SUN குழுமத்திலிருந்து வெளிவரும் காலை நாளிதழ்

கம்பெனி நிதி பரிவர்த்தனை தொடர்பான ஆவணங்களை வருமான வரித்துறை அதிகாரிகள் எடுத்து சென்றனர் : சசிகலா அண்ணன் மகன் விவேக் பேட்டி

2017-11-15@ 01:37:01

சென்னை: திருமணத்தின்போது என் மனைவி அணிந்திருந்த நகைகள் குறித்து கேட்ட வருமான வரித்துறை அதிகாரிகள், கம்பெனியில் நிதி சம்பந்தமான ஆவணங்களை எடுத்துச் சென்றதாக சசிகலா அண்ணன் மகன் விவேக் கூறியுள்ளார்.  ஜெயா டிவி அலுவலகம் மற்றும் ஜெயா டிவி சிஇஒ விவேக் வீட்டில் கடந்த 5 நாட்களாக வருமான வரித்துறை அதிகாரிகள் சோதனை மேற்கொண்டனர். சோதனைக்குப் பின்னர் கைப்பற்றப்பட்ட ஆவணங்களின் அடிப்படையில் நேற்று முன்தினம் 5 மணிநேரம் விவேக்கிடம் வருமானவரித்துறையினர் விசாரணை நடத்தினர்.

இந்நிலையில், ஜெயா டி.வி.யின் தலைமை செயல் அதிகாரியும், சசிகலாவின் அண்ணன் மகனுமான விவேக் சென்னை மகாலிங்கபுரத்தில் உள்ள தனது இல்லத்தில் நேற்று பேட்டியளித்தார். அப்போது அவர் கூறியதாவது: எனது வீட்டில் கடந்த 5 நாட்களாக வருமான வரி சோதனை நடந்தது. எங்கள் வீட்டில் மட்டுமல்லாமல், எங்களுக்கு சம்பந்தப்பட்ட கம்பெனிகளிலும் நடந்தது. ஜெயா டி.வி.யையும், ஜாஸ் சினிமாவையும் கடந்த 2 ஆண்டுகளாக நான் நிர்வகித்து வருகிறேன். ஜெயா டி.வி.யை மார்ச் மாதம் முதல் நிர்வகித்து வருகிறேன். ஜாஸ் சினிமாஸ்க்கு 2015 முதல் தலைமை செயல் அதிகாரியாக இருந்து வருகிறேன். இந்த 5 நாட்களாக இது சம்பந்தமான ஆவணங்கள் பற்றி என்னிடம் கேட்டார்கள். எல்லாவற்றிலும் விரிவாக நான் பதில் சொல்லியிருக்கிறேன்.

இதை தவிர்த்து, எனது மனைவிக்கு திருமணத்தின் போது போட்ட நகைகள் பற்றி கேள்வி கேட்டனர். இது எல்லாவற்றிற்கும் நான் கணக்கு வைத்திருக்கிறேன். கண்டிப்பாக, 2 அல்லது 3 நாட்களில் இது தொடர்பான ஆவணங்களை வருமான வரித்துறையினரிடம் சமர்ப்பிப்பேன். வருமான வரித்துறை அவர்களது கடமையை செய்திருக்கிறது. என்னுடைய பணி, அவர்களுக்கு பதில் சொல்ல வேண்டியிருந்தது. அதை நான் சொல்லிவிட்டேன். அடுத்து கொஞ்சம் நாட்களிலோ அல்லது ஒரு மாதத்திலோ வருமானவரித்துறையினர் மீண்டும் விசாரணைக்கு அழைப்பார்கள்.

