஜேக்கப் புலா 83, ரவீந்திரா 16, பின் ஆலன் 115*, போஷர் 8*).

மேலும் செய்திகள்

Like Us on Facebook Dinkaran Daily News
  • tokyo_olympic_2020

    டோக்கியோ 2020 ஒலிம்பிக் மற்றும் பாராலிம்பிக்ஸ் போட்டிக்கான அதிகாரப்பூர்வ சின்னங்கள் வெளியீடு!!

  • kandhan_savadi11

    கந்தன்சாவடியில் கட்டுமான பணியின் போது சாரம் சரிந்து விபத்து : 2 பேர் பலி ; பலர் படுகாயம்

  • LosAngelesSuperMarketshot

    லாஸ் ஏஞ்சலஸ் நகரின் சூப்பர் மார்க்கெட் கடைக்குள் துப்பாக்கிச் சூடு: ஒருவர் பலி

  • boataccident_19dead

    பிரான்சன் படகு விபத்தில் உயிரிழந்தவர்களுக்கு மலர் வளையம் வைத்து கண்ணீர் மல்க அஞ்சலி

  • intel_beer_fes

    சர்வதேச பீர் திருவிழா : கலை நிகழ்ச்சிகள், வான வேடிக்கைகள் உடன் 1300 வகையான பீர்கள் விழாவில் அறிமுகம்

படங்கள் வீடியோ கல்வி சினிமா ஜோ‌திட‌ம்