SUN குழுமத்திலிருந்து வெளிவரும் காலை நாளிதழ்

கந்துவட்டி கொடுமை: தேனியில் ஒரே குடும்பத்தை சேர்ந்த 4 பேர் தற்கொலைக்கு முயற்சி

2017-11-22@ 14:51:43

தேனி: தேனியில் ஒரே குடும்பத்தை சேர்ந்த 4 பேர் தற்கொலைக்கு முயற்சி செய்து உயிருக்கு ஆபத்தான நிலையில் மருத்துவமனையில் அனுமதிக்கப்பட்டுள்ளனர். கந்துவட்டி கொடுமையால் அவர்கள் தற்கொலைக்கு முயன்றதாக புகார் கூறப்பட்டுள்ளது. தேனி மாவட்டம் மாரியம்மன் கோவில்பட்டியை சேர்ந்த சரவணன், உத்தமபாளையத்தில் உள்ள தனியார் மருத்துவமனையில் உதவியாளராக பணியாற்றி வருகிறார். இவர், குடும்ப தேவைகளுக்காக சுருளி என்பவரிடம் 2 ஆண்டுகளுக்கு முன்பு ரூ.2 லட்சம் கடன் வாங்கியுள்ளார்.

கடனுக்கான வட்டியாக தற்போதுவரை ரூ.3.5 லட்சம் வரை செலுத்தியுள்ளதாக கூறப்படுகிறது. இதனிடையே சுருளி, கடன்தொகையை கேட்டு தொடர்ந்து தொல்லை கொடுத்து வந்ததாகவும் தெரிகிறது. இதுகுறித்து காவல்நிலையத்தில் புகார் அளித்தும் எவ்வித நடவடிக்கையும் எடுக்காததால் சரவணன் மிகுந்த மன வேதனையடைந்துள்ளார். இந்த சூழலில் சரவணன் தனது மனைவி சுதா, 14 வயது மகள் வைஷாலி, 12 வயது மகள் வைஷ்னவி ஆகியோருடன் பூச்சி மருந்து குடித்து தற்கொலைக்கு முயற்சி செய்துள்ளார்.

காலையில் வெகு நேரமாகியும் அவரது வீ்ட்டின் கதவுகள் திறக்கப்படாததால் அக்கம்பக்கத்தினர் சந்தேகமடைந்து ஜன்னல் வழியாக பார்த்தபோது அனைவரும் மயக்க நிலையில் கிடந்துள்ளனர். இதையடுத்து 4 பேரும் உயிருக்கு ஆபத்தான நிலையில் மருத்துவமனையில் அனுமதிக்கப்பட்டுள்ளனர். இந்த நிலையில் கடன் கொடுத்த சுருளி மற்றும் அவரது நண்பர் காளியப்பனை போலீசார் கைது செய்து விசாரணை நடத்தி வருகின்றனர்.

மேலும் செய்திகள்

Like Us on Facebook Dinkaran Daily News
  • 22-08-2018

    22-08-2018 இன்றைய சிறப்பு படங்கள்

  • birdfestivalcanada

    கனடாவில் வான்கூவர் நகரில் நடைபெற்ற பறவை திருவிழாவில் பறவைகள் போல உடையணிந்து தன்னார்வலர்கள் பங்கேற்பு

  • militaryparangimalai

    ராணுவ வாகனங்கள், ஆயுதங்கள், யானை தந்தங்களுடன் கம்பீரமாக காட்சியளிக்கும் பரங்கிமலை ராணுவ பயிற்சி மையம்

  • guwahatidiadhani

    குவஹாத்தியில் தியோதானி திருவிழா கொண்டாட்டம் : விலங்குகளை பலி கொடுத்து பக்தர்கள் வழிபாடு

  • koreanwarmeet

    கொரிய போரின் போது குடும்பங்களை பிரிந்து சென்ற மக்கள் 65 ஆண்டுகளுக்கு பிறகு கண்ணீர்மல்க சந்திப்பு

படங்கள் வீடியோ கல்வி சினிமா ஜோ‌திட‌ம்