SUN குழுமத்திலிருந்து வெளிவரும் காலை நாளிதழ்

பந்துவீச்சில் ஸ்டார்க், ஹேசல்வுட் அசத்தல் 120 ரன் வித்தியாசத்தில் ஆஸி. அபார வெற்றி

2017-12-07@ 01:19:07

அடிலெய்டு : இங்கிலாந்து அணியுடனான 2வது டெஸ்டில், 120 ரன் வித்தியாசத்தில் அபாரமாக வென்ற ஆஸ்திரேலியா 2-0 என முன்னிலை பெற்றது.
அடிலெய்டு ஓவல் மைதானத்தில் நடந்த இப்போட்டியில், டாசில் வென்ற இங்கிலாந்து முதலில் பந்துவீசிய நிலையில். ஆஸ்திரேலியா 8 விக்கெட் இழப்புக்கு 442 ரன் குவித்து முதல் இன்னிங்சை டிக்ளேர் செய்தது. இங்கிலாந்து முதல் இன்னிங்சில் 227 ரன்னுக்கு சுருண்டது. இதையடுத்து, 215 ரன் முன்னிலையுடன் 2வது இன்னிங்சை தொடங்கிய ஆஸ்திரேலியா எதிர்பாராத வகையில் 138 ரன்னுக்கு ஆல் அவுட்டானது. இதையடுத்து 354 ரன் எடுத்தால் வெற்றி என்ற இலக்குடன் 2வது இன்னிங்சை தொடங்கிய இங்கிலாந்து, 4ம் நாள் ஆட்ட முடிவில் 4 விக்கெட் இழப்புக்கு 176 ரன் எடுத்திருந்தது.

கேப்டன் ஜோ ரூட் 67 ரன், வோக்ஸ் 5 ரன்னுடன் நேற்று பரபரப்பான கடைசி நாள் ஆட்டத்தை தொடங்கினர். இருவருமே மேற்கொண்டு ரன் ஏதும் எடுக்காமல் ஹேசல்வுட் வேகத்தில் பெவிலியன் திரும்பினர். மொயீன் அலி 2 ரன் எடுத்து நாதன் லயன் சுழலில் பலியானார். ஓரளவு தாக்குப்பிடித்த பேர்ஸ்டோ 36 ரன், ஓவர்ட்டன் 7, ஸ்டூவர்ட் பிராடு 8 ரன் எடுத்து மிட்செல் ஸ்டார்க் வேகத்தில் ஆட்டமிழந்தனர். ஆஸ்திரேலியா 2வது இன்னிங்சில் 233 ரன்னுக்கு ஆல் அவுட்டானது (84.2 ஓவர்), நேற்று அந்த அணி 57 ரன்னுக்கு 6 விக்கெட் இழந்தது குறிப்பிடத்தக்கது. ஆஸி. பந்துவீச்சில் ஸ்டார்க் 5, ஹேசல்வுட், லயன் தலா 2, கம்மின்ஸ் 1 விக்கெட் வீழ்த்தினர். ஷான் மார்ஷ் ஆட்ட நாயகன் விருது பெற்றார். 120 ரன் வித்தியாசத்தில் வென்ற ஆஸ்திரேலியா 2-0 என முன்னிலை வகிக்க, 3வது டெஸ்ட் பெர்த் வாகா மைதானத்தில் வரும் 14ம் தேதி தொடங்குகிறது.

திருமணம் ஆகாதவரா? இன்றே பதிவு செய்யுங்கள் தமிழ் மேட்ரிமோனியில் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 16-12-2017

    16-12-2017 இன்றைய சிறப்பு படங்கள்

  • PanwarilalPurohitcuddalur

    கடலூரில் ஆய்வு பணி மேற்கொண்ட தமிழக கவர்னர் பன்வாரிலால் புரோகித்: திமுக கருப்புக்கொடி போராட்டம்

  • Parliamentwintersession

    வெங்கய்யா நாயுடு தலைமையில் நாடாளுமன்ற குளிர்கால கூட்டத் தொடர் இன்று தொடங்கியது

  • ManilaworstShrine

    மணிலாவின் மோசமான சேரியில் வாழும் குழந்தைகளின் முகம் சுளிக்க வைக்கும் புகைப்படங்கள்

  • transportworkersstrike

    போக்குவரத்து தொழிலாளர்கள் 2வது நாளாக காத்திருப்பு போராட்டம்: பயணிகள் அவதி

படங்கள் வீடியோ கல்வி சினிமா ஜோ‌திட‌ம்