SUN குழுமத்திலிருந்து வெளிவரும் காலை நாளிதழ்

சுவாமி சிலைகள் மாயமான வழக்கு: அறநிலையத்துறை இணை ஆணையருக்கு நிபந்தனை ஜாமீன்

2018-01-13@ 00:55:17

மதுரை: சுவாமி சிலைகள் மாயமான வழக்கில் அறநிலையத்துறை இணை ஆணையருக்கு, ஐகோர்ட் நிபந்தனை ஜாமீன் வழங்கி உள்ளது. தஞ்சாவூர் மாவட்டம், பந்தநல்லூரிலுள்ள பசுபதீஸ்வரர் கோயிலில் 273 சுவாமி சிலைகள் இருந்துள்ளன. சிலைகளின் விபரத்தை கம்ப்யூட்டரில் பதிவு செய்வதற்கான பணிகளில் அதிகாரிகள் ஈடுபட்டுள்ளனர். அப்போது 6 சிலைகள் மாயமாகி இருப்பதும், பழமையான பஞ்சலோக மாணிக்கவாசகர் சிலைக்கு பதிலாக போலி உலோக சிலை இருந்ததும் தெரியவந்தது.

 இதுகுறித்து வழக்குப்பதிவு ெசய்த சிலை கடத்தல் தடுப்பு பிரிவு ேபாலீசார், இந்து அறநிலையத்துறை மண்டல இணை ஆணையர் கஜேந்திரன் உள்ளிட்ட சிலரை கைது செய்தனர். இந்த வழக்கில் தனக்கு ஜாமீன் கேட்டு இணை ஆணையர் கஜேந்திரன், ஐகோர்ட் மதுரை கிளையில் மனு செய்தார். இந்த மனுவை நேற்று விசாரித்த நீதிபதி ஆர்.பொங்கியப்பன், கஜேந்திரனுக்கு நிபந்தனை ஜாமீன் வழங்கி உத்தரவிட்டார். நீதிமன்றத்தின் மறு உத்தரவு வரும்வரை சென்னையில் தங்கி, சிலை கடத்தல் தடுப்பு பிரிவில் தினசரி இருவேளை ஆஜராகி கையெழுத்திட வேண்டும்.

ரூ.1 லட்சத்திற்கு இரு நபர் ஜாமீன் உத்தரவாதம் தாக்கல் செய்ய வேண்டுமெனவும் உத்தரவில் குறிப்பிட்டுள்ளார். இதே வழக்கில் கைது செய்யப்பட்டுள்ள செயல் அலுவலர் காமராஜின் ஜாமீன் மனுவை தள்ளுபடி செய்து நீதிபதி உத்தரவிட்டார்.

வரன் தேட தமிழ் மேட்ரிமோனி, இன்றே பதிவு செய்யுங்கள் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • aerospaceexpoberling

    பெர்லிங்கில் சர்வதேச ஏரோஸ்பேஸ் கண்காட்சி : பல்வேறு நாடுகளின் புதுமையான கண்டுபிடிப்புகள் காட்சிப்படுத்தப்பட்டன

  • accidentkushinagar

    உத்தரப்பிரதேச மாநிலம் குஷிநகரில் பள்ளிப்பேருந்து மீது ரயில் மோதிய விபத்தில் 11 மாணவர்கள் உயிரிழப்பு

  • karanisvararfestival

    மயிலாப்பூர் காரணீஸ்வரர் கோவில் சித்திரை பெருவிழாவை முன்னிட்டு தேர் திருவிழா

  • cmathleticstale

    மாநில அளவிலான முதலமைச்சர் கோப்பை தடகள போட்டி : அமைச்சர் பாலகிருஷ்ணா தொடங்கி வைத்தார்

  • tiruchurpooram

    கேரளாவில் பிரசித்திப் பெற்ற திருச்சூர் பூரம் திருவிழா : கோலாகலமாக நடந்தது

படங்கள் வீடியோ கல்வி சினிமா ஜோ‌திட‌ம்