SUN குழுமத்திலிருந்து வெளிவரும் காலை நாளிதழ்

பென்னாகரம் பகுதியில் அரிவாள், கத்தி தயாரிப்பில் வட மாநிலத்தினர் மும்முரம்

2018-01-13@ 12:33:33

பென்னாகரம்: ராஜஸ்தான் மாநிலத்தை சேர்ந்தவர்கள், பென்னாகரம் பகுதியில் முகாமிட்டு அரிவாள், கத்தி, கோடாரி போன்றவற்றை தயாரித்து விற்பனை செய்கின்றனர். ராஜஸ்தான் மாநிலத்தில் லம்பாடி சமூகத்தை சேர்ந்தவர்கள் அதிகம் உள்ளனர். இவர்கள் நாடோடிகளாக பல்வேறு மாநிலங்களுக்கு சென்று தங்களுக்கு தெரிந்த கைத்தொழிலை செய்து பிழைப்பு நடத்துகின்றனர். இந்நிலையில், பென்னாகரம்  ஒகேனக்கல் சாலையில் ராஜஸ்தான் மாநிலத்தை சேர்ந்த சிலர், குடும்பத்தினருடன் கூடாரம் அமைத்து தங்கியிருக்கின்றனர். அவர்கள் அரிவாள், கோடாரி, கத்தி போன்ற ஆயுதங்களை தயார் செய்து விற்பனை செய்கின்றனர். பெண்கள், சிறுவர்கள் இந்த பணியில் ஈடுபட்டுள்ளனர்.

அவர்களை அப்பகுதி மக்கள் அதிர்ச்சியுடனும், ஆச்சரியத்துடனும் பார்க்கின்றனர். அதிகாலை முதலே அரிவாள், கத்தி தயாரிப்பில் ஈடுபடும் அந்த மக்களிடம் விவசாயிகளும் பொருட்களை வாங்கி செல்கின்றனர். இது குறித்து லம்பாடி சமூகத்தினர் கூறியதாவது: எங்கள் பிழைப்பே ஊர், ஊராக சென்று அரிவாள், கோடாரி, கத்தி போன்றவற்றை அங்கேயே தயாரித்து, உடனுக்குடன் விற்பனை செய்வது தான். உழைத்து பிழைப்பதை தான் நாங்கள் உண்மையாக கொண்டுள்ளோம். மற்றபடி சினிமாவில் வருவது போன்றவை பற்றியெல்லாம் எங்களுக்கு தெரியாது. அன்றாடம் கிடைக்கும் சொற்ப வருமானத்தை கொண்டு குழந்தைகளுடன் வெயில், பனி பார்க்காமல் உழைத்து வருகிறோம். மற்ற மாநிலங்களை காட்டிலும் தமிழகத்தில் உள்ள மக்கள், எங்கள் போன்றவர்களிடம் பொருட்களை தயக்கமின்றி வாங்குகின்றனர். இவ்வாறு அவர்கள் கூறினர்.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • bus_fire_kazakhstan

    கஜகஸ்தானில் பேருந்து தீப்பிடித்து எரிந்ததில் 52 பேர் கருகி உயிரிழப்பு

  • london_light_festival

    குளிர்கால விளக்குத் திருவிழா: விளக்கின் வெளிச்சத்தில் மின்னும் லண்டன் நகரம்!

  • kalaivanar_arangil11

    கலைவாணர் அரங்கில் நடைபெற்ற இந்திய ராணுவ தளவாட உற்பத்திக்கான புதிய பங்களிப்பு தொடர்பான கண்காட்சி

  • popecile

    போப் ஆண்டவர் தென் அமெரிக்கா நாடுகளில் சுற்றுப்பயணம்

  • prakash_IIT_chennai

    இந்தியாவில் முதல் முறையாக பல்கலைக்கழகத்தால் இயக்கப்படும் ஆராய்ச்சி பூங்கா: சென்னை ஐஐடியில் பிரகாஷ் ஜவடேகர் திறந்து வைப்பு

படங்கள் வீடியோ கல்வி சினிமா ஜோ‌திட‌ம்