SUN குழுமத்திலிருந்து வெளிவரும் காலை நாளிதழ்

அன்னவாசல் அருகே 13ம் நூற்றாண்டு கல்வெட்டு கண்டெடுப்பு

2017-12-12@ 10:34:43

புதுக்கோட்டை:  அன்னவாசல் அருகே 13ம் நூற்றாண்டு கல்வெட்டு கண்டெடுக்கப்பட்டுள்ளது. புதுக்கோட்டை மாவட்டம் அன்னவாசல் அருகே சிறுசுனை கிராமத்தில் உள்ள சிதிலமடைந்த கோயில்களில் கள ஆய்வு செய்ய வேண்டும் என எல்லைப்பட்டி அரசு உயர்நிலைப்பள்ளி தொன்மை பாதுகாப்பு மன்ற ஒருங்கிணைப்பாளர் கஸ்தூரிரங்கன் மற்றும் பள்ளி மன்ற மாணவர்கள் அயன்ராஜ், ஐஸ்வர்யா, நிகல்யா ஆகியோர் தகவல் அளித்தனர்.இதைத்தொடர்ந்து புதுக்கோட்டை தொல்லியல் ஆய்வு கழக நிறுவனர் மணிகண்டன் தனது குழுவினருடன் சிறுசுனை கிராமத்தில் உள்ள சிதிலமடைந்த கோயில்களில் கள ஆய்வு மேற்கொண்டார்.

அப்போது 13ம் நூற்றாண்டில் சோழர்கள் ஆட்சியில் உள்ளூர் நிர்வாகத்திடம் வரி வசூலிக்கும் உரிமை இருந்ததை வெளிப்படுத்தும் கல்வெட்டு கண்டெடுக்கப்பட்டது.
இது குறித்து புதுக்கோட்டை தொல்லியல் ஆய்வு கழக நிறுவனர் மணிகண்டன் கூறியதாவது: உள்ளூர் நிர்வாகத்திடம் இருந்த புரவரி உரிமை அரசிறை எனப்படும் காணிக்கடன் நீக்கப்பட்ட ஊர்களில் அவ்வூரின் நன்செய், புன்செய் முதலிய நிலங்களின் விளைச்சல் வருவாய்க்கு ஏற்றவாறு உள்ளூர் நிர்வாக தணிக்கையின் அடிப்படையில், வசூலிக்கப்படும் வரியே, புரவரியாக பெறப்பட்டு உள்ளது.

இதனை வசூலிக்கும் அதிகாரமும் தணிக்கை செய்யும் அதிகாரமும் பெற்ற அதிகாரி சீகரணத்தார் என அழைக்கப்பட்டு உள்ளனர். சோழர் ஆட்சியில் இவர்களுக்கு வழங்கப்பட்ட அதிகாரத்தை பிரகடனப்படுத்தி, ஊர் குடிமக்களின் நிர்வாக தலைமை இடமாக விளங்கிய கோயிலில் இந்த ஆசிரியம் கல்வெட்டு நடப்பட்டு உள்ளது.  இந்த கல்வெட்டின் மூலம் மூலம் சோழர்கால மன்னராட்சி நிர்வாகத்திலேயே வரி வசூலிக்கும் உரிமையை உள்ளூர் நிர்வாகத்திடம் வழங்கி, அந்தந்த கிராமங்களின் உள்ளூர் தேவைகளை பூர்த்தி செய்து கொள்ளும் ஜனநாயக நடைமுறை இருந்திருப்பது தெரிய வந்துள்ளது  என்றார்.


மேலும் செய்திகள்

Like Us on Facebook Dinkaran Daily News
  • 15-12-2018

    15-12-2018 இன்றைய சிறப்பு படங்கள்

  • AmazonIllegalMining

    அமேசான் மழைக்காடுகளில் தங்கம் எடுக்க சட்டவிரோதமாக தோண்டப்படும் சுரங்கங்கள்..: போலீசார் தீவிர சோதனை

  • chinasnowfall

    கடும் பனிப்பொழிவால் வெண் போர்வை போர்த்தியது போல காணப்படும் சீனாவின் கண்கவர் புகைப்படங்கள்

  • hungary_policepadhuga11

    புதிய தொழிலாளர் சட்டத்தை அமல்படுத்தியதை கண்டித்து ஆயிரக்கணக்கான ஹங்கேரியர்கள் போராட்டம்

  • ThaiSanctuaryPiano

    யானைகள் உடல் ரீதியாகவும், மனரீதியாகவும் புத்துணர்வு பெற பியானோ வாசிக்கும் கலைஞர்: தாய்லாந்தில் வியப்பு!

படங்கள் வீடியோ கல்வி சினிமா ஜோ‌திட‌ம்