அந்த சமயத்தில் என்னிடம் என்னென்ன கேள்வி கேட்கிறார்களோ, அதற்கு பதில் அளிக்க நான் தயாராக இருக்கிறேன். எனக்கு தெரிந்த தகவலை அப்போது சொல்வேன். ஒரு சில பொதுவான ஆவணங்களை கம்பெனியில் இருந்து எடுத்திருக்கிறார்கள். பொதுவான மற்றும் நிதி சம்பந்தமான ஆவணங்களை அவர்கள் எடுத்தனர். அதுகுறித்த விவரங்களை கேட்டனர். நாங்கள் திரைப்படங்களை விநியோகம் செய்கிறோம். அது தொடர்பான கேள்விகளுக்கு தெளிவாக பதில் சொன்னேன். வருமானவரித் துறை சோதனையில் உள்நோக்கம் இருப்பதாக எனக்கு எதுவும் தெரியவில்லை. வருமான வரித்துறையினர் அவர்களது பணியை செய்திருக்கிறார்கள்.

யார் தவறாக பணம் சம்பாதித்து இருந்தாலும், அதற்கு வருமான வரி செலுத்தியாக வேண்டும். அதில் நான் தெளிவாக இருக்கிறேன். அது நம்முடைய கடமை. யார் தவறு செய்திருந்தாலும், அது நானாக இருக்கட்டும், நீங்களாக இருக்கட்டும், ஒரு அமைச்சராக இருக்கட்டும், யாராக இருந்தாலும் வருமான வரி செலுத்துவது நமது கடமை. இதற்கு நாம் பொறுப்பானவர்கள். இதை தவிர்த்து, வேறு விதமான பொய் பிரசாரம் செய்ய வேண்டாம். இதுவரைக்கும் இதுதான் என்னுடைய முடிவு. மேற்கொண்டு வருமான வரித்துறையினர் என்னிடம் கேள்வி கேட்டால் அதற்கு பதில் அளிப்பேன். இவ்வாறு அவர் கூறினார். விவேக் பேட்டியளித்த போது அவரது மாமனார் பாஸ்கர் உடனிருந்தார்.

வீட்டுக்கு வெளியே பேட்டி

விவேக் பேட்டியளித்த போது வீட்டு காம்பவுண்ட்டுக்கு உள்ேள கூட பத்திரிகையாளர்களை விடவில்லை. காம்பவுண்டுக்குள் விட்டால் வீட்டை படம் பிடித்து விடுவார்கள் என்பதற்காக விடவில்லை. இதனால், விவேக் வீட்டிற்கு வெளியே தெருவுக்கு வந்து, மழையில் நனைந்தபடி பேட்டியளித்தார். நிருபர்களின் சில கேள்விகளுக்கு மட்டுமே அவர் பேட்டியளித்தார். ஏராளமான கேள்விகளுக்கு அவர் பதில் அளிக்க மறுத்து விட்டார். மேலும் அவர் பேட்டியளித்த போது அவரை சுற்றி அவரது ஆதரவாளர்கள் நின்றிருந்தனர்.

தமிழ் மேட்ரிமோனி.காம் - தமிழர்களின் திருமண இணையத்தளம் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • lari_petrol11

    டீசல், பெட்ரோல் விலை உயர்வை கண்டித்து நாடு முழுவதும் லாரி உரிமையாளர்கள் காலவரையற்ற வேலைநிறுத்தம்

  • volcano_erimalai1

    467 வீடுகளை விழுங்கிய பிறகும் பசி அடங்காத எரிமலைக் குழம்பின் ஆக்ரோஷம்: நெஞ்சை பதறவைக்கும் படங்கள்

  • macedonia_makkal1

    நாட்டின் பெயரை மாற்றிதை கண்டித்து மாசிடோனியா மக்கள் போராட்டம் : வன்முறையை ஒழிக்க கண்ணீர் புகைக்குண்டு வீச்சு

  • thiruchi_kaarmegam1

    திருச்சியில் மலைத்தொடர் போன்று வானில் நீளமாக திரண்ட கார்மேகக் கூட்டங்களின் ரம்மியமான காட்சி

  • scotland_fireacci

    கிளாஸ்கோவின் உலக பிரசித்தி பெற்ற கலைப்பள்ளியில் பயங்கர தீ விபத்து : தீயில் கட்டிடம் எரிந்து நாசம்

படங்கள் வீடியோ கல்வி சினிமா ஜோ‌திட‌ம்