SUN குழுமத்திலிருந்து வெளிவரும் காலை நாளிதழ்

விபத்துக்களை தடுக்க ரயில்வே கிராஸிங்கில் இஸ்ரோ தொழில்நுட்பம்

2017-11-14@ 20:46:10

புதுடெல்லி: விபத்துக்களை தடுக்கும் பொருட்டு ஆளில்லா ரயில்வே கிராஸிங்கில் இஸ்ரோ தொழில்நுட்பம் பயன்படுத்தப்பட உள்ளது.ரயில் பயணிகளின் பாதுகாப்புக்காக, ரயில்வே அமைச்சகம் பல்வேறு நடவடிக்கைகளை மேற்கொண்டு வருகிறது. குறிப்பாக, அதிக விபத்துக்களுக்கு காரணமாக இருக்கின்ற ஆளில்லா ரயில்வே கிராஸிங்கை மூடுவதற்கான பணிகள் மேற்கொள்ளப்பட்டு வருகின்றன. விரைவில் இதற்கு முடிவு எட்டப்படும் என ரயில்வே தெரிவித்துள்ளது. இப்பணிகள் முடிவடையும் வரை ஆளில்லாத ரயில்வே கிராஸிங் பகுதியில் பாதுகாப்பை கருத்தில் கொண்டு, இஸ்ரோவின் (இந்திய விண்வெளி ஆராய்ச்சி மையம்) உதவியை ரயில்வே அமைச்சகம் நாடியுள்ளது. கிராஸிங்கில் புதிய தொழில்நுட்பம் பயன்படுத்தப்பட உள்ளது.

ஆளில்லாத ரயில்வே கிராஸிங்கில் ஒரு கருவியும், ரயில் இன்ஜினின் முன் பகுதியில் ஒரு கருவியும் பொருத்தப்படும். இது செயற்கைகோள் உதவியுடன் கண்காணிக்கப்படும். இதன்மூலம், 4 கிலோ மீட்டர் தொலைவில் ரயில் வரும்போது, கிராஸிங் பகுதியில் பொருத்தப்பட்டிருக்கும் கருவி எச்சரிக்கை செய்யும். ரயில் கடந்துபோன பின்னர் அலாரம் ஒலிப்பது நிற்கும். இது, வாகன ஓட்டிகள் முன்னெச்சரிக்கையுடன் இருக்க வழிவகை செய்வதுடன், விபத்துக்களையும் தடுக்கிறது. நாடு முழுவதும் 7,254 ஆளில்லா ரயில்வே கிராஸிங்குகள் உள்ளன. ரயில் விபத்துக்களில் 40 சதவீதம் ஆளில்லாத கிராஸிங்குகளால் ஏற்படுவது குறிப்பிடத்தக்கது.

வரன் தேட தமிழ் மேட்ரிமோனி, இன்றே பதிவு செய்யுங்கள் - பதிவு இலவசம்!

மேலும் செய்திகள்

Like Us on Facebook Dinkaran Daily News
  • 26-05-2018

    26-05-2018 இன்றைய சிறப்பு படங்கள்

  • trans_porattam

    ஸ்டெர்லைட் ஆலைக்கு எதிரான படுகொலையை கண்டித்து பிணம் போல் படுத்து திருநங்கைகள் நூதன போராட்டம்

  • neru_park_chinnamalai11

    நேரு பூங்கா - சென்ட்ரல் மற்றும் சின்னமலை - டிஎம்எஸ் இடையிலான மெட்ரோ ரயில் சேவை தொடக்க விழா!

  • stalin_dmk11

    தூத்துக்குடி துப்பாக்கிச் சூட்டை கண்டித்து தமிழகம் முழுவதும் பல்வேறு இடங்களில் திமுக கூட்டணி கட்சிகள் சாலை மறியல்

  • PlasticawarenessLondon

    லண்டன் பூங்காவில் பிளாஸ்டிக் விழிப்புணர்வு நிகழ்ச்சி

LatestNews

படங்கள் வீடியோ கல்வி சினிமா ஜோ‌திட‌ம்