SUN குழுமத்திலிருந்து வெளிவரும் காலை நாளிதழ்

பரம்பிகுளம் ஆழியார் நதிநீர் ஒப்பந்தப்படி தமிழகம் தண்ணீரை வழங்கவில்லை : எடப்பாடி பழனிசாமிக்கு கேரள முதல்வர் கடிதம்

2018-01-13@ 01:10:47

திருவனந்தபுரம்: பரம்பிகுளம்  ஆழியாரில் நதிநீர் ஒப்பந்தப்படி கேரளாவுக்கு தண்ணீர் வழங்கப்படாததை  கண்டித்து கேரள முதல்வர் பினராய் விஜயன் தமிழக முதல்வருக்கு கடிதம்  அனுப்பியுள்ளார். தமிழகம் - கேரளா இடையே பரம்பிகுளம் ஆழியாறு  நதிநீர் ஒப்பந்தம் ஏற்படுத்தப்பட்டுள்ளது. இதன்படி இரு மாநிலங்களும் நீரை  பங்கிட்டு வருகின்றன. இந்த ஒப்பந்தம் பல ஆண்டுகளாக  புதுப்பிக்கப்படவில்லை. இதுதொடர்பாக இரு மாநில அதிகாரிகள் மட்டத்தில் பல  முறை பேச்சுவார்த்ைத நடத்தியும் எந்த பலனும் ஏற்படவில்லை.

இந்நிலையில்  கேரள முதல்வர் பினராய் விஜயன் தமிழக முதல்வர் எடப்பாடி பழனிச்சாமிக்கு ஒரு  கடிதம் அனுப்பியுள்ளார். அதில், தமிழகம் - கேரளா இடையிலான  பரம்பிகுளம் ஆழியாறு நதிநீர் ஓப்பந்தத்தை தமிழக அரசு தொடர்ந்து மீறி  வருகிறது. இதுதொடர்பாக பலமுறை அதிகாரிகள் மட்டத்தில் நடந்த  பேச்சுவார்த்தையின்போது தமிழக அரசின் கவனத்துக்கு கேரளா கொண்டு சென்றது.  ஆனால் இதுவரை எந்த நடவடிக்கையும் எடுக்கப்படவில்லை.

கேரளாவுக்கு  உரிய தண்ணீரை கொடுக்காதது மட்டுமல்லாமல் தாராபுரம் தாலுகாவில் உள்ள உப்பாறு  அணைக்கு பரம்பிகுளம் ஆழியாறில் இருந்து இணைப்பு கால்வாய் வழியாக தமிழகம்  தண்ணீரை கடத்தி செல்கிறது. இது வன்மையாக கண்டிக்கத்தக்கது. எனவே  இதுதாெடர்பாக தமிழக அரசு உரிய நடவடிக்கை எடுக்க வேண்டும். இவ்வாறு  கடிதத்தில் குறிப்பிடப்பட்டுள்ளது.

மேலும் செய்திகள்

Like Us on Facebook Dinkaran Daily News
  • NagoroJapanVillage

    ஜப்பானில் உள்ள தீவில் வெறிச்சோடிய கிராமத்தை பொம்மைகளால் உயிரூட்டிய பெண்: குவியும் சுற்றுலா பயணிகள்

  • FallFoilageWorld

    உலகின் பல்வேறு நாடுகளில் எடுக்கப்பட்ட இலையுதிர் காலத்தின் அழகிய புகைப்படங்கள்

  • WillaHurricaneMexico

    மெக்சிகோவை மிரட்டவிருக்கும் வில்லா புயல்: முன்னேற்பாடு பணிகள் தீவிரம்

  • italyrain

    இத்தாலியில் பெய்த ஆலங்கட்டி மழை : பனிக்கட்டிகள் இறுகி பாறை போல் காட்சியளித்த சாலைகள்

  • 23-10-2018

    23-10-2018 இன்றைய சிறப்பு படங்கள்

படங்கள் வீடியோ கல்வி சினிமா ஜோ‌திட‌ம்