SUN குழுமத்திலிருந்து வெளிவரும் காலை நாளிதழ்

கைதிகள் செல்போன் பயன்படுத்துவதை தடுக்க சிறைகளில் ஜாமர்களை பொருத்த ஐகோர்ட் உத்தரவு

2018-01-14@ 00:50:31

சென்னை: விடுதலையான சிறைவாசிகள் உதவி சங்கத்திற்கு தமிழகத்தில் 16 மாவட்டங்களில் சொத்துக்கள் உள்ளன. இந்த சொத்துக்கள் தற்போது குத்தகை அடிப்படையிலும், வாடகை அடிப்படையிலும் வெளி நபர்களுக்கு தரப்பட்டுள்ளது. இந்த சங்கங்கள் அந்தந்த மாவட்ட கலெக்டர்களின் மேற்பார்வையில் இயங்கி வருகிறது. சங்கங்களுக்கு கவுரவ தலைவர்கள் நியமிக்கப்பட்டுள்ளனர். இந்நிலையில், குத்தகைக்கு எடுத்தவர்களில் பலர் உரிய வாடகையைத் தராமல் இருப்பதாகவும், அந்த கட்டிடங்கள் சரியாக பராமரிக்கப்படாமல் இருப்பதாகவும் உயர் நீதிமன்றத்தின் கவனத்திற்கு கொண்டு வரப்பட்டது. இதை வழக்காக பதிவு செய்த உயர் நீதிமன்றம் டிஜிபிக்கு சில கேள்விகளுக்கு பதில் தருமாறு உத்தரவிட்டது. அதன் அடிப்படையில், டிஜிபி அறிக்கை தாக்கல் செய்தார்.

இந்த வழக்கு நீதிபதி என்கிருபாகரன் முன்னிலையில் விசாரணைக்கு வந்தது. வழக்கை விசாரித்த நீதிபதி, விடுதலையான சிறைவாசிகள் உதவி சங்கங்களின் நிலை குறித்து சம்மந்தப்பட்ட போலீசார் கலெக்டர்களைத் தொடர்பு கொண்டு அந்த சொத்துக்களின் மதிப்பு, மாத வாடகை உள்ளிட்ட தகவல்களைத் தெரிவிக்க வேண்டும். இல்லையென்றால் உள்துறை செயலாளரையும், டிஜிபிஐயும்  நீதிமன்றத்தில் ஆஜராகுமாறு சம்மன் அனுப்ப நேரிடும். தமிழகத்தில் உள்ள சிறைச்சாலைகளில் செல்போன் தாராளமாக புழங்குவதாகவும் அதனால் பல குற்ற நடவடிக்கைகள் சிறையில் உள்ள கைதிகளாலேயே நடக்கிறது என்றும் பத்திரிகை செய்திகள் வெளிவந்துள்ளன. இந்த செல்போன்கள் சிறைகளுக்கு சட்டவிரோதமாக கொண்டுவரப்படுகிறது.

எனவே, செல்போன்களை செயலிழக்கச் செய்யும் ஜாமர்களை சிறைகளில் வைத்தால் செல்போன்களை கைதிகள் பயன்படுத்துவதை தடுக்க முடியும். அடுத்ததாக, முதல் முறை குற்றச்செயலில் ஈடுபட்டு சிறையில் அடைக்கப்படுபவர்களை ஏற்கனவே உள்ள கடும் குற்ற வழக்குகளில் தண்டனை பெற்றவர்களுடன் அடைக்கக்கூடாது. இது குறித்து அரசு உரிய நடைமுறைகளைக் கொண்டு வர வேண்டும். சிறைகளில் எந்தெந்த இடங்களில் சிசிடிவி கேமராக்கள் தேவை என்பதை கண்டறிந்து அந்த இடங்களில் கேமராக்களை அமைக்க வேண்டும். இது குறித்த அறிக்கையை அரசு வக்கீல் நீதிமன்றத்தில் தெரிவிக்க வேண்டும். மேலும், சிறையிலிருந்து விடுதலை செய்யப்பட்டவர்கள் மறுவாழ்வுக்கு உதவி செய்யப்படுகிறதா?, அவர்களுக்கு மறுவாழ்வுக்கான வழி செய்யப்படவில்லை என்றால் எந்த விதமாக உதவிகள் செய்யப்படுகின்றன? இந்த கேள்விகளுக்கு அரசு வரும் 22ம் தேதி பதில் தரவேண்டும்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 21-01-2018

    21-01-2018 இன்றைய சிறப்பு படங்கள்

  • Hungarystudentsstruggle

    ஹங்கேரியில் கல்வி தரத்தை உயர்த்த கோரி ஆயிரக்கணக்கணக்கான மாணவர்கள் போராட்டம்

  • colambiaparaglidingworldcup

    கொலம்பியாவில் உலகக் கோப்பை பாராகிளைடிங் போட்டி: பல்வேறு பகுதியிலிருந்து வீரர்கள் உற்சாகமாக பங்கேற்பு

  • turkey_dust_storm

    துருக்கி, சிரியா ஆகிய நாடுகளில் வீசிய புழுதிப் புயல்: பொதுமக்களின் இயல்பு வாழ்க்கை பாதிப்பு

  • republic_vilaaa

    குடியரசு தின விழா : வண்ணமயமான ஒளியில் மின்னும் ராஷ்திரபதி பவன்

படங்கள் வீடியோ கல்வி சினிமா ஜோ‌திட‌ம்