SUN குழுமத்திலிருந்து வெளிவரும் காலை நாளிதழ்

சென்னையின் எப்சி சிறப்பாக விளையாடும்... : பயிற்சியாளர் கிரிகோரி நம்பிக்கை

2017-11-15@ 01:16:23

இந்தியன் சூப்பர் லீக் கால்பந்து போட்டித் தொடரில் களமிறங்கும் சென்னையின் எப்சி அணியின் புதிய பயிற்சியாளர் ஜான் கிரிகோரி, 4வது சீசனில் எதிர்கொள்ள இருக்கும் சவால் குறித்து கூறியதாவது: கடந்த மூன்று சீசனிலும் மார்கோ மேட்டராஸியின்  பயிற்சியின் கீழ் சென்னை அணி மிக சிறப்பாக விளையாடி ரசிகர்களைக் கவர்ந்தது. அவரது பங்களிப்பு மகத்தானது. அதை தொடர  விரும்புகிறேன்.  தாய்லாந்தில் நடந்த மூன்று வார பயிற்சி முகாம்  மிகவும் பயனுள்ளதாக இருந்தது. தாய்லாந்து எப்சி அணியுடன் விளையாடிய போட்டியில் 3-0 என்ற கோல் கணக்கில் வென்ற்து, வீரர்களின் தன்னம்பிக்கையை அதிகரித்துள்ளது. எதிர்வரும் சீசனில் சிறப்பாக விளையாடி வெற்றிகளைக் குவிக்க முடியும் என நம்புகிறோம்.  
இந்த கிளப் நட்சத்திரங்களை உருவாக்கும் என்ற நற்பெயரைக் கொண்டுள்ளது.  நான்காவது சீசன் முடிவில் சென்னையின் எப்சி சார்பில் சில நட்சத்திரங்கள் நிச்சயம் உருவாகுவார்கள்.

கேப்டன் ஹென்ரிக் சொரெனோ,  ரபெல் ஆகஸ்டோ,  இனிகோ கால்டரோன் போன்ற வெளிநாட்டு வீரர்களுடன், இந்திய நட்சத்திரங்களான ஜெஜே, கோல்கீப்பர் கரஞ்சித் சிங், ஜெர்ரி லால், அனிருத் தாபா, தோய் சிங், தனபால் கணேஷ் தனச்சாந்திரா சிங் ஆகியோர் நம்பிக்கையளிக்கின்றனர்.  ஒவ்வொரு பயிற்சியாளருக்கும் பிரத்யேகமான பாணி இருக்கும். எனது செயல்பாட்டை ஊடகங்களும் ரசிகர்களும் மதிப்பிடட்டும்.  மார்கோ அல்லது வேறு பயிற்சியாளர் போலவே, நானும் தோல்வியை வெறுப்பவன்,வெற்றியை விரும்புபவன். இவ்வாறு பயிற்சியாளர் கிரிகோரி கூறியுள்ளார்.
இங்கிலாந்தை சேர்ந்த கிரிகோரி இங்கிலீஸ் பிரீமியர் லீக்கில் விளையாடும் பிரபலமான ஆஸ்டன் வில்லா அணியோடு 4 ஆண்டுகள் இணைந்து பணியாற்றி உள்ளார்.  சென்னையின் எப்சி தனது முதல் லீக் ஆட்டத்தில் வரும் 19ம் தேதி கோவா எப்சி அணியை சந்திக்கிறது.

வரன் தேட தமிழ் மேட்ரிமோனி, இன்றே பதிவு செய்யுங்கள் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 26-05-2018

    26-05-2018 இன்றைய சிறப்பு படங்கள்

  • trans_porattam

    ஸ்டெர்லைட் ஆலைக்கு எதிரான படுகொலையை கண்டித்து பிணம் போல் படுத்து திருநங்கைகள் நூதன போராட்டம்

  • neru_park_chinnamalai11

    நேரு பூங்கா - சென்ட்ரல் மற்றும் சின்னமலை - டிஎம்எஸ் இடையிலான மெட்ரோ ரயில் சேவை தொடக்க விழா!

  • stalin_dmk11

    தூத்துக்குடி துப்பாக்கிச் சூட்டை கண்டித்து தமிழகம் முழுவதும் பல்வேறு இடங்களில் திமுக கூட்டணி கட்சிகள் சாலை மறியல்

  • PlasticawarenessLondon

    லண்டன் பூங்காவில் பிளாஸ்டிக் விழிப்புணர்வு நிகழ்ச்சி

படங்கள் வீடியோ கல்வி சினிமா ஜோ‌திட‌ம்