SUN குழுமத்திலிருந்து வெளிவரும் காலை நாளிதழ்

கோவை அருகே வனப்பகுதியில் காலில் காயத்துடன் சுற்றிய யானை இறந்தது

2017-11-15@ 02:17:39

பெ.நா.பாளையம் : கோவை பெரியநாயக்கன்பாளையம் வனப்பகுதியை ஒட்டி உள்ள மலை கிராமங்களில் சுமார் 25 வயது மதிக்கத்தக்க ஆண் காட்டு யானை ஒன்று இடது முன் காலில் பெரிய வீக்கத்துடன் சுற்றித்திரிந்தது. இந்த யானைக்கு நேற்று முன்தினம் சிகிச்சை அளிக்க கால்நடை மருத்துவர்கள் 2 முறை மயக்க ஊசி செலுத்தினர். புதர்களுக்கு அருகில் அரை மயக்கத்தில் நடந்து சென்ற யானை நடக்க முடியாமல் நின்றது. கால்நடை மருத்துவர்கள் வலி நிவாரணம் மற்றும் நோய் எதிர்ப்பு சக்தி மருந்துகளை ஊசி மூலம் செலுத்தினர்.

முன்னங்காலில் இருந்த கட்டியை கிழித்து அறுவை சிகிச்சை செய்தனர். பின்னர் காயத்திற்கு உரிய மருந்துகளை வைத்தனர். சுமார் 2 மணி நேரம் போராடி சிகிச்சை அளிக்கப்பட்டது. பின்னர் யானை வனத்துக்குள் சென்றது. இந்நிலையில் நேற்று அதிகாலை வேட்டை தடுப்பு காவலர்கள் யானையை கண்காணிக்க வனப்பகுதிக்குள் சென்றபோது, அதே இடத்தில் யானை இறந்து கிடந்தது. தகவல் அறிந்து சம்பவ இடத்துக்கு வந்த வனத்துறையினர் மற்றும் கால்நடை மருத்துவர் மனோகரன் ஆகியோர் யானையின் உடலை பரிசோதனை செய்தனர். பின்னர் யானையின் உடலை அதே இடத்தில் புதைத்தனர்.


மேலும் செய்திகள்

Like Us on Facebook Dinkaran Daily News
  • bathnatural

    சர்வதேச இயற்கை மருத்துவத் தினத்தை முன்னிட்டு மணல் குளியல் விழிப்புணர்வு

  • puegovolconoerupt

    கவுதமாலாவில் பியூகோ எரிமலை வெடித்து சிதறியது : 4,000 பேர் பாதுகாப்பான இடங்களுக்கு தஞ்சம்

  • delhiproblem

    டெல்லியில் நிலவும் பனிப்புகை மூட்டத்தால் பொதுமக்கள், வாகன ஓட்டிகள் கடும் அவதி

  • colombiacarfestival

    கொலம்பியாவில் 29வது கார் திருவிழா : தானியங்கி வாகங்களில் மக்கள் உற்சாகத்துடன் பங்கேற்பு

  • vietnamramnathgovind

    வியட்நாமில் தேசிய சபை தலைவர் நிகுயென் தி கிம் நிகானுடன் ஜனாதிபதி ராம்நாத் கோவிந்த் சந்திப்பு

படங்கள் வீடியோ கல்வி சினிமா ஜோ‌திட‌ம்