SUN குழுமத்திலிருந்து வெளிவரும் காலை நாளிதழ்

பா.ஜ.க. அரசுக்கு எதிராக தொடர்ந்து கருத்து தெரிவித்து வரும் ப.சிதம்பரம் வீட்டில் அமலாக்கத்துறை சோதனை அரசியல் உள்நோக்கம் கொண்டது: தமிழக காங்கிரஸ் கட்சி தலைவர் திருநாவுக்கரசர் கண்டனம்

2018-01-14@ 00:36:49

சென்னை: பா.ஜ.க. அரசிற்கு எதிராக தொடர்ந்து கருத்து தெரிவித்து வரும் ப.சிதம்பரம் வீட்டில் அமலாக்கத்துறையினர் சோதனை நடத்துவது அரசியல் உள்நோக்கம் கொண்டது என திருநாவுக்கரசர் கண்டனம் தெரிவித்துள்ளார்.தமிழ்நாடு மகிளா காங்கிரஸ் சார்பில் சென்னை ராயப்பேட்டையில் உள்ள சத்தியமூர்த்தி பவனில் நேற்று சமத்துவ பொங்கல் விழா கொண்டாடப்பட்டது. விழாவில் தமிழக காங்கிரஸ் கட்சியின் தலைவர் திருநாவுக்கரசர், மகிளா  காங்கிரஸ் தலைவர் ஜான்சிராணி, மாவட்ட தலைவர்கள் கராத்தே தியாகராஜன், எம்.எஸ்.திரவியம், சிவராஜசேகரன், வீர பாண்டியன்,  சிரஞ்சீவி, சுமதி அன்பரசு உள்ளிட்ட கட்சி நிர்வாகிகள் பலர் கலந்து கொண்டு உற்சாகமாக  பொங்கல் விழாவினை கொண்டாடினர். அதனை தொடர்ந்து தமிழ்நாடு மகிளா காங்கிரஸ் சார்பில் எழை, எளிய மக்களுக்கு சேலைகள் வழங்கப்பட்டது. விழாவின் போது, தமிழக காங்கிரஸ் கட்சியின் தலைவர் திருநாவுக்கரசர்  நிருபர்களுக்கு அளித்த பேட்டியில் கூறியதாவது: தமிழக மக்கள் அனைவருக்கும் காங்கிரஸ் கட்சி சார்பில் பொங்கல் வாழ்த்துக்களை தெரிவித்து கொள்கிறேன். நீதிபதிகள் பிரச்சினை தொடர்பாக உச்ச நீதிமன்ற தலைமை  நீதிபதியும், உச்ச நீதிமன்ற மூத்த நீதிபதிகளும் கலந்து பேசி பிரச்சினைக்கு தீர்வு காண வேண்டும்.

பா.ஜ.க. அரசுக்கு எதிராக ப.சிதம்பரம் தொடர்ந்து குரல் எழுப்பி வருவதால்  திட்டமிட்டே அவரது வீட்டில் அமலாக்கத்துறையினரை வைத்து சோதனை நடத்தப்படுகிறது. இது  அரசியல் உள்நோக்கம் கொண்டது. மிகவும்  கண்டிக்கத்தக்கது.முன்னாள் காங்கிரஸ் கட்சியின் தலைவர் ஈ.வி.கே.எஸ். இளங்கோவன் கருத்துக்கு நான் பதில் அளிக்க விரும்பவில்லை. பதவி கிடைக்கவில்லை என்ற அதிருப்தியிலும், சங்கடத்திலும் அவர் அப்படி பேசுகிறார். பாவம் அவரை   விட்டு விடுங்கள். அவருக்குகாக நான் அனுதாப படுகிறேன். எச்.ராஜா தர குறைவாக நாகரீக எல்லைகளை கடந்து  வைரமுத்துவை விமர்சனம் செய்திருப்பது மிகவும் கண்டனத்துகுறியது. மத்தியில் பா.ஜ.க ஆட்சி வந்ததில்  இருந்தே எச்.ராஜா உலகத்திற்கே ராஜா போல் செயல்பட்டுவருகிறார். இனிமேலாவது அவர் இப்படி மற்றவர்களை தரக்குறைவாக பேசுவதை தவிர்க்க வேண்டும்.ஐ.எஸ்.ஆர்.ஓ.விற்கு தலைவராக தமிழ்நாட்டில் உள்ள கன்னியாக்குமரி மாவட்டத்தை சேர்ந்த சிவன் என்பவர் தேர்ந்தெடுக்கப்பட்டுள்ளது வரவேற்கதக்கது. அவருக்கு தமிழக காங்கிரஸ் கட்சி சார்பில் வாழ்த்துகளை தெரிவித்து  கொள்கிறேன்.

மேலும் செய்திகள்

Like Us on Facebook Dinkaran Daily News
  • FoamFightScotland

    முதலாம் ஆண்டு மாணவர்களை வித்தியாசமான முறையில் வரவேற்ற ஸ்காட்லாந்து பல்கலைக்கழம்: புகைப்படங்கள்

  • SALTMarchRashtrapti

    ராஷ்டிரபதி பவன் அருங்காட்சியகத்தில் புதிதாக வைக்கப்பட்டுள்ள காந்தியடிகளின் உருவ சிலைகள்: மாணவர்கள் கண்டுகளிப்பு

  • NagoroJapanVillage

    ஜப்பானில் உள்ள தீவில் வெறிச்சோடிய கிராமத்தை பொம்மைகளால் உயிரூட்டிய பெண்: குவியும் சுற்றுலா பயணிகள்

  • FallFoilageWorld

    உலகின் பல்வேறு நாடுகளில் எடுக்கப்பட்ட இலையுதிர் காலத்தின் அழகிய புகைப்படங்கள்

  • WillaHurricaneMexico

    மெக்சிகோவை மிரட்டவிருக்கும் வில்லா புயல்: முன்னேற்பாடு பணிகள் தீவிரம்

படங்கள் வீடியோ கல்வி சினிமா ஜோ‌திட‌ம்