SUN குழுமத்திலிருந்து வெளிவரும் காலை நாளிதழ்

முதல்வர் செல்லும் பாதையில் செல்போன் டவர் மீது ஏறி போராட்டம் நடத்திய அதிமுக தொண்டர்!

2017-11-22@ 14:25:42

தூத்துக்குடி: தூத்துக்குடியில், முதலமைச்சர் செல்லும் பாதையில் அதிமுக கிளை கழக செயலாளர் ஒருவர் செல்போன் டவர் மீது ஏறி போராட்டத்தில் ஈடுபட்டாதால் பரபரப்பு ஏற்பட்டது. தூத்துக்குடியில் எம்ஜிஆர் நூற்றாண்டு விழா இன்று நடைபெறவுள்ளது. இதில் முதல்வர் பழனிசாமி, துணை முதல்வர் பன்னீர்செல்வம் மற்றும் அமைச்சர்கள், சட்டப்பேரவை உறுப்பினர்கள், எம்.பி.க்கள் மற்றும் கட்சியின் முக்கிய நிர்வாகிகள் கலந்துகொள்ளவுள்ளனர். இந்நிலையில், தூத்துக்குடி வடக்கு காரசேரி கிளைக் கழகச்செயலாளர் தங்கபாண்டி என்பவர், விமான நிலையத்தில் இருந்து விழா நடக்கும் இடத்திற்கு முதல்வர் செல்லும் பாதையில் உள்ள செல்போன் டவர் மீது ஏறி போராட்டம் நடத்தினார்.

தூத்துக்குடியில் செயல்பட்டு வரும் ஸ்டெர்லைட் ஆலையை மூட வலியுறுத்தியும், அதிகரிக்கும் காற்று மாசுபாட்டை தடுக்க வலியுறுத்தியும் அவர் இந்த போராட்டத்தில் ஈடுபட்டார். இதையடுத்து, போலீஸார் அவருடன் பேச்சுவார்த்தை நடத்தினர். அப்போது, ஏற்கனவே பலமுறை ஆட்சியரிடம் மனு கொடுத்தும் நடவடிக்கை எடுக்கவில்லை என்றும், இதனால் அதிமுகவிற்கு மக்களிடையே அவப்பெயர் எழுந்துள்ளது என்றும் தங்கபாண்டி தெரிவித்துள்ளார். முதல்வர் செல்லும் பாதையில் அதிமுக கிளைச்செயலாளர் ஒருவரே செல்போன் டவர் மீது ஏறி போராட்டம் நடத்தியதால் அப்பகுதியில் பெரும் பரபரப்பு ஏற்பட்டது.

வரன் தேட தமிழ் மேட்ரிமோனி, இன்றே பதிவு செய்யுங்கள் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • trans_porattam

    ஸ்டெர்லைட் ஆலைக்கு எதிரான படுகொலையை கண்டித்து பிணம் போல் படுத்து திருநங்கைகள் நூதன போராட்டம்

  • neru_park_chinnamalai11

    நேரு பூங்கா - சென்ட்ரல் மற்றும் சின்னமலை - டிஎம்எஸ் இடையிலான மெட்ரோ ரயில் சேவை தொடக்க விழா!

  • stalin_dmk11

    தூத்துக்குடி துப்பாக்கிச் சூட்டை கண்டித்து தமிழகம் முழுவதும் பல்வேறு இடங்களில் திமுக கூட்டணி கட்சிகள் சாலை மறியல்

  • PlasticawarenessLondon

    லண்டன் பூங்காவில் பிளாஸ்டிக் விழிப்புணர்வு நிகழ்ச்சி

  • stalin_arrestkaithu11

    தூத்துக்குடி துப்பாக்கிச்சூடு சம்பவம் தொடர்பாக மதுராந்தகத்தில் போராட்டத்தில் ஈடுபட்ட ஸ்டாலின் கைது

படங்கள் வீடியோ கல்வி சினிமா ஜோ‌திட‌ம்