SUN குழுமத்திலிருந்து வெளிவரும் காலை நாளிதழ்

நாங்கள் தாழ்த்தப்பட்டோர் கிடையாது இதர பிற்படுத்தப்பட்டோர் பட்டியலில் 7 சமூகங்களை சேர்க்கக் கோரி பேரணி

2017-12-07@ 00:09:36

புதுடெல்லி: தேவேந்திர குல வேளாளர் உட்பட ஏழு சமூகங்களை தாழ்த்தப்பட்டோர் பட்டியலில் இருந்து நீக்கி இதற பிற்படுத்தப்பட்டோர் பட்டியலில் சேர்க்கக்கோரி புதிய தமிழகம் கட்சியின் தலைவர் டாக்டர் கிருஷ்ணசாமி தலைமையில் டெல்லியில் நேற்று பேரணி நடைபெற்றது. சுமார் 5 கிமீ நடந்த இந்த பேரணியில் 500க்கும் மேற்பட்டோர் தமிழகத்தில் இருந்து வந்து கலந்து கொண்டனர். இது குறித்து கிருஷ்ணசாமி கூறுகையில்,”கடந்த 1924ம்ஆண்டு பிரிட்டிஷ் ஆட்சியாளர்களின் செய்த தவறுதலால் தான் தேவேந்திர குல வேளாளர்கள் என்ற சமூகத்தை தாழ்த்தப்பட்டோர் பட்டியலில் சேர்க்கப்பட்டது.

இதில் குறிப்பாக தமிழகத்தை பொறுத்தவரையில் ஒரு சில சமுதாயத்தில் எத்தனை உள்ளடங்கிய சாதிகள் உள்ளதோ அத்தனையும் ஒன்றினைத்து ஒரே இடஒதுக்கீட்டில் சேர்த்துள்ளனர். ஆனால் பல்லன், குடும்பன், பன்னாடி, கடையன், கலாதி, வதிரியன் மற்றும் தேவேந்திரகுல வேளாளர் ஆகிய ஏழு சாதிகளை பட்டியலில் தாழ்த்தப்பட்ட சமுதாயமாக இணைத்துள்ளனர். இதனால் எங்களுக்கு சமுதாயத்தில் பல்வேறு வன்முறை பிரச்னைகள் நடந்தேறி வருகிறது, இதைத்தவிர மேலும் வேலைவாய்ப்பு, கல்வி ஆகியவற்றில் கிடைக்க வேண்டிய முறையான சலுகைகளும் கிடைக்கப் பெறுவதில்லை.

மேலும் எங்களை தாழ்த்தப்பட்ட சமுதாயத்தில் இணைத்துள்ளதால் சுயமரியாதை கூட பாதிக்கப்பட்டுள்ளது. அதனால் இதுபோன்ற பிரச்னைகளில் இருந்து மீள எங்களை மேற்கண்ட ஏழு பிரிவினர்களையும் தாழ்த்தப்பட்டோர் பட்டியலில் இருந்து நீக்கி இதற பிற்படுத்தப்பட்டோர் பட்டியலில் இணைத்திட மத்திய அரசு விரைவில் துரித நடவடிக்கைகளை மேற்கொள்ள வேண்டும். மேலும் எங்களது இந்த கோரிக்கைகள் குறித்து பிரதமர் நரேந்திர மோடியை நேரில் சந்தித்து விரைவில் மனுவாக கொடுத்து வலியுறுத்தவும் திட்டமிட்டுள்ளோம் என அவர் கூறினார். மேலும் இந்த பேரணிக்கு பாஜ கட்சியின் தேசிய செயலாளர் ஹெச்.ராஜா நேரில் ஆதரவு தெரிவித்தார்.


மேலும் செய்திகள்

Like Us on Facebook Dinkaran Daily News
  • KimHorseRide1610

    பயேக்டு பனிமலைகளுக்கு இடையே வெள்ளைக் குதிரையில் பவனி வந்த வடகொரிய அதிபர் கிம் ஜாங் உன்: புகைப்படத்தொகுப்பு

  • NASASpaceSuit

    நிலவு பயணத்தில் பங்கேற்கும் விண்வெளி வீரர்களுக்கான 2 நவீன விண்வெளி உடைகள்: நாசா அறிமுகம்- புகைப்படங்கள்

  • AirQualityDelhi1610

    அண்டை மாநிலங்களில் எரிக்கப்படும் வேளாண் கழிவுகளால் டெல்லியில் நாளுக்கு நாள் அதிகரிக்கும் காற்று மாசு: புகைப்படங்கள்

  • CatalanSpainProtest

    கட்டலான் தலைவர்களின் சிறைத்தண்டனைக்கு எதிர்ப்பு..: ஸ்பெயினின் பல்வேறு இடங்களில் வெடித்தது போராட்டம்!

  • LebanonWildFire1610

    கடுமையான வெப்பம் மற்றும் அனல் காற்றினால் லெபனானில் வரலாறு காணாத காட்டுத்தீ..: சர்வதேச நாடுகள் உதவ கோரிக்கை!

படங்கள் வீடியோ கல்வி சினிமா ஜோ‌திட‌ம்