SUN குழுமத்திலிருந்து வெளிவரும் காலை நாளிதழ்

பீகார் முதல்வர் கார் மீது மர்ம நபர்கள் கல்வீச்சு: நிதிஷ்குமார் தப்பினார், பாதுகாவலர்கள் காயம்

2018-01-13@ 21:32:15

பாட்னா: பீகாரில் நலத்திட்டங்களை துவக்கி வைக்க சென்ற முதல்வர் நிதிஷ்குமாரின் பாதுகாப்பு வாகனம் மீது, சிலர் கல் வீசி தாக்குதல் நடத்தினர். இதில் நிதிஷ்குமாரின் பாதுகாவலர்கள் காயம் அடைந்தனர். பீகாரில், முதல்வர் நிதிஷ் குமார் தலைமையில், ஐக்கிய ஜனதா தளம், பா.ஜ. கூட்டணி ஆட்சி நடக்கிறது. மாநிலத்தின் பல பகுதிகளிலும், அரசின் நலத்திட்டங்கள் செயல்படுத்தப்படுவதை நேரடியாக பார்வையிடவும், மேலும் பல திட்டங்களை துவக்கி வைக்கவும், முதல்வர் நிதிஷ் குமார் தற்போது சுற்றுப்பயணம் மேற்கொண்டு உள்ளார். விகாஷ் சமீக் ஷா யாத்ரா’ என்ற பெயரில், சுற்றுப்பயணம் மேற்கொண்டுள்ள இவர் நேற்று புக்சாரில் நலத்திட்டங்களை துவக்கி வைப்பதற்காக காரில் சென்றார். அவரது காருக்கு முன்னும் பின்னும் பாதுகாப்பு அதிகாரிகள் மற்றும் உயர் அதிகாரிகளின் கார்கள் சென்றன.

அப்போது அவரின் பாதுகாப்பு வாகனம் மீது, மர்ம நபர்கள் கல் வீசி தாக்குதல் நடத்தினர். இதில், முதல்வரின் பாதுகாவலர்களுக்கு காயம் ஏற்பட்டது. எனினும், முதல்வர் நிதிஷ் குமார் எவ்வித பாதிப்பும் இன்றி தப்பினார். நலத்திட்டங்களை துவக்கி வைத்த பின் முதல்வர் நிதிஷ் குமார் பேசியதாவது: என் மீது பொதுமக்களுக்கு எந்த கோபமும் இல்லை. மாநில அரசு நிறைவேற்றும் நலத்திட்டங்களால், மக்கள் பலனடைந்து உள்ளனர். அரசின் புதிய முயற்சிகளுக்கு நல்ல வரவேற்பு கிடைத்துள்ளது. மக்கள் நலனில் அக்கறை செலுத்தும் இந்த அரசின் செயல்பாடுகளை முடக்க நினைக்கும் சக்திகள், எனக்கு எதிராக, சிலரை தூண்டி வேடிக்கை பார்க்கின்றன. எதற்கும் கவலைப்படாமல், தொடர்ந்து மக்கள் பணியாற்றுவேன். இவ்வாறு அவர் கூறினார்.

மேலும் செய்திகள்

Like Us on Facebook Dinkaran Daily News
  • 23-10-2018

    23-10-2018 இன்றைய சிறப்பு படங்கள்

  • longestseabridge

    உலகில் எங்கும் இல்லாத தனிச்சிறப்புடன் கட்டி முடிக்கப்பட்ட உலகின் நீளமான கடல் பாலம்

  • delhi_strikepetrol18

    டெல்லியில் பெட்ரோல் பங்குகள் ஸ்டிரைக்: கால் டாக்சி, ஆட்டோ சேவைகள் முடக்கம் !

  • solarcar_race

    சூரிய மின்சக்திகளால் இயங்கும் கார்களுக்கான பந்தயம் சிலி நாட்டில் கொண்டாட்டம்!

  • hondurans_americatrump

    ஹோண்டராஸில் இருந்து அமெரிக்கா நோக்கி நடைபயணம் மேற்கொள்ளும் அகதிகள் !

படங்கள் வீடியோ கல்வி சினிமா ஜோ‌திட‌ம்