சென்னை: மார்க்சிஸ்ட் மாநிலச் செயலாளர் ஜி.ராமகிருஷ்ணன் வெளியிட்ட அறிக்கை: சட்டப்பேரவையில் அமைச்சர் சி.வி.சண்முகம், அரசுப்பணியாளர் தேர்வாணையம் மூலம் வெளி மாநிலத்தவர்கள் தேர்ந்தெடுக்கப்படுவதும் 1952 ஆம் ஆண்டிலிருந்து நடப்பதாகவும், அனைத்து மாநிலங்களிலும் இந்த நடைமுறை உள்ளதாகவும், 2011ல் இருந்து 30 வெளிமாநிலத்தவர் அரசுப்பணிகளில் அமர்த்தப்பட்டுள்ளதாகவும் தெரிவித்துள்ளார்.
 
தமிழகத்தில் படித்து முடித்து வேலைவாய்ப்பு அலுவலகங்களில் பதிவு செய்தோர் எண்ணிக்கை சுமார் ஒரு கோடியை எட்டிவருகின்ற நிலையில் இங்குள்ள சிறு அளவிலான வேலைவாய்ப்புக்களும் குறைக்கப்படும் நிலை இளைஞர்களுக்கு பாதிப்பை உருவாக்கும். எனவே, தமிழக இளைஞர்களுக்கு வேலை வாய்ப்புக்களை உறுதி செய்திடும் வகையில் தமிழக அரசு உரிய நடவடிக்கைகள் மேற்கொள்ளவேண்டும்.