SUN குழுமத்திலிருந்து வெளிவரும் காலை நாளிதழ்

அனைத்துக்கும் ஒரே ஜிஎஸ்டி? : அருண்ஜெட்லி மறுப்பு

2017-11-14@ 01:04:13

புதுடெல்லி: அனைத்து பொருட்களுக்கும் ஒரே வரி விகிதம் கொண்டுவரப்பட மாட்டாது என அருண்ஜெட்லி தெரிவித்துள்ளார். சரக்கு மற்றும் சேவை  வரி (ஜிஎஸ்டி) கடந்த ஜூலை மாதம் அறிமுகம் செய்ததில் இருந்து, மாநிலங்களின் கோரிக்கைக்கு ஏற்ப மாறுதல்கள் செய்யப்பட்டன. 5, 12, 18, 28  சதவீதம் என நான்கு வகை வரி பிரிவுகளில் பொருட்கள் மற்றும் சேவைகள் அடக்கப்பட்டுள்ளன. கடந்த வாரம் நடந்த 23வது ஜிஎஸ்டி கவுன்சில்  கூட்டத்தில், 28 சதவீதத்தில் இருந்த 177 பொருட்கள் அதைவிட குறைந்த வரி பிரிவுகளில் சேர்க்கப்பட்டுள்ளன. சில பொருட்களுக்கு வரி விலக்கு  அளிக்கப்பட்டுள்ளது. குஜராத் தேர்தலை கருத்தில் கொண்டு இந்த முடிவு எடுக்கப்பட்டுள்ளதாக எதிர்க்கட்சிகள் விமர்சித்தன.

இதற்கு விளக்கம் அளிக்கும் வகையில் மத்திய நிதியமைச்சர் அருண்ஜெட்லி நேற்று கூறியதாவது:  ஜிஎஸ்டி வரி குறைப்பையும் தேர்தலையும்  ஒப்பிடுவது சிறுபிள்ளைத்தனமான அரசியல். தேர்லுக்காக வரி குறைக்கப்படவில்லை. சிலர் அனைத்து பொருட்கள் மற்றும் சேவைகளுக்கு ஒரே வரி  விகிதம் கொண்டுவரப்படுமா என எதிர்பார்க்கின்றனர். விலை நிர்ணய முறையை புரிந்து கொள்ளாதவர்கள்தான் இவ்வாறு கூறுகின்றனர். எனவே இது  சாத்தியமற்றது. அதேநேரத்தில், ஜிஎஸ்டி காலப்போக்கில் பரவலாக்கப்பட்டு, மாற்றி அமைக்கப்படும் என்றார்.

மேலும் செய்திகள்

Like Us on Facebook Dinkaran Daily News
  • 20-10-2018

    20-10-2018 இன்றைய சிறப்பு படங்கள்

  • tirupathivavacha

    திருப்பதி நவராத்திரி பிரம்மோற்சவம் : சக்கரத்தாழ்வார் தீர்த்தவாரியுடன் நிறைவு

  • kulasaidasaraeight

    வெகு விமர்சையாக கொண்டாப்பட்டு வரும் குலசேகரபட்டிணம் தசரா திருவிழா

  • 18-10-2018

    18-10-2018 இன்றைய சிறப்பு படங்கள்

  • thaneerrr_kaari

    தொடரும் தண்ணீர் லாரி உரிமையாளர்களின் வேலை நிறுத்தம் : சென்னையில் குடிநீர் தட்டுப்பாடு அபாயம்

படங்கள் வீடியோ கல்வி சினிமா ஜோ‌திட‌ம்