SUN குழுமத்திலிருந்து வெளிவரும் காலை நாளிதழ்

முத்தலாக்குக்கு எதிரான வரைவு மசோதாவுக்கு உத்தரபிரதேசம் ஒப்புதல்: நாடாளுமன்றத்தில் விரைவில் தாக்கல்

2017-12-07@ 01:01:46

லக்னோ: முத்தலாக் முறைக்கு எதிராக உச்ச நீதிமன்றத்தில் முஸ்லிம் பெண்கள் வழக்கு தொடுத்தனர். இந்த வழக்கில் கடந்த ஆகஸ்ட் 22ம் தேதி தீரப்பளித்த உச்ச நீதிமன்றம், ‘‘சட்டத்தின் முன் அனைவரும் சமம் என்ற அரசியல்சாசன சட்டத்தின் 14வது பிரிவுக்கு எதிராக முத்தலாக் உள்ளது’’ என கருத்து தெரிவித்தது. இந்த தீர்ப்புக்கு முன் 177 முத்தலாக் வழக்குகளும், பின்னர் 66 முத்தலாக் வழக்குகளும் பதிவாகின. இதையடுத்து, முத்தலாக்குக்கு எதிரான சட்டத்தை கொண்டு வர மத்திய அரசு முடிவு செய்தது. இதற்கான வரைவு மசோதாவை மத்திய உள்துறை அமைச்சர் ராஜ்நாத் சிங் தலைமையில் அமைச்சர்கள் குழு தயாரித்தது. இந்த வரைவு மசோதாவின்படி வாய் மொழியாகவோ, எழுத்து மூலமாகவோ, அல்லது எலக்ட்ரானிக் முறையில் இ-மெயில், எஸ்எம்எஸ், வாட்ஸ் அப் ஆகியவற்றின் மூலமாக முத்தலாக் கூறினால் அது சட்ட விரோதம்.

இது செல்லுபடியாகாது. இது ஜாமீனில் வெளிவர முடியாத குற்றம். இதற்கு 3 ஆண்டுகள் சிறை தண்டனையும், அபராதமும் விதிக்கப்படும். வீட்டை விட்டு வெளியேறும்படி கணவன் கூறினாலும், பாதிக்கப்பட்ட பெண் நீதிமன்றத்தை அணுகி சட்ட பாதுகாப்பு பெற முடியும். தனக்கும் தனது மைனர் குழந்தைகளுக்கும் பிரிந்து சென்ற கணவரிடம் இருந்து பராமரிப்புத் தொகை பெற முடியும். இந்த வரைவு மசோதாவுக்கு மத்திய அமைச்சரவை ஒப்புதல் அளித்து, அனைத்து மாநிலங்களுக்கும் அனுப்பி வரும் 10ம் தேதிக்குள் கருத்து தெரிவிக்கும்படி கடந்த 1ம் தேதி கூறியிருந்தது. இந்த வரைவு மசோதாவுக்கு உத்தரப் பிரதேச முதல்வர் யோகி ஆதித்யநாத் தலைமையிலான மாநில அமைச்சரவை நேற்று ஒப்புதல் அளித்தது. இந்த வரைவு மசோதாவுக்கு ஒப்புதல் தெரிவித்த முதல் மாநிலம் உத்தரப் பிரதேசம். முத்தலாக் வழக்குகளில் உத்தரப் பிரதேசம்தான் முதல் இடத்தில் உள்ளது குறிப்பிடத்தக்கது. அடுத்தா வாரம் தொடங்கும் நாடாளுமன்ற குளிர்கால கூட்டத் தொடரில் இந்த வரைவு மசோதா தாக்கல் செய்யப்படவுள்ளது.


மேலும் செய்திகள்

Like Us on Facebook Dinkaran Daily News
  • 19-11-2018

    19-11-2018 இன்றைய சிறப்பு படங்கள்

  • 18-11-2018

    18-11-2018 இன்றைய சிறப்பு படங்கள்

  • 17-11-2018

    17-11-2018 இன்றைய சிறப்பு படங்கள்

  • 3rdthiruvanamalai

    திருவண்ணாமலை தீபத்திருவிழாவின் 3ம் நாள் உற்சவம்: பூத வாகனத்தில் சந்திரசேகரர் பவனி

  • pudukottaikaja

    கஜா புயல் எதிரொலி : புதுக்கோட்டையில் பலத்த காற்று மற்றும் கனமழையால் பாதிக்கப்பட்ட பகுதிகளின் புகைப்படங்கள்

படங்கள் வீடியோ கல்வி சினிமா ஜோ‌திட‌ம்